المساعد الشخصي الرقمي

مشاهدة النسخة كاملة : :":"مرثية قيلت في ابو لبيدان رحمه الله":":


ابن البيدان
05 Oct 2006, 06:08 AM
السلام عليكم ورحمة الله وبركاتة

هذه قصيده جاد بها الصميم في عمي مطر بن سفر بن لبيدان الشدادي الحارثي
ولو سار القلم وجادت الافكار يبقى ماقيل فيه قليل.




عظم الله أجر منهو مثلنا وطبــع اللــــــــيال= تعذر بنجمٍ شهير وتطفي نورٍ شايلـــــــــــه

ودع نجومه وانحدر معانقٍ رؤوس الجـــبال= يابو وليد لاخير في دنيا متعها زايلـــــــــه

وجدي وجوده يالربع خلو الندم كفّو الجــدال= يعلم الله طيحته ضربة صميم هايلــــــــــه

وجدي وجودك يازعيمٍ ماحسب للوقت بــــال= يشهد الليل وسواده والبروق مخايلـــــــه

والا وجودي وجد عينٍ فارقت طيف المجــال= واستوت بمقلتيه نسناس ليل وقايلـــــــــه

عمي ماعده الا لابه مزاحم زحول الرجـــــال= لانتخى من طالبه مدت يمينه طايلــــــــــه

فيه الكرامه والشجاعه بمجلسه صفر الدلال= يطرب يخفوقك لانتشى بقولة قصيدٍ قايله

انشد رفيقه لابدا للحال دوره واحتيــــــــــــال = اما معاند للظرف مايعرف الها مايلــــــه

ربي دعيتك ترحمه وتثّبته عند الســــــــــؤال= ربي رجيتك تجتبيه من السؤال وسايلــه

ترثيك صلفات الهبايب من جنوب ومن شمال= ويرثيك قلبٍ ترجم احزانه وحزن العايله
.....
وسلامتكم

بدوي فاهم
05 Oct 2006, 06:28 AM
صح لسانك اخوي بن لبيدان

ورحم الله عمك مطر ... ونعم الرجل الله يغفر له ويرحمه رحمه واسعه .

