المساعد الشخصي الرقمي

مشاهدة النسخة كاملة : معلومات عن الأبل


عايشة بعز أبوها
19 Nov 2007, 10:44 PM
السلام عليكم ورحمة الله وبركاته..
موضوع عجبني وحبيت أنزله لكموأتمنى يعجبكم
الابل هي عطايا الله وللمقولة مدلولات عند أهل البادية
تشيل حمولهم ...
حليبها غذاء لهم...
هي مدرعات الماضي في الحروب...
هي رمز العزة والجاه...
هناك اتحاد فريد بين ابن البادية والابل لقهر قسوة البيئة
أتى نتاج هذا الاتحاد علاقة أقل مايقال عنها عشق
وهناك قصص كثيره لهذه العلاقه بين الابل وأهلها
هنا لكم قصة الدوسري الملقب بالشمالي وناقته هديه
مرض الشمالي وطاح طريح الفراش مدة من الزمن وبعدها توفي
طول فترة مرضه كان معزول لأن مرضه كان معدي
وطول فترة مرضه كانت ناقته "الهديه" تزوره كل يوم عقب ماتهضل
ويوم توفي قامت ( هديه ) كل ماوردت على البيت رفعت الذرى تدوره ولاتلقاه وتسري
وعقلتها بنت الدوسري عشان لاتسري كل ليله وتنفر من الابل من حزنها على راعيها
وقعدت الناقه كل يوم تهضل وتعقلها بنت الدوسري والناقه طول ليلها تهجرع ( تصدر صوت يسمى اختلاج والابل تظهره في حالة الحزن خاصه ان فقدت ولدها او راعيها)
ولهم جار يسمعها كل ليله وهي تهجرع وتختلج وقال ذا الابيات :
مل قلـب هيضـه حـس الهديـه = هجرعت بالصوت من عقب الشمالي
ياذلـول القـرم حمـاي الـرديـه = اصبري عقبه على سقـم الليالـي
ذكرت بالحـب مـن عينـه شقيـه = ذاكـر فـي نجـد خـلان وغالـي
عقـب فقـده ماتوالـف للرعيـه = تطرده ساره علـى روس المفالـي
عزتـي للقـرم حطـولـه بنـيـه = عزتي للقـرم مـن قبـر هيالـي
عادتـه بالكـون يثنـي للـرديـه = ينسـم الحفيـات ريـف للهزالـي


