المساعد الشخصي الرقمي

مشاهدة النسخة كاملة : ماذا قالت الشاعرة في الشدادين ؟؟


ابن مهرس
01 Nov 2006, 01:19 PM
بسم الله الرحمن الرحيم

السلام عليكم ورحمة الله وبركاته...

أخواني الأعزاء

إليكم هذه القصة والقصيدة وآمل أن تحوز على رضاكم..

هذه الشاعرة من قبيلة بني الحارث كانت هي وقومها مجاورين الشدادين في البادية وكان النساء من الشداديات يكرمونها ويرفعوا شأنها وكونوا معها صداقة وأصبح بينهم محبة شديدة.
ولكن مع أختلاف الحياة وتطورها ونزول البدو للهجر كان ذلك سبب تفرق الشاعرة عن صاحباتها الشداديات وبعد مرور السنين أراد الله أن يجمع الأصدقاء في إحدى المناسبات في قرية قيا وكانت فرحة هذه الشاعرة لا توصف وقضت مع صاحباتها وقت جميل
وبعد رحيلها إلى ديارها قالت هذه الأبيات:


الزين في وادي قيا جعله السيل = فيه الكرم والزين ويا الشجاعه
عسى يعله من صدوق المخاييل = حتى يروج السيل في وسط قاعه
فيه البني الشقر ويا المزايين = ياليتني أزورهم كل ساعه
بنات ربع ٍ كلبوهم مشاكيل = اللي لهم تالي الركايب وداعه
مركاضهم يشبع به الذيب والطير = وفعولهم زد سجلة فالاذاعه
وقصيرهم ما يشتكي منهم الميل = ويكرّمون الضيف يوم المجاعه
يا زين سوق أيمانهم للفناجيل = وكل ٍ على العليا طويل ٍ ذراعه
هذا كلامي وأحسن الهرج تقليل = وترى قليل الهرج فيه القناعه
مار أسمحوا لي كان في المدح تقصير = مار أسمحوا لي يا رجال الشجاعه
وأختامها مني زباد ٍ مع الهيل = وصلوا على المختار سيد الشفاعه

وهناك شاعرة أخرى تقول:


الله يسقي داركم يالشدادين = يمطر عليها كل صبح وعشيه

وفي الختام تقبلوا تحيات أخوكم ابن مهرس

ابن جربان
02 Nov 2006, 01:40 PM
لاهنت يالبناخي

وبيض الله وجهك وما قصرت

السلطان
02 Nov 2006, 01:50 PM
إي والله يا ابن مهرس بيض الله وجهك

والله إن هذي هي العلوم اللي نتسلى بها ونطرب لسماعها

عسى عمرك طويل وعسانا ما ننحرم من علومك

عبدالله الشدادي
02 Nov 2006, 01:52 PM
لاهنت اخوي ابن مهرس الله يعافيك

تسعدني مواضيعك الراااائعه دايماً لك اطيب تحيه

محمد بن جزاء
02 Nov 2006, 07:23 PM
بيض اله وجهك يابن مهرس
والله اني ليا شفت العلوم في الشدادين
اني انبصط

بدوي فاهم
03 Nov 2006, 08:40 PM
علومك كلها طيبه يا بن مهرس ولا تجيب الا الزين


تسلم يا الغالي

شموخ شدادية
04 Nov 2006, 11:08 PM
قصة رائعة وقصيدة أروع أتمنى رؤية مثل هذه المواضيع دائماً

ابن مهرس
18 Nov 2006, 11:29 AM
يا مرحبا بالجميع
مشكورين على المرور

ساري الليل
24 Nov 2006, 09:39 PM
الله يسقي داركم يالشداديـن
يمطر عليها كل صبح وعشيه
صح لسانها

ابن البيدان
10 Dec 2006, 09:33 PM
جعل هاك الديار با المطار اللي ينعش كل شبر فيها والله يا الربع علوم مثل هاذي لها نشوه خاصه ولكن جزيل الشكر لروعه لطرح.

خالد بن سعود
12 Dec 2006, 01:10 PM
ااااااااااالله اااااااااالله
ياأبن مهرس
يامشرفنا الغالي
قصيده أسعدتني صراحة
بيض الله وجهك ياأبن العم

صويب الوله
15 Dec 2006, 06:58 PM
ياجعل والدينك بالجنه يالذيب

ماقصرت ياطويل العمر


مشاركه ولا أروع


بيض الله وجهك


ولك خالص شكري وتقديري




.

أبو نايف
17 Dec 2006, 01:37 PM
مشكور اخوي ابن مهرس

ابن مهرس
30 Dec 2006, 11:27 PM
حياكم الله

عيون الأصيل
25 Jan 2007, 02:39 PM
صح لسان الشاعره ومشكور اخوي

على نقل القصايد الجميله

تحياتي

صريح
02 Oct 2007, 06:26 AM
أنت موسوعة يا أبن مهرس
ما شاء الله عليك بارك الله فيك يالنشمي

عيد الشدادي
23 Feb 2008, 10:00 PM
ااااااااااالله اااااااااالله

ياأبن مهرس

يامشرفنا الغالي

بيض الله وجهك ياأبن العم