قصيدة لشاعر مجهول

[سهم القصيد]

[جلس شاب في الحديقة واجتمع حوله مجموعة من الشباب

وصاروا يستهزؤون به وينادونه يا شاكوش..

فكتب هذه القصيدة وتركها في مجلسه بالحديقة

فالتقطها احد المارة وصورها ووزعها..

يقول فيها..


لقيت في البخشة طيوربلا ريش=جنحانها وانيابها دقم وقصار
طيور ومرباها من السوق للحيش=وان اونست لفح الهوى تزبن الدار
يمشون في الاسواق مثل الدراويش=وان اذن المذن يهجون عبّار
فيهم طبوع من طوال العكاريش=وفيهم من الخرفان تدويج وخوار
قضوا على اللحية وحطوا دناديش=وقاموا يحنون البراطم والاظفار
وماتسمع الاويش زيك وقد ايش=ويطرب ليامن سمع عود ومزمار
جيل خبيث لو يجي فيه تفتيش=ظهر كثير منه اناثى له اذكار
جيل يسمون النشامى شواكيش=واهل اللحى بافكارهم مالهم كار
اهل اللحى صبيان نجد المداغيش=اللي لهم فضل على الضيف والجار
يوم السنين اشداد والرزق تنويش=وهم يبوجون الفيافي والاقفار
ذولا جماميل وذولا طراريش=وذولا لهم جوله على قحص الامهار
واليوم كثر الامن والرزق والعيش=وقت تساوت فيه الاذرع والاشبار
يظهر شبابه ناعم مابعد هيش=فيه الولد يظهر كما عشبة النار

[الوافي]

مشكووووووور يالسهم


اختيار موفق

يعطيك العافيه

[سهم القصيد]

مشكور يالوافي على مرورك..

[الشلواني]

جيل خبيث لو يجي فيـه تفتيـش=
ظهر كثير منه اناثـى لـه اذكـار


سهم القصيد شكرا لك ياغالي على هذا المجهود الرايع قصيده معبره عن واقع بعض شباب المسلمين في الوقت الحالي=
عندي لكم مثل جميل على بعض شبابنا هليام

يقول المثل (
طوال الخصاء ملقحت النساء)

[كديميس]

قصيدة رائعة ياسهم القصيد واختيار موفق

[إحســــ(رسام)ــــاس]

قضوا على اللحية وحطوا دناديـش وقاموا يحنون البراطـم والاظفـار

يعطيك العافية اخوي سهم القصيد

[سهم القصيد]

مشكورين ويعطيكم العافيه...

[عبدالله الشدادي]

مشكور اخوي سهم القصيد

على القصيده الراااائعه والنقل

الموفق الله يعطيك العافيه

[سهم القصيد]

شكرا لمرورك ياعبد الله.......