المساعد الشخصي الرقمي

مشاهدة النسخة كاملة : قصيده بعنوان يالآد شدَاد اهديها الى أسرة منتديات الشدَادين


نسَاي
17 Feb 2007, 07:35 PM
السلام عليكم ورحمة الله وبركاته .... يسرني انا اقدم لكم قصيده متواضعه اهداء من اخوكم نسَاي الى شخصكم الكريم واتمنى انها تنول استحسانكم ورضاكم .. وعلى فكره ماني بشاعر ولا أصله بصله بس يمكن متذوق للشعر واحب اكتب اذا سجيت مع روحي .. اليكم هذه القصيده .

الآد شـــدَاد

هب البراد وزان جو المطاريش = وجتنا رشاريش المطر من غمامه
أدور الطيَب واكب الدراويش = وبعض الرجال اللي عليهم غشامه
المشتبه مشبوه وقت التفاتيش = كنه على وجهه ملصق علامه
لا خوة زانه ولابه عراميش = أهيب ياخوة رفيق الندامه
شره قبل خيره يحوشك تحاويش = من رافقه ضيع طريق السلامه
العظم مايكسر بليا هشاهيش= يبان قوه من صلابة عظامه
والطير ماله زين من دون هالريش = من دون ريشه ما تذل الحمامه
يالآد شدَاد يفداكم ألفين شاويش= من العراق ومصر وحدود شامه
يا بعد دروبكم عن علوم الخشاخيش = وياقربكم للكرم والشهامه
لو ما أنتم طيـبـين صرتوا ضمن الهواميش= الطيب للرجاَل نصر وزعامه
يا بيض وجيهكم في الليالي المغابيش = يوم كلٍ عارفٍ وش مقامه
آخر قصيدي تحية سلام بليا خرافيش = لأهل الطولات يقال عنهم النشامه


أخوكم : نســــَاي:bye1:

البرنس
17 Feb 2007, 07:42 PM
أغلى الهدايا من أغلى الناس

أخوي نساي صح لسانك على هذه الرائعه

والتي تحمل كثير من المعاني الرائعه والجميلة

هديتك مقبولة وعساك ذخر والله يعطيك العافيه

عبدالله الشدادي
17 Feb 2007, 07:43 PM
صح لسانك مليووون والله والنعم

فيك وفي الاد شداد كلهم

لاهنت وبيض الله وجهك على القصيدة الجميله

سعود سليمان الحارثي
18 Feb 2007, 01:14 PM
صح لسانك

ونعم بالاد شداد

تحياتي

خالد بن سعود
18 Feb 2007, 01:20 PM
والنعم والله ياأخي نساي
وصح الله لسانك
وبيض الله وجهك يالغالي
قصيده جزله
وخير من يمثل الشدادين أمانة

السلطان
18 Feb 2007, 01:32 PM
ما عليك زود أخوي نساي

والنعم في الرجال اللي تقدر الرجال أمثالك

وبيض الله وجهك ولا هنت وهلا بك وهلا بكل ما قلت

الشعابي
18 Feb 2007, 05:01 PM
الله واكبر مااروع هذه الابيات واجملها

صح لسان قائلها وسلمت يدا ناقلها

دمت بود
اخوك هتان