المساعد الشخصي الرقمي

مشاهدة النسخة كاملة : مرثية في الشيخ حسين بن علي رحمه الله


عبيد بن سلطان
12 Aug 2007, 07:11 PM
قصيده مرثيه في الشيخ ابن الشيخ

حسين بن علي بن محماس بن مهرس الشدادي رحمه الله


مرحوم ياللي يوم عشرين مفقود=في شهر سبعة يوم جمعة فضيلة
عليه والله يبكي الورع والعود=وعيونا تبكي سنينٍ طويلة
نبكي عليه ودمعنا ماله حدود=وعليه يبكون الأهل والقبيلة
والله لو إن الموت بسيوف وجرود=لنحول من دونه بكل الوسيلة
ياشيخنا ياراعي الطيب والجود=من روس ربعٍ يكسبون الجميلة
اصبر وترى الصبر راعيه محمود=ولا في المقدّر ياأبيض الوجه حيله
عساه في الجنات يعيش مخلود=يعيش في وسط الجنان الظليلة
شيخٍ شجيع ومن على جدّ وجدود=من حيث ما هبّ الهوى يرتكي له
يشهد له المعبود والعالم شهود=مواقفه تشفي الكبود العليلة
من دون ربعه باذلٍ كل مجهود=ويحاول خصامه ولا أحدٍ يحيله
عز الله إنه في المواقيف صندود=حيدٍ محيد من الجبال المهيلة
من روس ريعٍ يوم طارد ومطرود=من طاح بين يدينهم عزتي له
ياسعد من جاله من الدهر مضهود=كم من عميلٍ خلّصه من عميله
والله ياراعي الطيب ماهو بمجحود=جدّه عجير اللي ينجي دخيله
تاريخهم معروف من عدّ معدود=ومن جا لهم طمعان ضيّع دليله
أميرنا شيخ ٍ كما العدّ مارود=والضيف من كل الديار يعني له
في حلة ٍ يلقى بها الخير موجود=غير الشجاعة والعلوم الجزيلة
وأميرنا حبله على الطيب ممدود=واليا دعانا في المواقف نجي له
كل ٍ على يومه وباليوم موعود=واللي صغير السن ربي كفيله
ياعلي بيت العز ماهوب مهدود=بيت المعزه والعلوم الجليله
فيه الوفاء والبن والهيل والعود=وحيلٍ تقدم في الصحون الثقيله
في مجلسٍ فيه النشاما لهم رود=كلٍ بموضوعه يجي ويحكي له
وهو حليم البال ماهوب مقرود=من عزوةً تروي السيوف الصقيله
وقفاتهم تنشاف وتعد وتزود=حطوا على كبد المعادي مليله
البارحه سهران والعالم رقود=نبكي حسين ولا لقينا مثيله
والعين عيت تمرح الليل ياسعود=من ليلها مانامت الا قليله
بغيت اسلي البال والبال معقود =هاجوس يزعلني وهاجوس ازيله
وصلاة ربي عد ماهبت النود=على النبي عد المزون المخيله

وسلامتكم

الشاعر عبيد بن سلطان الشدادي

faalsaad
12 Aug 2007, 07:19 PM
صح لسانك واعلى الله شانك على هذه المرثيه الطيبه،ورحم الله حسين بن علي بن محماس،
وصبر الله الامير علي واخوان وابناء الفقيد،وعزاؤنا ذكر فعوله الطيبة .اللهم ارحمه واسكنه فسيح جناتك يارحيم يا كريم.
Faalsaad

عيد الشدادي
12 Aug 2007, 07:21 PM
صح لسانك يابوي

وبيض الله وجهك على القصيده المرثيه

الجزله والموثره

وشيخنا يستاهل كل خير

والله يرحم حسين رحمه واسعه

ويسكنه فسيح جناته

لاهنت يالغالي

والله يعطيك العافيه

تقبل تحياتي الغربي

بندر الحارثي
12 Aug 2007, 07:33 PM
صح لسانك

وبيض الله وجهك في هذة القصيدة الطيبة والمرثية الحسنة

فقيدنا حسين بن علي غالي على قلوبنا جميعا

وفراقة صعب علينا جميعا

اللهم أغفر لة و نقه من الخطايا و ثبتة عند السؤال وأجعل مثواة الى الفردوس الأعلى يا حي يا قيوم.

اللهم وأجبر مصيبة والدة أميرنا علي بن محماس بن مهرس, وألهمة الصبر و السلوان.

اللهم وأجبر مصيبة أهلة وأبنائة وكن عونا لهم ونصيرا

إن العين لتدمع وإن القلب ليحزن وأنا لفراقك يا با عبدالله لمحزونون.