الله يعطيك العافيه على هالقصيده

البرنس
05 Oct 2006, 04:43 PM
صح لسانك أخوي ابن البيدان على هذه القصيدة

ورحم الله مطر بن سفر بن لبيدان الشدادي الحارثي

كان نعم الرجل وكان صاحب حمية وشجاعة وكرم

له من الدعاء الخالص بأن يرحمة الله ويسكنه فسيح جناته

والله يعطيك العافيه أخوي ابن البيدان

عبدالله الشدادي
05 Oct 2006, 08:10 PM
صح لسانك اخي العزيز على القصيده

ورحم الله مطر بن سفر بن لبيدان الشدادي

السلطان
06 Oct 2006, 05:52 PM
صح لسانك أخوي ابن لبيدان والله يرحم فقيدنا

مطر بن سفر بن لبيدان

ويسكنه فسيح جناته ويغفر له

ابو خليه
07 Oct 2006, 07:32 PM
السلام عليكم ورحمة الله وبركاته :
صح لسانك اخوي ابو لبيدان واسمحلي من باب حديث الرسول (ص) -- أذكروا محاسن موتاكم -- أن اذكر بعض المواقف الطيبه للمرحوم ( مطر بن سفر بن لبيدان البصيصي الشدادي ) حيث أنني أعرفه عز المعرفه وعشت معه ما يقارب عشر سنوات عندما كنت أعمل في الرياض حيث كنت أنا وهو في جهاز حكومي واحد :
01 ابولبيدان ( رحمة الله عليه ) كان من الرجال النادرين في النخوه والكرم والفزعه ويحب اسم الحارثي حتى ولو كان من أقصى الناس .
02 ابو لبيدان ( رحمة الله عليه ) حجاجن يضحك يحب الصيد والمقانيص وهو شاعر فحل بعد ولا تمل من مجالسه واخوته في كل درب طيب .
03 أذكر مره من المرات كنا جالسين انتقهوى في المكتب في العمل ودخل علينا ولد صغير في سنه مابين العشرين الى الثنين والعشرين وقال ( مافيه احد من ابن الحارث ) عندكم وماهو الا ان سمعه المرحوم ( ابن لبيدان ) وقال له ( أبشر بعزك وصلت يا ولدي حياك الله ) وجلس الولد وقمت انا ابي اقهوي الرجال فقال له ( ابو لبيدان ) : ( آمر يا ولدي إن كان تبي جاهيه قمنا معك وإن تبي فلوس عطيناك وان كان مظلوم نصرناك ) فقال الولد : أنا لي معاملة عند مسئول كبير وعقدني وعيا يعطيني حقي . فقال له ( ابو لبيدان ) : ( ابشر يا ولدي انت تقهو ذلحين ونبا نروح للبيت انتغدى ومعاملتك انشالله اعتبرها محلوله بعون الله سبحانه وابليس ملعون ) بعد ذلك خرجنا من العمل الى بيت ( ابو لبيدان ) رحمه الله الكائن في حي عتيقه بالرياض وتغدينا وتقهوينا وانبسطنا وصلينا العصر ثمن ركبنا وعلقنا برجالن من ذوي حطاب له مكانه ومعروف عند المسئولين اسمه ( سعد بن شبيب الشلوي ) وعندما دخلنا عليه رحبنا الرجال وفرح بابو لبيدان يوم جاه بيته وجلسنا وعندما قدم لنا الشلوي القهوه قال ابو لبيدان : والله ما اشرب فنجال قهوتي الا بطلبي يا بن شبيب قال الشلوي ابشر فقال ابو لبيدان معي الولد هذا من الجماعه وعنده معامله في المحل الفلاني وعقدوه عندها واليوم تكفى نباك تحلها فقال الشلوي ابشروا , واليوم الثاني رحنا للمسئول اللي عنده المعامله ودخلنا عليه وانحلت والحمدلله مشكلة الولد الحارثي واخذ حقه , وماهو ان خرجنا من مكتب المسئول حتى اخذ الولد يبكي ويسلم على راس ابو لبيدان وخشمه ويقول ( الله يرحم والديك ما قصرت يا عمي عزالله ان معاملتي هذي لها سنه كامله وانا اطرد وراها ما انحلت لين حليتها انت ومن معك الله يبيض وجهك ) انتهى
آخر الكلام :
اله يرحمك يابو لبيدان , الله يرحمك يابو لبيدان . الله يرحمك يابو لبيدان , الله يرحمك يابو لبيدان , عزالله انك فقيده علينا كلنا . والسلام عليكم .,,,

ابن البيدان
08 Oct 2006, 09:53 PM
السلام عليكم ورحمة الله وبركاته
ابناء عمي الكرام
اشكر مروركم الاكثر من رائع
والله يعطيكم العافيه
----------------------------------------------------
اسمحوا لي ارد على ابو خليه
لان رده جدآ لفت انتباهي واثلج صدري وقلب المواجع
والله يابو خليه ان ردك هذا عن الف مرثيه
وكان الله يرحمه سوالفه توسع الصدر ومواقفه تبيض الوجه
انا ما اقول هالكلام لانه عمي
لا
كل ربعنا يعرفون منهو ابو البيدان الله يرحمه
واما اعدك فيه وكل اعضاء المنتدى بقصائد موثقه له (رحمه الله)
وعلى شانك يا ابو خليه راح انزل مرثيه ثانيه في رفيق عمرك ابو البيدان رحمة الله عليه
قلتها فيه
ولايهون اعضاء منتدانا الكرام
والسلام عليكم

