مشاهدة النسخة كاملة : ابيكم تعلموني كيف اسوي كبسة مضغوط
Dr.ZeeZoo
02 Dec 2007, 09:45 PM
تحملوني شوي انشالله طلبي مايكون ثقيل عليكم..
انا شفت اهتمام كبير بهذا القسم
فحبيت انكم تساعدوني كيف اسوي حبة دجاج مضغوط
واتخلص من اكل المطاعم اللي جاب لي المرض
V
V
خدمه لن انساها لكم
:d3:
البرنس
02 Dec 2007, 10:12 PM
أخوك خبرة في المضغوط ونفس اللي حداك
حداني بس حبة حبة تعلمت الطبخ صرت أطبخ أحسن من الوالدة الله يعطيها العافيه
قطع البصل شرائح - قطع الطماطم شرائح أعلبة معجون طماطم- حط القدر على النار
وحط قليل زيت وحط البصل وحرك البصل على نار هادئة لين يتحمر البصل
وحط الطماطم وحرك شوي وحط الدجاج وحركه شوي لمدة دقيقتين وحط الموية والرز طبعاً
يكون مغسول من قبل وحط الرز وتكون الموية أكثر من مستوى الدجاج بشوي
وحط البهارات مطحونة وقفل وأحسب 20 دقيقة وفكه وبالصحة والعافيه وصف مبتدئ
Dr.ZeeZoo
02 Dec 2007, 10:26 PM
اخوي البرنس كم احط مويه وكم رز
بعدين الطماطم احط بدالها المعجون والا كلها سوا
والملح كيف
الله يخليك تراني عزوبي
ماعندي لا ماما ولا بابا
كلهم بالطائف الله يحفظهم
البرنس
02 Dec 2007, 10:35 PM
الرز حسب الجوع يعني لاتكثر كاسة رز لنفرين
والموية حط موية حتى تتعدى مستوى الدجاج شوي يعني خل الدجاج واضح شوي
والملح قبل تقفل ذوق الملح وشوف المزاج
بالتسبة للطماطم أو المعجون واحد يكفي منها
وترا على التعليم نسبة يعني تعزمني وأختبرك
أخت الرجال
03 Dec 2007, 12:38 PM
تفضل هنا
http://www.shdadeen.com/vbq/showthread.php?t=19430
Dr.ZeeZoo
03 Dec 2007, 09:44 PM
:36_1_21: اشكرك جزيل الشكر
ولاننسى اخويه البرنس
شكرا لكم
بنت المملكة
04 Dec 2007, 11:27 AM
ماقصر البرنس ...قدها يالبرنس ...
وماقصرت الغاليه اخت الرجال
حاطه موضوع كامل ....
ان شاء الله يكون استفدت ....
دمت بخير]
عبدالله الشدادي
04 Dec 2007, 05:52 PM
تجيب قدر وبصل وطماط معجون
والطماط البلدي انتبه منه تراه غالي وبعد كذا واول ماتخلص
الكبسه تدق على اخوك العزوبي وتعزمه اوكيك
ههههههههههههههههههههههه
Dr.ZeeZoo
04 Dec 2007, 06:11 PM
هههههههههههههههههه
ماخس من قديد الا عسفان
لا يبوي ماني عازمك الحين اخاف بكره يكتبون بالجريده:
اول حاله من نوعها ضحية عزوبي يتعلم الطباخه