بندر بن سرور الله يرحمه

[الشلواني]

هاذي بعض قصايد بندر بن سرور اللة يرحمة


أنا الذي ما ابدي على الناس سرّي = من خوف سودان الوجيه تحكي به
أصبر على ظيم الدهر و التعرّي = من شان من يرضى عليّ الغليبة
و ابعد مجالي عن عيال التزرّي =من لا هوى قلبي دواه المغيبة
واخاف لي من مجلسٍ ما يذرّي=في جانبه بومٍ حساسه صليبه
و سوالفٍ مابين بحث و تحرّي = يجرح فؤادي عيّه و ابتلي به
يرضيني المقسوم خيري و شري =سبحان من لا تعلم الناس غيبه
أحدٍ على ربعه يحب التحري=للشر بلاس و خيره بجيبه
هذاك يالربع انا منه متبرّي= لو عضّني ناب الدهر ما انتخي به
من خوف يضحك لي و هو يستغرّي = يفتل حبال السّوْ ما يندري به
يفرح عليّ بكل شيٍّ يمرّي= و ان شاف يمّي خير عنّي نهيبه ===================

قصيدة يتوجد فيها على معشوقته بفرت :


الا وا وجودي وجد من صك دونه باب= بقفل اعجمي مغلقات مساميره
عَدَو به على اللي كنه النسر بالمرقاب = على الجمس الأصفر كاملات شراشيره
معه فرت خمسة طن ياخذ مية ركاب= من المال عيّن ينقلنّه تغاييره
دخل هو و حِمله للحكومة بغير حساب = و راعيه عشر سنين و يعاد تقريره
على اللي كواني كيّة العظم بالمشهاب = على أقصى عراوِ القلب محمي مناشيره
عشيري ورا الكوده وانا من ورا مشعاب=بعيد قريب تعيب يا هون تيسيره
ولا يوصله كود " فرت " عليه اسطاب= ليا حاسب السوّاق تقدح مواخيره
صنايع بياطير الكفر لابسين الكاب = عصاة اليهود اللي مشاريبها البيرة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ألا يا نديبي فوق فرتٍ ورد من شرق=على راس قيره للعليمي تعاشيقه
من الوارد اللي جمركه عند راعي عرق=على المطرق مجبور ياخذ قماريقه
===================

قصة خط على فرت من الشام :


من بلاد الشام جينا بالمكينة=فوق فرتٍ ما تخثع بالطماني
يحتدي مثل الجمل تسمع رطينه = مع طمان القاع مثل الثعلباني
والشـُفير من المدارس مطلعينه = عن ظلام الليل شب الكهرباني
كل ما جاه تل يلعن والدينه= باليمين اللي على كل اليماني
ما تجيه يسار رجله شوف عينه= غير يسرى الطار شيٍّ بالاماني
يوم قال له الخوي عاشت يدينه=شد رجله للكمك واحد و ثاني
يالله انك تنصره من نصر دينه = إن عطى له مع غبا ولا بياني
قلت يالمطنوخ أنا عيني حزينه=من شراب اللف أبيه و عنك كاني
قد رمى بالكيس قدمي قال وينه = دوك ما بالجيب عن شيٍ لهاني
قلت ثالث قال يالله لا تهينه =قلت خامس قال يطلب نقل ثاني
قال واحد و الكمك واسمع حنينه=كيف ما ترضى عليّه بالهواني
قلت واحد و الكمك ضام المكينة = قال لي من يرحم القاسي لياني
قلت والله يرحمونه صانعينه=قد زعلت من اللهيب اللي حداني
قال ما ناثق بمن هم متقنينه =عن مشاور غير عرفي قد كفاني
قاطع عرقين مادري وين وينه=قد وصلت الأرض و اسمع صوت ثاني
قلت دوك اللف خابوا شاربينه = غطّني عن شوف شي ما خفاني

ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
راكب اللي مخ رجليه خنزير و هوا=أشهب في مقدمه باقين و عكس تاج
متر في مترين مستبرم كله سوا= حايفه حطاب ما سمكره راعي الكراج
إن نعشته بالثلاثة مع اللفة عوا= عوي ذيب محتدينه مربية النعاج
ثابت ما يختلف كلما لف إنزوا = و ارتفع ثم ارتخى مثل طايرة المراج
كن ضرب المرو في الويل قدام و ورا =ضرب هملول البردوان تقفاه العجاج
منوة اللي مشفقن لهله و لهم نوا=من بعد طول المسافة يبي فلّة الحجاج