لا هنت يا الغالي وبيض الله وجهك

تحياتي لك

أبوفيصل

البرنس
12 Aug 2007, 10:33 PM
إنا لله وإنا إليه راجعون

اللهم أسكنه فسيح جناتك , اللهم أغفر

اللَّهُمَّ اغْفِرْ لَهُ ، وارْحمْهُ ، وعافِهِ ، واعْفُ عنْهُ ، وَأَكرِمْ نزُلَهُ ،

وَوسِّعْ مُدْخَلَهُ واغْسِلْهُ بِالماءِ والثَّلْجِ والْبرَدِ ، ونَقِّه منَ الخَـطَايَا،

كما نَقَّيْتَ الثَّوب الأبْيَضَ منَ الدَّنَس ، وَأَبْدِلْهُ دارا خيراً مِنْ دَارِه ،

وَأَهْلاً خَيّراً منْ أهْلِهِ، وزَوْجاً خَيْراً منْ زَوْجِهِ ، وأدْخِلْه الجنَّةَ ،

وَأَعِذْه منْ عَذَابِ القَبْرِ ، وَمِنْ عَذَابِ النَّاروألهم والديه وأقاربه ومعارفه الصبر والسلوان

(جزاكم الله خير ولاأراكم مكروه )

السلطان
12 Aug 2007, 10:59 PM
بيض الله وجهك يا شاعرنا الكبير أبو عيد ولا هنت

والله ما قصرت ومواقفك مع ربعك كلهم تبيض وجهك

والله يرحم أميرنا وشيخنا حسين بن علي ويدخله فسيح جناته

فمهما قلنا فيه من كلمات ومهما قصد فيها الشعراء من قوافي

فلن يوفوه قدره وحقه رحمة الله عليه.

ابن مهرس
12 Aug 2007, 11:40 PM
صح لسانك يا أبو عيد
وبيض الله وجهك وافي ولا فيك شك يالنشمي
والله يرحم الأمير حسين ويسكنه الفردوس الأعلى

العود الازرق
12 Aug 2007, 11:46 PM
بيض الله وجهك يا ابوعــــــــيد
وماقصرت الله يعطيك العافيه
وجزاكم الله كل خير ولا يريكم الله مكروه
حسين بكت عليه ناس من بعييد فكيف القريب
الحمد الله على كل حال ...

اخوكم/
العود الازرق
فائزابن علي ابن مهرس

عبدالله الشدادي
13 Aug 2007, 02:43 PM
صح لسانك اخوي على القصيدة

والله يرحم حسين ويسكنه الجنه

مودتي

الشعفي .كوم
15 Sep 2007, 04:46 AM
بيض الله وجهك

شــاهر
15 Sep 2007, 10:38 AM
بيض الله وجهك وصح لسانك يا أبو عيد

والله يرحم حسين ويسكنه في فسيح جناته

والله يعطيك العافيه ولا هنت

تقبل مروري

... المحـــكوم ...

عبداللةبن مهرس
16 Sep 2007, 01:16 AM
صح لسانك ,,

والله يرحمه ويسكنه فسيح جناته ,, والله يصبر عياله ,,, ويخلي لهم زايد واخوانه .........

طلال الشدادي
16 Sep 2007, 01:51 AM
اصبر وترى الصبر راعيه محمود ======== ولا في المقدّر ياأبيض الوجه حيله

الريّان
16 Sep 2007, 02:08 AM
بو عيد
صح لسانك وبيض الله وجهك
على هذه المرثية الجميلة
في شخص فقدناه عزيز علينا جميعاً
ولا نقول إلا اللهم ارحم الأمير حسين بن علي
اللهم نقيه من الخطايا والذنوب كما ينقى الثوب الأبيض
من الدنس اللهم تجاوز عنه واغفر له وارحمه

ابن مهرس2008
26 Dec 2007, 07:41 AM
ابو عيد بيض الله وجهك ولا هنت والله يرحم اخونا وحبيبنا الامير الراحل / حسين بن على رحمة واسعه ونسال الله ان يتجاوز عنه ويغفر له ويسكنه في عليين وينقيه من الذنوب والخطايا كما ينقى الثوب الابيض من الدنس 0 فعلا اخي العزيز كان محبوبا من الجميع الصغير والكبير ولكن هذه الاقدار والحمدلله على قضاء الله سبحانه وتعالى 0 اللهم اطرح البركه في اخوانه واولاده انك سميع قريب مجيب الدعاء 0 تحياتي


اخوك ابن مهرس2008

أبن مهرس Vip
30 Dec 2007, 08:28 AM
صح لسانك يا أبو عيد وبيض الله وجهك ورحم الله الامير والشيخ حسين بن علي واسكنه فسيح جناته تحياتي ,,,

من رؤس بنيوس
01 Jan 2008, 02:30 PM
صح لسانك ابوعيد
والله يرحم حسين وجميع موتى المسلمين

سلطان الشدّادي
14 Nov 2010, 07:04 PM
صح لسانك ولله يرحم حسين
ويدخله فسيح جناته

الأمـــــــــيرة
15 Nov 2010, 05:28 PM
يوم الجمعة انقلب حــلوه مرارة ___ ما نشوف إلا الســواد بكل ديرة

راح منهو علم الجيل الصقارة ___ راح شيخٍ بالمراجل الكل يستشيره

مــوت مثلك يالأمـــــير أكبر خسارة ___ فاجعتنا فيك يالطيب كبيرة

نسل شيخٍ بالسطر عز ونعارة ___ نسل ابن مهرس والهمة كبيرة

نار فرقا الأمـــير ما تحتاج إنارة ___ ولعت بقلوبنا مثل السعيرة

يالله انك ترحمه في عقر داره ___ لا وضع بالقبر ياربي تجيره

@سعد الشدادي@
23 Nov 2010, 09:33 PM
الله يرحمك ياحسين

ونشكر العضو
على تنزيل هذي القصيده
يسلمووووو

حارثي اتحادي
24 Nov 2010, 02:03 PM
بيض الله وجهك يابوعيد
والله يرحم موتنا وموتا المسلمين

عســــــــــولة
24 Nov 2010, 03:43 PM
يعطيك العافية أخوي
وبأنتظار جديدك
.................................