للابل الاصايل ثلاث الوان رئيسيه
"المغاتير"
"المجاهيم"
"الحمر"
لكل منها ميزة تميزها ولكل منها تدرج في الالوان يصل أنه يشكل عليك اللون ولكن أهل الابل يعرفون الابل بوصافها اذا أشكل عليهم اللون
المجاهيم
http://group.eqla3.com/4/pic/7-4.jpg
هي أضخمهم حجماً ومايميزها هو كثر الحليب وهاديه في الطبايع
لونها يتدرج من الملحا الاسود الداكن الى أن يصل الى لون البني القريب الى لون ( العود ) وتسمى صفراء مجاهيم
ويحبها أهل الباديه لهداوتها وحسن طبعها وكثر حليبها و لصفاء لونها بعكس المغتر تبين فيه الشوائب ويتأثر لونها
المغاتيـــــر
http://group.eqla3.com/4/pic/8-4.jpg
http://group.eqla3.com/4/pic/9-4.jpg
حلال القوي منول خاصة " الوضح" منها لانها مطمع للغزاة ولا يملكها الا صاحب قوة وسطوة يقدر يحميها
وتسمى النعمانيات لأن النعمان بن منذر يحرم على غيره امتلاكها في مناطق حكمه
وهي فيها الجفال وأدنى ما يجفلها وصعبة المراس ومزاجها كدر ولا يتحكم بها الا بالمقهور
المقهور هو أنه يجمع حيرانها على ركبي الراعي ويحجزون معه عشان لا تبعد أمهاتها
حليبها يميزه أنه أكثر حلاوة من باقي الابل ولا ننسى مرعاها له تأثير ولكن بوجه عام حليبها أحلى من باقي الابل
ألوانها تتدرج من الوضحا ( البيضاء) وشقحا الاقل بياض مايله الى الصفار ويستمر اللون الى ان يصل الى البني الفاتح وتسمى شعلا
الحمـــر
مدرعات الصحراء وناقلات الامتعة وركايب الجيش تتميز بالقوة وجبارة العظم والقدرة على التحمل
ألوانها هي أن تكون حمراء وهو اللون البني اللي فيه احمرار
راعي الابل
http://group.eqla3.com/4/pic/10-4.jpg
يحكم على قدرة راعي الابل من مدى سهولة توجيهه للقطيع وتفاعل القطيع مع أوامره
وراعي الابل يجعل لكل أمر صوت أو صرخات معينه تجده يدعوها لتأتي له بصوت معين ويحثها على المسير بسرعة بصوت آخر ويهدي من روعها اذا جفلت بصوت يختلف وهذه الاصوات هي مجموعة أوامر تتعود عليها الابل وراعي الابل يحدو لابله والحداء يطمنها ويمتعها ويعودها على راعيها وحفظ صوته
فحل الابـــل
يقولون اهل البادية الفحول مثل الرجال وجت هالمقولة من أن الفحل هو اللي يدير دفة قطيع الابل
فلا يسمح للنياق بالانفلات على كيفها ويردها ويجمعها اذا شاف انها بتغيب عن عينه ودايم يكون في تالي الابل عشان يقدر يشوف القطيع كله وينتبه لاي ناقة او بكره تبي تنزع من القطيع
وقت الضراب يكون في الشتاء وهذا الوقت يكون البعير نزر وعدواني الا على راعيه ولكن الفحل يظهر اشارات وحتى راعي الابل ينتبه لها وهي اذا قام يهدر وأظهر هدارته هنا راعيه يكون حذر ، واحدى العلامات المهمة أنه اذا اتجه البعير نحوك وهو ينوي مهاجمتك انه ينزل راسه في الارض وهو ماد رقبته هنا أمامك عدة خيارات :
- اذا الارض مكشوفه ولافيها شجر ولاعندك مفر غير الجري أمامه هنا يجب عليك ان لا تعتمد على سرعتك لان البعير على كبر حجمه الا أنه سريع حاول أن تجري الى أن يقترب منك وتقف وتواجهه وتجري تجاهه وتراوغه لان البعير يصعب عليه المراوغة والالتفاف وتستمر في محاولة الالتفاف عليه ومراوغته من قريب .
- اذا كان هناك أشجار ماعليك الا محاولة الاختباء خلفها والالتفاف حولها ومراوغته حولها
واذا كان معك عصى حاول أن تضربه على أنفه وتتأكد أنك لا تخطيه لان الانف أكثر المناطق حساسية في البعير
اصوات الابل
الرغـا
هي عادةً ماترغي الابل اذا تضجرت او خارت قواها او اذا استسلمت لراعيها والرغا هو دلالة على الضعف
التـرزم
وهو صوت الابل العطشانة
الاهجال
صوت الخلوج الفاقدة لولدها او فاقدة راعيها اذا كانت موالفته وتحبه
مسميات الابل وفق العمر
حوار
هو ولد الناقة الى أن يبلغ سنه وتفطمه أمه
مفرود
هو بعد ان يبلغ السنه ويفرد عن امه
لقي
هو بعد ان يبلغ السنتين وسمي لقي لانه يلتقي باخوه المولود الجديد لان امه بعد ولادته بسنه تفطمه وتلقح ومدة حملها سنه يصبح عمره سنتين في وقت ولادة اخوه ولهذا سمي عمره لقي
حق
هو سن الثلاث سنين
جذع
هو بعد بلوغه العام الرابع وهو سن بداية القدرة التناسليه ولكن ليس دائماً
بالنسبه للبعير الذكر يقال "الجذع لاذع " كناية على انه يبدأ الاضراب ولكن ليس بالضروره تلقح الابل منه
الثني
تطلع لها ثنايا بعد بلوغ الناقة أو البعير العام الخامس
الرباع
تبلغ ثناياه اربع بعد بلوغه العام السادس
السدسّ
تبلغ ثناياه ست بعد بلوغه العام السابع
بعدها ظهور الانياب
فطر اول
ثم
فطرثاني
ثم
فطر ثالث
بعدها تسمى الناقة فاطر
ويسمى البعير هرش
مسميات في الابل
الخلفه
وهي التي معها ولدها
حايل
هي التي تعدى موسم الاضراب وهي مالقحت وتكون سمينة ولذلك يذبح الكريم الحيل لسمنها لعدم تأثرها بالولادة التي تضعف الابل
معشر
وهي الناقة اللقحة
ميسر
الناقة التي حل اضرابها ومستعدة ليضربها الفحل
نحوس
الناقة التي يصعب حلبها او يصل الى الاستحاله
المسوح
التي تدر الجليب بمجرد مسح راعيها لديدها
المتلي
هي الناقة اللي توها والده
هذه صوره توضيحيه لمسميات اعضاء البعير
http://group.eqla3.com/4/pic/12-4.jpg