===================

من القصائد المشهورة لبندر , و كلها حكمة, و كل بيت منها يحتاج لصفحات

يالله يا جال الأمور المهمة = تجلى وهق قلب برى حال راعيه
البر دجته و البحر رحت يمّه =أدرج سبب حظ على الله مساعيه
يوم إن ولد اللاش رزقه على أمه = رزقي على اللي ميّت القشع يحييه
ماني وانا بندر ببياع دمه=يقطعك يا بيّاع دمّه و مهفيه
اللي يبيّع لابسات الأزمه= ثور يبي بيض العماهيج تغنيه
يزعل ليا جت ليلة الدول يمّه = يرضى بسوق المال بأخيه و أبيه
خطو البخيل اللي يكبّر معمه = يقرا الكتاب و واجب الله مخليه
أما هرج له في رفيقه بنمّه = والا عطا و أمه تضيّع هقاويه
يا مل قلب كل ما مات همّه =دارت دواليب الدهر لين تحييه
فرّاق شمل الناس عيّا يلمه= وقتن يشيب الراس من شاية فيه
أحدن ينام و حط راسه بكمه= و أحد تخم النوم عينه و تخطيه
و أحدن يحاول بالردى بنت عمه=و أحدن يحاول ستر عذرا عوانيه
تخالف الأنظار شرقن و يمّه= كلٍ هدف رايه من الناس مرضيه
أنشدك ياللي كل شي تتمه=تقرا الكتاب كل فرض تصليّه
ويش القليب اللي عميق مجمّه=ما سرّ غرسه ماه عطشى سوانيه
سم السبب يا عارفن عنه سمه= سم السبب يا عارفه قبل اسميه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
والله يا لا لا كلمة قيل ذلّيت = لاترك مقاصى اللاش نقص و مهونة
لا شك ضرّاب المثل به تقدّيت=من حرّك المجنون ناطح جنونه




قال يوصي رشيد :

يا رشيد يوم أتعبتني بالتناشيد= خذ لك من الدرويش زبدة قصيده
ليا عبدت الله ولا أشركت تعبيد = ترى محمد صفوة الخلق سيده
و ترى أبرك الحاجات يوم صدف عيد=جمعة اسبوع و صادفت يوم عيده
و اذكر لك الاجواد صد و صواميد= و انذال لا صدت ولا من صميده
و اذكر لك اقشر ما على السيد و البيد = اللي طمع بنت القصير الحديده
فضح قصيره عنده انه كسب فيد = سولف بها للناس خطو البليدة
سولف بجرحٍ ما لجرحه تضاميد = زوّد لجرحه جرح ينزف صديده
ليا وطاك اللي وطاني تراديد =رد السؤال ولا تخبر بريده
اضرب ثلاث بعشر و اجمع تفاريد =و فرق على العشر القليد بقليده
واللي بقى لو تفرقه للمواديد =كم تفرقه بين الوديد و وديده
أنا الذي قد مرني سلك تجنيد=خدمت به سنين عديده
مرحول هم و كل شي له أجيد = اجيد زين و شين و الهم اصيده
اسمع صرير القلب بين الجواريد = حدّنه الاضلاع و اسمع صريده
صرير فرخ حده اقطم صواريد= اول طرد قرناس ثاني حريده
هذا و انا شفت الوزا و التزاهيد = لا اقول حي ولا تحت قبر ريده
والله ما أهني قاضي العمر ترغيد = ابن اللئيم اللي حياته رغيده
أهنّي القلب الخطا بالمراقيد=و ضب الخلا لو ياكل رديده
ــــــــــــــــــــــــــــــــــــــــــــــــــ ــــــــــــــــــــــــــــــــــ
ما يطلع القرناس من عش بطّه = و الجبو ما يحيي النوامي شفيطه
ليا صار من ربعك اقيشر و نِطّة=هزّ المحالة لين يفرط شريطه
تراه ما ينفع عساها تلطّه =خيال دجل و مثل عنزٍ ربيطة


