المساعد الشخصي الرقمي

مشاهدة النسخة كاملة : هذه المساجله للشاعرين / عايض بن شجاع + مرشد البذالي (صحيحه)


فارس الشدادي
18 May 2008, 03:06 PM
بسم الله الرحمن الرحيم

يسرني أن أقدم لكم هذه المساجله القويه ألتي دارة بين الشاعرين والعلمين المشهورين وهم الشاعر / عايض بن شجاع بن سالم الشدادي الحارثي و الشاعر / مرشد بن سعد البذالي (رحمهم الله)
هذه المساجله أنتشرة في المنتدى وفي منتديات كثيره ولكن للأسف يوجد بها أخطا كثيره .
يوجد عندي شريط للشاعر / عايض بن شجاع والمساجله موجوده فيه فقمت بكتابتها من خلال إستماعي للشريط . وهاهي بالشكل الصحيح .
يقول الشاعر / عاض بن شجاع .


يأهل الونيت اللي يسج الوطا سج = توه جديداً لابعد البعد سجاج
يسرح صلاة الصبح والنور ما أنفج = على وداع الليل والصبح منباج
واليا عطا مع جرهد القاع الابلج = هبط عليه ورص رجلة إلى الصاج
مايمكنه شوفك إليا ثور العج = لمحة بصر دوبك تشوفه إليا لاج
يقطع مثاني منحنى الدرب الأعوج = يروج روجات النداوي إليا راج
ماعمر سواقه على النوم هملج = ماهوب من خطو الرياجيل دلباج
مايسمعك لو صحتله كنه أصنج = في خاطره من نازح البعد وهاج
قلبه عن أيسر مطلع الشمس ما سج = والجدي حطه بيسره متن وإحجاج
وإليا قطعتوا مطمنن فيه عرفج = تظهر لكم مدنِ على حد الأمواج
تلفون بيتٍ من لفا به تبرهج = بيتٍ يقدم فيه خرفان ونعاج
دايم وبابه للمسايير منهج = وسوالفن يطرب لها كل هراج
ردوا سلامي عد من للحرم حج = وعداد ماتمشي طوابير وأفواج
اللي كتبته داخل الخط مدرج = مكتوب في خطٍ طوي طي ديباج
عن شور مرشد ما أسمتع هرج من لج = أغديه يالقالي عن الهم مخراج
أنا بقيت من الهواجيس محرج = الناس بارت والدهر يحرج إحراج
وقتٍ يخلي طيب النفس مزعج = مما يشوف ويسمعه من هالأزعاج
قالوا لي أصبر والشدايد تفرج = كلن يقول الصبر تاليه الأفراج
الصبر زين وكل مشكل يعالج = لو إن همك كبر أبانات وسواج
واللي يقاسي بيض الأيام يفلج = طول الزمان لقاسي الراس فلاج
قلت أفتهم ما مقصدي هرج وحجج = الأمر لله و المعرفه لها تاج
أنا ما أنصي كلمتي خطو الأهمج = الاُ اللذي من رفقته ربح وإنتاج
هرجٍ مع الجاهل على ويش يهرج = وهرج مع أهل المعرفه نور وعلاج



ورد عليه الشاعر / مرشد بن سعد البذالي بهذه القصيده



البارحه ذهني بالأفكار ملتج = من العشاء لين أسفر الفجر لعاج
أهوم من زود الولع وأتنهج = أونست في صدري من الهم وهاج
والطرس من سطوات الأقلام يحتج = يحتج من ضغط البناني والأسراج
ياللي بذربات المعاني تلهج = أسمع جواب اللي صعد عسر الأدراج
أبيات مافيها كلامٍ معروج = ماصاب كاتبها عن الوزن سوهاج
قم يا نديبي فوق زين المدرج = فرتٍ لعسرات المطاليع دهاج
يا زين مسراحه مع الحزم الأرتج = مع سهلةٍ فيها من المرو رتاج
من الكويت أسرح وممشاك مفرج = نفدٍ صحاصيحٍ بها خط مطناج
والصبح مع لغف النفود إيتدهج = ظهر بعزمه ما طلع حدره الصاج
إليا من ويلك بأخر العرق عجعج = وام الجماجم عنك يسرى بالأهباج
أبتل ترى ذهنك عن الوصف ما سج = وأضن طيارات للويل مدهاج
لا شفت خشم الغاط من بعد حجج = إنشد اليا طالعت بالقاع دواج
عساك تلقى الوصف من خطو الأبلج = له مع عرب عايض معرفه ومنهاج
يقول شوف ديوان عايض مبرهج = مشرعن ماصك قفله بمزلاج
تلقاه في صف الدلال أيتزعج = حرص على رد الرساله بالأرواج
سلم عليه وقل ترى الوفد ما دج = لايستوي في خاطره شك وإحناج
قله ترى صاحبك بالحمل دفلج = لو إن وزنه ثقل ضلعان الأفلاج

وسلامتكم

أخوكم / فارس عايض علي الشدادي الحارثي.

عيد الشدادي
18 May 2008, 04:07 PM
مشكور يافارس

وبيض الله وجهك على النقل

ولكن اعتقد انها مكرره

فارس الشدادي
18 May 2008, 08:53 PM
نعم المساجله ممكرره أكثر من مره لكن يوجد بها أخطاء كثيره

ولكن هذه المساجله كتبتها من الشريط من خلال تتبعي للأبيات بيت بيت

وهي سليمه من الاخطاء بأذن الله

.
.

أخوكم / فارس الشدادي .

عبدالله الشدادي
19 May 2008, 04:27 PM
مشكور اخوي فارس وبيض الله وجهك

على هالنقل الرااائع

دمت بود

الحمداني شدادي
20 May 2008, 11:50 PM
الله يغفر لهم ويرحمهم وأموات المسلمين أجمعين

وجزاك الله خير ياشاعرنا الوفي
وشكرا

ابن مهرس
25 May 2008, 12:10 AM
بيض الله وجهك يا فارس

والله يرحم الشعراء الكبار ويسكنهم الجنة

وياليت تنقل لنا القصائد بالصوت يكون أفضل أن كان ما علاك كلافه

هدوء الشدادين
26 May 2008, 01:38 PM
مساجله قوية ...استمتعت بمتابعتها ...ألف شكر :)
مساجله قوية ...استمتعت بمتابعتها ...ألف شكر :)
مساجله قوية ...استمتعت بمتابعتها ...ألف شكر :)

$ قصاص المتون $
30 May 2008, 09:20 PM
الله يرحمهم جميع ولا هنت يا فارس .........

صراحة مجهود تشكر عليه ....

خيال الشدادين
18 Apr 2009, 11:20 PM
شاعران كبيران لهما ثقلهما بالدوله خاصه والدول العربيه والأسلاميه خاصه

الله يرحمهما ويسكنهم جناته

العاشق
29 Apr 2009, 09:35 AM
نعم المساجله ممكرره أكثر من مره لكن يوجد بها أخطاء كثيره

ولكن هذه المساجله كتبتها من الشريط من خلال تتبعي للأبيات بيت بيت

وهي سليمه من الاخطاء بأذن الله

.
.