بندر النايف
19 Nov 2007, 11:57 PM
يعطيك العافيه يا عايشه والله يوفقك

حمد الشدادي
20 Nov 2007, 12:12 AM
الله يجزاك خير ياعايشه ولا هنتي ع المعلومات الى استفدنا منها انا من الناس الى ماحفظ اسامي مالى فيها وزين تعملت الحين الاسامي مافيه اختصار لهذي المسميات هذى طويله ليش مايقولون فل اوبشن ويفكونا من المسميات


ولااهنتي

حمد زياد قاعد
20 Nov 2007, 12:57 AM
مشكوره ياعايشه على الموضوع

وانا اعتبره مهم لان بعض الناس مايعرف شي عن الابل وهذا يعطيه معلومه

ولدي ملاحظتين الاولى في الصوره الثالثه هاذي يقال لها صفر وليست حمر

الملاحظه الثانيه حول كلمة مجسر كتبة ميسر و الصحيح مجسر

عبدالله الشدادي
20 Nov 2007, 11:41 AM
مشكوره اختي على هالمعلومات

الجميله والمفيدة عن الابل رااائع الموضوع وشامل

اتمنى الفائدة للجميع

عايشة بعز أبوها
20 Nov 2007, 04:38 PM
يعطيك العافيه يا عايشه والله يوفقك

الله يعافيك .. وتسلم على المرور

عايشة بعز أبوها
20 Nov 2007, 04:43 PM
الله يجزاك خير ياعايشه ولا هنتي ع المعلومات الى استفدنا منها انا من الناس الى ماحفظ اسامي مالى فيها وزين تعملت الحين الاسامي مافيه اختصار لهذي المسميات هذى طويله ليش مايقولون فل اوبشن ويفكونا من المسميات
ولااهنتي

لاهنت أخوي حمد لكن هذي مسميات عند أبآءنا وأجدادنا ونفخر فيها

مهما كانت طويلة او قصيرة واذا ماتبي تقووولها عادي مااحد جبرك لاتقولها

بعدين أنت تقووووووول مالك في الأبل يعني هالمسميات ماتهمك

وياهلاااااااا بتواجدك

عايشة بعز أبوها
20 Nov 2007, 04:53 PM
مشكوره ياعايشه على الموضوع
وانا اعتبره مهم لان بعض الناس مايعرف شي عن الابل وهذا يعطيه معلومه
ولدي ملاحظتين الاولى في الصوره الثالثه هاذي يقال لها صفر وليست حمر
الملاحظه الثانيه حول كلمة مجسر كتبة ميسر و الصحيح مجسر


ياهلاااااااا بك أخوي حمد

أما عن ملاحظاتك فالصورة الثالثة يقال لها الحمر وأنا متأكده من هالشيء

لكن مجسر والله ماعندي علم بها ..

وياهلاااااا بك مره ثانية..

عايشة بعز أبوها
20 Nov 2007, 04:54 PM
مشكوره اختي على هالمعلومات
الجميله والمفيدة عن الابل رااائع الموضوع وشامل
اتمنى الفائدة للجميع

ياهلاااااااا بك ياأبو علي .. منور بحضورك..