===================

وهاذي بعض المقاطع حصلت عليها ايضا

يا بجاد لو صادفت وِرعٍ صدفناه=على طلوع صفوف ثاني إعدادي
ابو جديل يوم تدلج زواياه = سبّاح غبّات مع الموج غادي
يمكن يصبّون الذهب من شفاياه = والا بخده يزرعون الزبادي
---------
يا بنت ياللي عينها عين شيهان = حرّ قطامي فعوله عطيبه
والقرن ذيل اللي تشعشع للاكوان= بنت الاصيل اللي طويلٍ سبيبه
و الردف يطوي الثوب و العود ريّان=و الخد بارق مزنةٍ مستجيبة
أسايلك بالله خلاق الانسان = الله عليتس انتي من أيّا عتيبة ؟؟؟
------
يا زين فنجال على نومة الناس = زرع اليمن و اللي مسوّيه عيده
يبري العماس اللي فضى خوتة الراس= روابع يقفي و يقبل بريده
----
يا بنت ياللي عمرها صدر و ردوف =بيض محاجرها و حلو نباها
ودي بشوفك مير يوم اقصر الشوف= عيني بعد هاك الرمد قل ماها

[عبدالله الشدادي]

قصايد مختاره لبندر بن سرور


يوم جرى لي بالبسيطا تواعيس = بالسهله اللي مثل لبة منيره

عيا حلال القوم لايشتغل ريس = والماء خلص والموت قدم وزيره

في سهلة فيها المنايا متاريس = يبدي بها المشحوف مافي ضميره

ماني وانا بندر بهيس ولد هيس = هيس ايدنع عند حرمة قصيره

اليا بغيت اجلس ترى لي مجاليس = واليا بغيت انهج دروبي عسيره





يزين فنجال على هجعة الناس = زرع اليمن واللي مسويه عيده

يبرى العماس اللي فضى طوبة الراس = راوبع يقفي ويقبل بديده

ياسهيف الذرعان لاباس لاباس = مانيب من يجري الخبيث بوريده

كم فرجة من خوفها البال محتاس = على عيال البوم عسر مديده

وغيره ليا نامت عن الذكر الأنجاس = سجدت للي يدرج الملك بيده

ارجو ان تكون عند حسن رضاكم

تحياتي للجميع

[بعيد الديار]

سلمت يا عبدالله

ما قصرت اخوي

بندر بن سرور شاعر كبير جدا

مشكوووووووووووووووور اخوي

[المستحيلة]

يعد الشاعر بندر بن سرور العتيبي واحداً من اشهر شعراء العامية في عصرنا الحاضر، ذلك راجع الى عدة امور من أهمها الظروف التي عاشها وعايشها الشاعر التي كان لها الدور الأكبر في تشكيل شخصيته وصقل موهبته الشعرية، اضافة إلى ما يتوافر عليه شعره من جزالة في اللفظ وقوة في السبك وسهولة في الحفظ، الأمر الذي جعل شعره قريباً جداً من متذوقيه وعشاقه، اذ حفظ شعره في الصدور ولما يطبع له ديوان شعري.
ولقد تعددت الاغراض التي طرقها شاعرنا، إلا أنه أكثر في شعر الحكمة، وذلك نتيجة لما واجهه في حياته من متاعب ومآس، جعلته يعيش حالة من القلق والترقب، تلك التي عاشها قبله شاعر العرب الأكبر أبو الطيب المتنبي، القائل:

على قلق كأن الريح تحتي=أسيرها يميناً أو شمالاً
وهو ما عناه بندر عندما وصف حياته قائلاً:

ما أكفاك مني سجتي بعض الأمرار=أنهج جنوب وحاجتي بالشمالي!!

هذا الشاعر الذي ذرع البيداء يميناً وشمالاً، وأكثر من الترحال، ولم يقر له قرار، ولما عاناه في حياته القاسية، قد يظن أنه أعطى صدوداً عن الغزل في شعره، وأنه لم يعشق، غير أن الحقيقة غير ذلك، فما هو إلا ذلك البحار الذي أنفق عمره في البحث عن حب وعن أحباب، كما يقول نزار!! إذ حمل بندر بين جوانحه قلباً أحب وعشق، وهام وجداً، فقال شعراً غزلياً رائعاً، إلا أنه لم يسهب في ذلك شأنه بذلك شأن صاحبه المتنبي القائل:




وللخود مني ساعة ثم بيننا=فلاة الى غير اللقاء تجاب



يتجلى جميل الشعر الغزلي عند بندر بن سرور عندنا يعلن في احدى قصائده عما يختلج في جوانحه من الوجد والهيام بقوله:




آه يا فيحان من بعد المسافة=بين نجد وبين ريعان الحوية!!