الذيب1
11 Oct 2006, 03:11 AM
صح لسانك أخوي ابن البيدان على هذه القصيدة

ورحم الله مطر بن سفر بن لبيدان الشدادي الحارثي

كان نعم الرجل وكان صاحب حمية وشجاعة وكرم

له من الدعاء الخالص بأن يرحمة الله ويسكنه فسيح جناته

والله يعطيك العافيه أخوي ابن البيدان ,ويرحم الله ابو صقر رحمه واسعه وللكنيه هذه قصه طويله معه رحمه الله رحمه واسعه

shdad_11
20 Nov 2006, 06:13 PM
صح لسانك أخوي ابن البيدان على هذه القصيدة

ورحم الله مطر بن سفر بن لبيدان

الرياض
20 Nov 2006, 06:22 PM
صح لسانك أخوي ابن البيدان على هذه القصيدة

ابن البيدان
20 Nov 2006, 11:15 PM
اعتترف با التقصير ولكن اشكرك يا الذيب على مرورك الكريم.

عيون الأصيل
25 Jan 2007, 02:35 PM
صح لسانك ومشكور اخوي

على نقل القصيده الجميله

تحياتي

أبو نايف الجياشي
14 Oct 2011, 07:14 PM
الله يرحمه ويغمد روحه الجنة

عزالله انها رجال الله يرحمه

خيال الشدادين
14 Oct 2011, 07:25 PM
الله يرحمه ويغفر له مات ولكن ذكره لم يمت
فهذه الرجال التي تعرف الحمية وتجعل
من مكانها لخدمة ربعها والغانمين
من الرجال الله يرحمك برحمته.

الرحال
27 Dec 2011, 07:28 PM
الله يرحمة ويغفرله ويسكنه فسيح جناته ويغفر لجميع المسلمين
تشرفت بمعرفته عندما أتى إلى الديره قبل وفاته بكم سنه
وكان عند والدي عشاء لشدادين وكان بينهم وبين
أحد القبايل مشكلة وكانو متواعدين يذهبون
لمقصدهم بعد العشاء فلما تعشينا قال يامعزبنا أبي لي سياره ورشاش ورجالن يعرف
المكان فقال أبوي أبشر يابن لبيدان قم وأنا أبوك رح مع أبن لبيدان
وأنا بأخذ عشاء الربع اللي ماحضرو وألحقكم
فركبنا ومشينا أنا وأهو رحمة الله عليه وواحد من الربع في سيارته
وكان عمري وقتها 16 سنه فقال رحمة الله عليه جبت السلاح قلت نعم قال
كم جبت ذخيره قلت له لم أحصل إلا خمس وفالمخزن
قال هاته قلت أسدك قال أقول هاته خمس وش تسوي
قلت إذا جاء شي ماهي ثايره إلا في لحم وهذا اللي يعذرني منك يابن لبيدان
ألتفت لي وقال ياطيب كبدي طيباه لو أعطيتني سلاحك
شرهة على أبوك اللي أرسلك معي لأن الرجل وأنا عمك في هذه المواقف مايعطي
سلاحه إلا إذا كان ماهو كفو له بيض الله وجهك وماخاب أبوك
وعليهم عانتٍ بالله وأنا عمك وذهبنا وسوينا اللي متفقين عليه وجلس معنا مايقارب
عشرة أيام أستفدت منه الشي الكثير رحمة الله عليه وكان لاينمل ولا يجامل
وصاحب حميه وفزعه الله يرحمه ويغفرله وصح الله لسانك

السلطان
27 Dec 2011, 08:24 PM
الله يرحمه ويغفر له
ولا هنت يا أبو ضاوي على ايراد هذه القصة
القصيرة مع هذا الرجل الفقيد
وفقك الله

خيال الشدادين
27 Dec 2011, 10:04 PM
الله يرحمه شفوه راح مابقي غير سيرة العطرة
الله يغفر له ويعوض الشدادين في فقيدهم
ويكثر من امثاله بالقبيلة .

كيان إنسانة
27 Dec 2011, 10:07 PM
رحمه الله وغفر له واسكنه فسيح جناته واكثر من امثاله