المساعد الشخصي الرقمي

مشاهدة النسخة كاملة : امجاد ربعي


عيد الشدادي
26 Apr 2008, 01:25 AM
سلام عليكم
اخواني الاعزاء اسعد الله اوقاتكم بكل خير ..اما بعد
قصيده متواضعه جداً اتمنى ان تنال اعجابكم وهي قديمه بعض الشي
سر ياقلم واكتب ترى منت معذور=اكتب بيوتٍ كل ابوها جزيله
اكتب بيوتك ثم رتب لها الدور=من شاعرٍ ماهوب راعي هزيله
شاعر ليا هرج سكت كل مطيور=يسبح بغبات البحور المهيله
يقلط على الجزلات مايقرب السور=واليا مشى في الدرب يعرف دليله
واليوم ياحبر القلم منت مشكور=ان ماكتبت امجاد كل القبيله
ربعي بني شداد والفعل مخبور=اللي رقوا بالمجد راس الطويله
كسابت القاله حموا كل مظهور= اهل السيوف الساطيات الصقيله
افعالهم تشرق كما يشرق النور=وامجادهم في كل يومٍ وليله
في وقتنا الحالي وفي ماضي عصور=كم شيخ قوم راح عينه ذليله
وعدونا لو هو ورى سبعه بحور=من ذكرنا راحت عظامه نحيله
عدونا قلبه من الهم مشقور=عايش مع الايام ويزيد ويله
ودخيلنا لا جالنا صار منصور=يكرم عن الرديان واهل الرذيله
واميرنا بيته على العز معمور=ابو حسين اللي ينجي دخيله
صقرٍ تلعى في الطويله مع صقور=والصقر دايم منزله في الطويله
شيخٍ وفي بالطيب ماهوب مغرور=تاج المراجل فوق راسه يشيله
واليا نطق بالشور يامطيب الشور=شوره يغيض اهل الكبود العليله
شيخٍ يحب العدل ويحارب الزور=ايحايل اخصامه ولاحدٍ يحيله
الله يطول عمره سنين ودهور=ويعيش ذخرٍ للوفاء والقبيله
ربعي رجالٍ جالهم في الزمن دور=وعلومهم في كل مجلس جليله
ربعي لهم في المجد تاريخ وحضور=ربعي رجال تصنع المستحيله
ماقلتها والله لتصفيق جمهور=ولاقلت شيٍ لجل ادور بديله
هذا فعل ربعي مع الناس مذكور= ومن لا يسوي مثلهم عزتي له
وصلاة ربي عد ماتنبت زهور=على النبي عد المزون المخيله
وسلامتك
تحياتي الغربي

البواردي
26 Apr 2008, 02:25 AM
الصحيح ما ادري وش اخذ من هالابيات ويش ابقي كلها جزله وقمة في الجمال والمعنى
والذائقة والترابط والدقة والكمال !!!

لله درك لله درك يالغربي

بيض الله وجهك بياض الشاش
وونعم في ربعك بني شداد قول وفعل ومن حقك ان تتمجد في قبيلتك العريقة
ادام الله وجودكم جميعاً وقواك الله

البواردي

عبدالله الشدادي
26 Apr 2008, 01:02 PM
صح لسانك يالغربي على هالرااائعه

انت شاعر جزل وربعك تستاهل المدح من شاعر كبير مثلك

مودتي

صريح
26 Apr 2008, 03:45 PM
الغربي
أنت مبدع في جميع أغراض الشعر
لافض فوك.