مطلع رائع يعطي انطباعاً وشعوراً بالغربة، ولكن ما أسباب ذلك الوجد؟!

[عبدالله الشدادي]

سلمت يا عبدالله

ما قصرت اخوي

بندر بن سرور شاعر كبير جدا

مشكوووووووووووووووور اخوي

مشكور على تواجدك

[عبدالله الشدادي]

يعد الشاعر بندر بن سرور العتيبي واحداً من اشهر شعراء العامية في عصرنا الحاضر، ذلك راجع الى عدة امور من أهمها الظروف التي عاشها وعايشها الشاعر التي كان لها الدور الأكبر في تشكيل شخصيته وصقل موهبته الشعرية، اضافة إلى ما يتوافر عليه شعره من جزالة في اللفظ وقوة في السبك وسهولة في الحفظ، الأمر الذي جعل شعره قريباً جداً من متذوقيه وعشاقه، اذ حفظ شعره في الصدور ولما يطبع له ديوان شعري.
ولقد تعددت الاغراض التي طرقها شاعرنا، إلا أنه أكثر في شعر الحكمة، وذلك نتيجة لما واجهه في حياته من متاعب ومآس، جعلته يعيش حالة من القلق والترقب، تلك التي عاشها قبله شاعر العرب الأكبر أبو الطيب المتنبي، القائل:

على قلق كأن الريح تحتي=أسيرها يميناً أو شمالاً
وهو ما عناه بندر عندما وصف حياته قائلاً:

ما أكفاك مني سجتي بعض الأمرار=أنهج جنوب وحاجتي بالشمالي!!

هذا الشاعر الذي ذرع البيداء يميناً وشمالاً، وأكثر من الترحال، ولم يقر له قرار، ولما عاناه في حياته القاسية، قد يظن أنه أعطى صدوداً عن الغزل في شعره، وأنه لم يعشق، غير أن الحقيقة غير ذلك، فما هو إلا ذلك البحار الذي أنفق عمره في البحث عن حب وعن أحباب، كما يقول نزار!! إذ حمل بندر بين جوانحه قلباً أحب وعشق، وهام وجداً، فقال شعراً غزلياً رائعاً، إلا أنه لم يسهب في ذلك شأنه بذلك شأن صاحبه المتنبي القائل:




وللخود مني ساعة ثم بيننا=فلاة الى غير اللقاء تجاب



يتجلى جميل الشعر الغزلي عند بندر بن سرور عندنا يعلن في احدى قصائده عما يختلج في جوانحه من الوجد والهيام بقوله:




آه يا فيحان من بعد المسافة=بين نجد وبين ريعان الحوية!!


مطلع رائع يعطي انطباعاً وشعوراً بالغربة، ولكن ما أسباب ذلك الوجد؟!

ممكن العشق اسباب ذلك الوجد

بس لو جبتي القصيده كامله ممكن

يطلع في القصيده السبب

مشكوره على التعليق

[الغازي]

الله يعطيك الف عافيه اخي


بندر بن سرورشاعر بارز له مواقف عديده

[السلطان]

ألف شكر لك أخوي الشلواني

سيتم دمج موضوعك مع موضوع الأخ

عبدالله الشدادي لأنهما يتحثان عن نفس الموضوع

تقبل شكري وتقديري لشخصك الكريم

[كديميس]

ماقرت يالشلوان على هذا التجميع لشاعر بارز
لك شكري

[المستحيلة]

يا صل اللي بان بالقلب اختلافه=عيت الأيام تسمح له مجيه

من يا ترى هذا الذي ادمى الفؤاد الأسير؟

شبه وضحى قيضت فوق اللصافة=ربعت بطبيق وفياض الثنية

نعم، إنه يحق لشاعرنا هذا التوجد على محبوبته، إذا ما علمنا أن الشاعر يعيش نجداً في حمارة القيظ، في الوقت الذي تقيض فيه جوهرة آماله في ريعان الحوية بالطائف!!
وفي قصيدة أخرى يتوجد الشاعر فيقول:



ألا يا وجودي وجد من صك دونه باب=بقفل أعجمي مغلقات مساميره!!

على اللي كواني كية العظم بالمشهاب=على أقصى عراو القلب محم مناشيره!!

