ضاوي العبيدي
25 Jun 2005, 07:54 PM
ياموتري لولا ............ ماجات = امسيت في خبت ٍ تقانب سباعه
غلّق وقودك قبل اشوف المحطات = وارهيت بالممسى بدارالقطاعه
سهيت عنك وخذ بي الفكر سجات = وقامت هواجيسي تفرّ الاذاعه
وفكري يحلل بالهواجيس بسكات = اصحى دقايق صمت واغيب ساعه
اليا حضر جاش الحشا بالتــّــنهات = لاقلت باح الهم جدّد طلاعه
عليك يامن كن خدّه مرايات = يامن غشيت بنور وجهك قناعه
ابو ثمان ٍ كنـّــها بوح لمبات = في دالج الظلما تلالا شعاعه
والجسم راوي .. والمحاجر وسيعات = والعين عين مدرب ٍ بارتفاعه
والعقل ثابت ماتحب التلفـّــات = والهرج خافت .. مايقدّم ذراعه
حتى هله لو طالعو له بنظرات = تخجل تطالعه العيون بدراعه
عذروبها فيها يسمّى (اشاعات) = ولاغيّروها اهل الحسد والدناعه
اهل الدداسن كابسين المخدات = ماجالهم بأطراف بيته صعاعه
ولاهي من اللي ينقلون النميمات = ماترقب الا من بيوت الجماعه
احبها حب الشريف لشريفات = حبي لها حب الشرف والجزاعه
الشاعر / مبارك بن عايض ابو علاج ،،،،
غلّق وقودك قبل اشوف المحطات = وارهيت بالممسى بدارالقطاعه
سهيت عنك وخذ بي الفكر سجات = وقامت هواجيسي تفرّ الاذاعه
وفكري يحلل بالهواجيس بسكات = اصحى دقايق صمت واغيب ساعه
اليا حضر جاش الحشا بالتــّــنهات = لاقلت باح الهم جدّد طلاعه
عليك يامن كن خدّه مرايات = يامن غشيت بنور وجهك قناعه
ابو ثمان ٍ كنـّــها بوح لمبات = في دالج الظلما تلالا شعاعه
والجسم راوي .. والمحاجر وسيعات = والعين عين مدرب ٍ بارتفاعه
والعقل ثابت ماتحب التلفـّــات = والهرج خافت .. مايقدّم ذراعه
حتى هله لو طالعو له بنظرات = تخجل تطالعه العيون بدراعه
عذروبها فيها يسمّى (اشاعات) = ولاغيّروها اهل الحسد والدناعه
اهل الدداسن كابسين المخدات = ماجالهم بأطراف بيته صعاعه
ولاهي من اللي ينقلون النميمات = ماترقب الا من بيوت الجماعه
احبها حب الشريف لشريفات = حبي لها حب الشرف والجزاعه
الشاعر / مبارك بن عايض ابو علاج ،،،،