بندر النايف
26 Apr 2008, 04:07 PM
بيض الله وجهك وصح السانك
مليااااار يا بعدي
ولا هنت ونعم في ربعنا بني شداد

عبدالعزيز عايض
26 Apr 2008, 07:51 PM
بيض الله وجهك يالغربي

على القصيده الجزله

وربعك يستاهلون المدح

تحياتي

أبو عزة الشدادي

بدوي فاهم
26 Apr 2008, 08:26 PM
الله يطول عمـره سنيـن ودهـور
ويعيـش ذخـرٍ للوفـاء والقبيلـه


آمين يا عيد


والله يطول عمرك

وكفو يا الغربي وصح لسانك وابو حسين على العين والراس و يستاهل المدح


صح لسانك وبارك الله فيك يا شاعرنا وربعك يستاهلون


موفق خير يا بوعبيد :)

شجــــــــــون
26 Apr 2008, 08:32 PM
صح لسانك ولاهنت يالغربي

مبدع كعادتك

البرنس
27 Apr 2008, 12:10 AM
أخوي الغربي صح لسانك

وأمجاد ربعك من مجدك وعساك على القوة

ودائماً قصائدك لها رونق خاص وشكل مختلف

عزيز النفس
27 Apr 2008, 08:53 PM
بيض الله وجهك
على هالقصيده الجزله
ومهما قالوا في الشدادين
ماتوفيهم القصايد

اشكرك ولاهنت يالسنافي

الجيعان
27 Apr 2008, 09:41 PM
واللـــه وسبعــــة انعــــام بالمـــادح والممـــدوح
وصــح لســانك يابــن العـــم وبيـــض اللــه وجهـــك
قصيـــدة جــزلــه ووافيـــة مــن شـــاعر جـــزل ووافــــي

عيد الشدادي
28 Apr 2008, 08:33 PM
الصحيح ما ادري وش اخذ من هالابيات ويش ابقي كلها جزله وقمة في الجمال والمعنى
والذائقة والترابط والدقة والكمال !!!
لله درك لله درك يالغربي
بيض الله وجهك بياض الشاش
وونعم في ربعك بني شداد قول وفعل ومن حقك ان تتمجد في قبيلتك العريقة
ادام الله وجودكم جميعاً وقواك الله
البواردي

ووجهك ابيض يالبواردي

صح بدنك ولاهنت على مرورك

وتواجدك المميز

دمت توام لنا حضورك الرائع

تحياتي لك

عيد الشدادي
02 May 2008, 03:51 PM
صح لسانك يالغربي على هالرااائعه
انت شاعر جزل وربعك تستاهل المدح من شاعر كبير مثلك
مودتي

صح بدنك يابو عابد

وماعليك زود يالغالي

مشكور على مرورك الاكثر من رائع

دمت كما تحب

عيد الشدادي
04 May 2008, 12:46 AM
الغربي
أنت مبدع في جميع أغراض الشعر
لافض فوك.

صح بدنك ياصريح

ومشكور على مرورك المميز

تحياتي لك الغربي

عيد الشدادي
08 May 2008, 01:21 AM
بيض الله وجهك وصح السانك
مليااااار يا بعدي
ولا هنت ونعم في ربعنا بني شداد
ووجهك ابيض يابندر
صح بدنك ولاهنت على مرورك
تحياتي لك الغربي

عيد الشدادي
18 Oct 2008, 02:08 PM
بيض الله وجهك وصح السانك
مليااااار يا بعدي
ولا هنت ونعم في ربعنا بني شداد

ياهلا وغلا يابندر

صح بدنك

وماعليك زود يالغالي

تحياتي

ابن مهرس2008
18 Oct 2008, 11:06 PM
صح لسانك وبيض الله وجهك ولاهنت اخوي الغربي وتقبل احترامي

شــاهر
19 Oct 2008, 07:58 AM
ربعي بني شداد والفعـل مخبـور
...............................اللي رقوا بالمجـد راس الطويلـه
كسابت القاله حموا كـل مظهـور
.................................اهل السيوف الساطيـات الصقيلـه


صح لسانك أخوي الغربي قصيده جزله من شاعر جزل ..!

بيض الله وجهك يا الذيب ولاهنت والأد شداد يستاهلون أكثر من كذا ..!

كفيت ووفيت يا ولد العم وأتمنا منك تنزيل هذه القصيده
بصوتك وشكراً ..!

وتقبل مروري ..!