والخطر هنا عندما يتمكن المحبوب من أعماق قلب المحب متجاوزاً شغافه، لذلك كان الوجد كبيراً لدى الشاعر، فهو ليس حباً عارضاً ، يزول بزوال سببه كما قال ابن حزم الظاهري!! إنه متمكن على الرغم من بعد دار المحبوب، يقول بندر عنه:


عشير ورا الكودة وأنا من مشعاب =بعيد قريب تعيب يا هون تيسيره!!

إنها صور شعرية متدفقة، تحمل إلى القلب والنفس ذلك الحزن العميق. ويقول:


ألا واهني اللي عن الحب ما قد تاب=وأنا تبت عنه وعدت له يا الله الخيرة!!

وفي قصيدة أخرى يؤكد في مطلعها على عزمه واصراره في التمسك الشديد بهذا الحب، يقول:




عز الله إني جزت عن كل ما أقول=لاشك ردتني على القول ضيحه!!


ثم يسترسل في هذه الأبيات الغزلية الرائعة:


لا يا عيون اللي ليا صك بالجول=منه أبرق الجنحان عجل مطيحه
يا عود ريحان رفع غصنه الطول=بستم قليبه ما يهون ضبيحه
يوم استوى عوده على داير الحول=عجوا به التجار من زين ريحه!!
يا شيخة الخفرات بالزين وادلول=من مات من سبتك ربه يبيحه!!

وفي براعة الاستهلال الغزلي، يقول بندر:


سرى البارق اللي روس مزنه تنصت الغال=على هجرة ابن سنون وادني الشبيكية

ولكن، لماذا كل هذا الدعاء بالغيث؟!

على شان حصة جعل يسقيهم الوبال=إليا عودت مالي ومال الحبر دية



ثم لماذا حصة بالذات، ولماذا لم تكن سعاد أو نادية!! يجيب بندر قائلاً:


تتل الضماير تل غرب على محال=تصافق به الجيلان ملح اجماليه



هذا هو المعيار الذي ميز حصة عن غيرها من بنات الحي!! ثم يستطرد الشاعر ليكشف لنا خاصية من خصائص عالم المرأة، فيقول:


اليا نقضت شقر على ردفها ميال=تخابط سبلهنه مطارق شراطيه

ألا يا عيون اللي مواكيرها بالخال=توايق رقايب نجد ما هيب بحرية!!



وليعلم أن «حصة» ليس الاسم الحقيقي لمحبوبة الشاعر، إنما هو قناع اتخذه لعلمه أن عاداته الاجتماعية تنهاه من أن يصرح باسم محبوبته!! ولعلنا من خلال هذه المقالة نخلص إلى القول إن الشاعر بندر لم يوقف حبه على امرأة واحدة.
إنما رأيناه يتعقب الجمال في كل مكان، رأيناه أولاً في ريعان الحوية بالطائف، ثم رأيناه في هجرة ابن سنون حول الشبيكية، وثالثة رأيناه يطلب الجمال وراء الكودة، حيث يقيم عشيرة، وأخيراً نجده في هذا البيت يقول:


ابغى الذي بين المضيع وعكاش=روقية تزها يديها الخواصير!!

[المستحيلة]

تعبنا كلنا ... عاد شاركونا ...

[عبدالله الشدادي]

السلام عليكم

قصة القصيدة كما يتناقلها الرواة أن "بندربن سرور" كان في زيارة لتركي بن محيا "شيخ الروقة من عتيبة"

الذي كان بندر يعزه ويقدره كما يتضح من القصيدة - ففتحت له أبنة الشيخ الباب وعندما سألها والدها عن الذي

على الباب قالت : "مغير بندر المرجوج" فكان أن نتجت هذه القصيدة ....







يا سهيّف الذرعان ما نيب مرجـوج=
رجتنـي الأيـام غــدر ٍ وحيـلـة

يا بنت لولا اللي على تاسع الفـوج=
تركـت نجـد وعـزوة ٍ بالقبيـلـة

لاشك حاديني علـى نجـد هيـدوج=
مسقي الفيافي ليـن يـدرج محيلـه

تركي ليا من الليالـي غـدن عـوج=
حملـه عتيبـه كلهـا مـا تشيلـه

يرسي كما ترسي البواخر على الموج=
و منين ما صـك البحـر يرتكيلـه

مـدام تركـي حـي مـا ودي ادوج=
وان غاب غبت من الرجوم الطويلـة






تحياااااااتي وأشواقي الحااااره

[المستحيلة]

يموووووت في الحريم بندر ...