دلوعة أمها
20 Nov 2007, 05:11 PM
مشكوره عايشه على المعلومات

تقبلي مروري

دلوعة أمها

عايشة بعز أبوها
20 Nov 2007, 07:07 PM
مشكوره عايشه على المعلومات
تقبلي مروري
دلوعة أمها

ياهلاااااااااابك أختي دلوعة .. مرورك شرف لي يالغالية....

عيد الشدادي
21 Nov 2007, 03:18 AM
عايشه بعز ابوها

ذكرتيني بقصيده الشاعر الكبير بسيس بن حديد رحمه الله عليه يوم يقول

البل عطايا الله طوال النسانيس=حليبها احلى من حليب البقاله
خلفن ليا جات الشمايل معابيس=محلى حليب الخلفه ام الشماله
لاجن يبن مراحهنه مشاميس=تبغى المراح وحظ منهي حلاله
لاشافها الغافل تعوذ من ابليس=زمالهٍ ياحيها من زماله
حليبها احلى من حليب القراطيس=ماله طعم مثل الشعير النخاله
هذا لبن علبه وهذا لبن كيس=ولاينعرف صافي اللبن من حثاله
لبن صناعي ماله امٍ ولا ديس=وان زال تاريخه رمي في الزباله
وقلبي ليا دقت عليه الهواجيس=مرٍ مع العالم ومرٍ لحاله

والقصيده اطول من ذالك

لكن مشكوره على موضوعك الرائع

والمعلومات المفيده

وكل الشكر لك ايضاً على جهودك الرائعه

تقبلي مروري الغربي

عايشة بعز أبوها
21 Nov 2007, 10:14 PM
عايشه بعز ابوها
ذكرتيني بقصيده الشاعر الكبير بسيس بن حديد رحمه الله عليه يوم يقول
البل عطايا الله طوال النسانيس=حليبها احلى من حليب البقاله
خلفن ليا جات الشمايل معابيس=محلى حليب الخلفه ام الشماله
لاجن يبن مراحهنه مشاميس=تبغى المراح وحظ منهي حلاله
لاشافها الغافل تعوذ من ابليس=زمالهٍ ياحيها من زماله
حليبها احلى من حليب القراطيس=ماله طعم مثل الشعير النخاله
هذا لبن علبه وهذا لبن كيس=ولاينعرف صافي اللبن من حثاله
لبن صناعي ماله امٍ ولا ديس=وان زال تاريخه رمي في الزباله
وقلبي ليا دقت عليه الهواجيس=مرٍ مع العالم ومرٍ لحاله
والقصيده اطول من ذالك
لكن مشكوره على موضوعك الرائع
والمعلومات المفيده
وكل الشكر لك ايضاً على جهودك الرائعه
تقبلي مروري الغربي

ياهلااااااااا بك يالغربي وقصيد بسيس من أروع القصائد

بالذات القصيدة هاذي مره خطيررررررة

وياهلااااااا بمرورك..

نواف البلاهدي
30 Nov 2007, 05:01 AM
يعطيك الصحه على طووول يابنت الاجواد
موضوع اكثر من متميز
وطرح فعال وانا من اكثر المعجبين بالإبل وهذي معلومات افادتني كثير
الله يعطك العافيه


اخــــــــ نواف البلاهدي ـــــــــوك

عايشة بعز أبوها
03 Dec 2007, 01:04 PM
يعطيك الصحه على طووول يابنت الاجواد
موضوع اكثر من متميز
وطرح فعال وانا من اكثر المعجبين بالإبل وهذي معلومات افادتني كثير
الله يعطك العافيه
اخــــــــ نواف البلاهدي ـــــــــوك

ياهلااااااابك أخوي نواف والله يسلمك ويعافيك ...

البدر
10 Dec 2007, 12:14 PM
عايشه

ابدعتي بطرحك للموضوع وكفيتي ووفيتي يالشرح عن الابل

تسلمين على الجهد

تقبلي مروري