المساعد الشخصي الرقمي

مشاهدة النسخة كاملة : ولد المطوع قال والقول ماقال = مايذبح الصعبات غير الشدادين


سهم القصيد
06 Jul 2005, 01:54 PM
ولد المطوع
-
-
-


عداد ماصبوا من البن فنجال=وعداد ما هبت هبوب الرياحين

سلام يصفق مثل موجات الاهوال=ويشب جمره في خشوم النياشين

تسليمةٍ تبرق وترعد بالآمال=ويمطر وفاها في صدور البساتين

للشيخ ابن محماس في دق وجلال=شيخ القريبين العزاز الموالين

اللي عطا ربعه مفاتيح الاقفال=واللي وقاهم من سهوم المعادين

يجي شموس ولا بغى يقبل اظلال=ويعلّم المخطين درب المصيبين

ونعم يابن محماس ذكرك على البال=ماغاب ذكرك يالشقردي ولا حين

ولد المطوع قال والقول ما قال =مايذبح الصعبات غير الشدادين

ربعي هل الطولات في كل الاحوال=المقبلين اللي عن اللاش مقفين

اللي ليا شدّوا على جور الاحمال=شدّوا سوا في حزة العسر واللين

واليا لقوا في غبرة الدرب رحال=يدسمونه بالكرم والمضامين

وابوي عايض شامخ اقوال وافعال=يشبه لـ(عن) اليا وقف للخماسين

ابوي عايض لا ضرب كل مدهال=يضرب بدين الله وشرع القوانين

ابوي عايض جيّد العم والخال=رجال واحد بس يسوى ملايين

دامه مطوع ما يحسّب للارذال=ويشب قلبه نار غيرة على الدين

وجدي (قنيفذ)يوم صبّح بالاقذال=مثل الجهابذ والشيوخ السلاطين

وقّف شهامة ماتوانا ولا مال=يحمي حمى ربعه وهم مستريحين

صحيح مات وموتته موت الابطال=صنديد بالحارث قريب وبعيدين

في مارد الباضة دمه فالثرى سال=من شان ما يرضى على ربعه الدين

قيا قيا وان قلتها صب شلال=شلال شعر وقافية بالموازين

وانا لربعي كيف اوفي بالامثال=من روس بالحارث كرام وكريمين

يكفيني اني لا قدحت اشهب اللال=بنيوس تدعي ناصرة غمضة العين

ماشح بالحارث وفاهم ولا زال=ولا زالت النخوة بروس الشدادين

-
-
-

شعر /

عبدالله بن عائض بن عبدالله بن معيض الشدادي الحارثي ( نجران )

-
-

حقوق الطبع محفوظة

-
-

تحياتي للجميع

عبدالله الشدادي
06 Jul 2005, 02:39 PM
صح لسان الشاعر عبدالله

وبيض الله وجهك ياسهم القصيد

على القصيده الراااائعه وعلى الاختيار

الموفق لاهنت اخوي

السلطان
06 Jul 2005, 04:49 PM
ونعم والله وألف ونعم يا ابو عايض

بيض الله وجهك وصح لسانك

قصيدة جزلة ومن شاعر جزل

وتسلم يمينك يا سهم القصيد على هذه المشاركة

ماجد الشدادي
07 Jul 2005, 12:29 PM
بيض الله وجهك ياسهم القصيد

سهم القصيد
08 Jul 2005, 01:34 AM
مشكورياعبد الله على ردك
وجهك ابيض.

سهم القصيد
08 Jul 2005, 01:35 AM
شكرا يالسلطان على مرورك الرائع.

سهم القصيد
08 Jul 2005, 01:36 AM
مشكور اخوي ماجد على ردك الجميل
وجهك ابيض..

دايم الشوق
08 Jul 2005, 02:40 PM
والله وسبعة انعام فيك ياابوعايض وبيض الله وجهك ياسهم القصيدعزالله انهاقصيدة جزلة

ابن مهرس
08 Jul 2005, 08:39 PM
الله يعطيك العافيه يا سنايدي وصح لسان شاعرنا عبد الله بن عايض مشكور ياسهم القصيد للنقل الطيب والاكثر من رائع تسلم يالغالي






ربعي بني شداد كرب وعواقيب = على العدى والا الصديق امحشومي

سهم القصيد
14 Jul 2005, 08:00 PM
دايم الشوق الف شكر على المرور
ووجهك ابيض

سهم القصيد
14 Jul 2005, 08:02 PM
لاشكر على واجب يابن مهرس ولاهنت على مرورك

صويب الوله
22 Aug 2005, 09:10 AM
صح لسان الشاعر ونعم مليون نعم فيك وفيه
دعني أقول أن القصيده تأخذ مسلك القوه والجمال
تسلم يالذيب ومشكور

سهم القصيد
24 Aug 2005, 10:21 PM
ما عليك زود يابوتركي
الف شكر.

سهم المنايا
02 Dec 2008, 10:33 AM
بيض الله وجهك على القصيده ياسهم
مشكور وماقصرت