[الشلواني]

اشكر جميع من مر على هذهي الابيات المختاره للشاعر بندر بن سرور ومروركم عليها فخر لي ولعبدالله الشدادي

ودمتم

[بعيد الهقاوي]

مشكور اخوي الشلواني ومطلع القصيده :

شيء بقلبي واهجه مستمري=لولا ازرق الدخان يطفي لهيبه
سلط على الدخان لوهو مضري=له حزة عند احتكام المصيبه

[بعيد الهقاوي]

و سوالفٍ مابين بحث و تحرّي = يجرح فؤادي عيّه و ابتلي به

اخوي الشلواني وفي هذا البيت يقول:

وسوالف مابين تجحد تقري=يجرح فؤادي عية وابتليبه

[بعيد الهقاوي]

وايضا لبندر ابن سرور


يامنير دوك الفرت واخذ الفواتير= شيك علاه ودخله بالكراجي
اللي تبى بنزين ركب مواصير=واللي تباه النار ركب بواجي
واليا استعد وصخر البعد تسخير=تصخيرشيهان لفرخ الزراجي
عده على اللي مايعد المخاسير=ركاز عودان الخشب للنعاجي
ثم قل لابو بندر ترى وقتنا غير=تبدلت سحب المطر بالعجاجي
ربعي عتيبه شيوخهم مابهم خير=ينثر لهم حب سوات الدجاجي

[عبدالله الشدادي]

شكرا اخوي بعيد الهقاوي

على التفاعل في الموضوع

ويعطيك الف عافيه

[عذب الكلام]

من قصائد القرن!!
.................................
شعر : بندر بن سرور
(1941-1985)
................................
يعد بندر بن سرور واحداً من الشعراء المميزين في هذا القرن نبطياً وقد ترك تراثاً شفهياً يمتاز بالجودة وقوة الأسلوب وتميزه المنفرد ، وهاتين القصيدتين من أشهر قصائده راحت كثير من آبياتهما مضرباً للمثل ، وقد كتب بندر أولاهما في بداية حياته ثم نسج علي نفس وزنها وقافيتها القصيده الثانية مما جعل الكثيرين يظنونهما قصيدة واحدة :

ماني وانا بندر !!

((1))
يالله ياجالي الأمور المهمة
تجلي وهج قلبِ برى حال راعيه
البر دجته والبحر رحت يمَه
وادرج سبب حظ علي الله مساعيه
يوم ان ولد اللاش رزقه علي امَه
رزقي علي اللي ميَت القشع يحييه
ماني وانا بندر ببيَاع دمَه
خسران يابيَاع دمه وشاريه
اللي يبيَع لابسات الأزمة
ثور يبا بيض العماهيج تغنيه
خطو البخيل اللي يكبر معمَه
يقرا الكتاب وواجب الله يخليه
إما هرج لك في رفيقه بنمَه
ولاعطي وامَه تضيع هقاويه


((2))
يامل َقلبٍ كلَ ما مات همَه
دارت دواليب الدهر لين تحييه
أحد ينام وحط راسه بكمَه
واحد تخم النوم عينه وتخطيه
واحدٍ يحاول بالردي بنت عمَه
واحدٍ يحاول ستر عذرا عوانيه
أنشدك ياللي كلَ شي تتمَه
تقرا الكتاب وكلَ فرضٍ تصلَيه
ويش القليب اللي عميقٍ مجمَه
ما سرَ غرسه ماه عطشى سوانيه
سمَ السبب ياعارفٍ عنه سمَه
سمَ السبب يا عارفه قبل اسمَيهتحياتي لكم

[عبدالله الشدادي]

من قصائد القرن!!
.................................
شعر : بندر بن سرور
(1941-1985)
................................
يعد بندر بن سرور واحداً من الشعراء المميزين في هذا القرن نبطياً وقد ترك تراثاً شفهياً يمتاز بالجودة وقوة الأسلوب وتميزه المنفرد ، وهاتين القصيدتين من أشهر قصائده راحت كثير من آبياتهما مضرباً للمثل ، وقد كتب بندر أولاهما في بداية حياته ثم نسج علي نفس وزنها وقافيتها القصيده الثانية مما جعل الكثيرين يظنونهما قصيدة واحدة :

[/size][/color]

شكرا على التفاعل في الموضوع

الله يعطيك العافيه