السلطان
20 Oct 2008, 09:53 AM
صح لسانك ولا هنت يا الغربي

وربعك يستاهلون الخير كله ومدحك لهم في محله

وننتظر منك أكثر والله يحييك

ktko0ota
20 Oct 2008, 08:58 PM
الله يعطيك الف عاااااااااافيه يسلمووووووووووووووووووووووووووو

بحار2
29 Oct 2008, 09:18 PM
الغربي
مهندس الحرف وفارس المفردة
صح لسانك ونعم فيك وفي ربعك الشدادين وانت كفوا وهم يستاهلون الطيب من اهله
لك كل الود واجمل التحايا
تقبل مروري. اخوك الدغيلبي

خيال الشدادين
30 Oct 2008, 10:52 PM
هذا فعل ربي مع النـاس مذكـور= ومن لا يسوي مثلهم عزتـي لـه

وصلاة ربي عـد ماتنبـت زهـور=على النبي عد المـزون المخيلـه




أبو عبيد
هذا فعل ربي( قصدك فضل ربي )أو (ربعي )

هذا الشطر أظن فيه بعض الخطاء
شاكراً لك على هذة القصيدة الجزله التي والله يتصف بها كل شدادي
ولك فايق تقديري وأحترامي
يالغربي

خيال الشدادين
30 Oct 2008, 11:03 PM
هذا فعل ربي مع النـاس مذكـور= ومن لا يسوي مثلهم عزتـي لـه
وصلاة ربي عـد ماتنبـت زهـور=على النبي عد المـزون المخيلـه

الغربي قصدك في هذا الشطر الأول من البيت
هذا فعل ربي مع الناس مذكور
أشوف فيه خطاء
هل تريد تكتب(( فضل ربي أو فعل ربعي))
ولك جزيل الشكر على هذة القصيدة الجزله عن أمجاد ربعك الشدادين

بحار2
13 Nov 2008, 12:02 AM
ونعم فيك وفي ربعك (الشدادين) يالغربي ولاهي غريبه عليهم ويستاهلون المدح
والقصيده جزله وبيض الله وجهك
لك مني السلام وتقبل مروري يالقرم

عيد الشدادي
14 Dec 2008, 05:47 AM
بيض الله وجهك يالغربي
على القصيده الجزله
وربعك يستاهلون المدح
تحياتي
أبو عزة الشدادي

ووجهك ابيض يابو عزه

مشكور على مرورك ولاهنت

عيد الشدادي
21 Jan 2009, 01:37 AM
الله يطول عمـره سنيـن ودهـور
ويعيـش ذخـرٍ للوفـاء والقبيلـه


آمين يا عيد


والله يطول عمرك

وكفو يا الغربي وصح لسانك وابو حسين على العين والراس و يستاهل المدح


صح لسانك وبارك الله فيك يا شاعرنا وربعك يستاهلون


موفق خير يا بوعبيد :)



ووجهك ابيض يابو فيصل وهذا من اقل مانقدمه للقبيله

وصح بدنك يالغالي اسعدني مرورك وتواجدك المميز في قصيدتي

تحياتي لك الغربي

عناد القاف
22 Jan 2009, 04:42 AM
والله والنعم فيك يالغربي
ويستاهلون ربعك الشداديين
المدح وافيه من وافي
صح اللسانك ملايين ولاهنت

عيد الشدادي
05 Apr 2009, 01:25 AM
صح لسانك ولاهنت يالغربي

مبدع كعادتك

صحت ابدانك ياشجوووووون

وحيااااااااك

العاشق
29 Apr 2009, 09:39 AM
الصحيح ما ادري وش اخذ من هالابيات ويش ابقي كلها جزله وقمة في الجمال والمعنى
والذائقة والترابط والدقة والكمال !!!

لله درك لله درك يالغربي

بيض الله وجهك بياض الشاش

عيد الشدادي
20 May 2009, 08:57 AM
[quote=البرنس;405146]أخوي الغربي صح لسانك

وأمجاد ربعك من مجدك وعساك على القوة

ودائماً قصائدك لها رونق خاص وشكل مختلف[/quote

صح بدنك يابو علي

ولاهنت على مرورك المميز

تحياتي