مرثية شارع بن مطلق العواضي في الأمير عجير بن مهرس

[تركي الشدادي]

وهذه القصيدة للشاعر / شارع بن مطلق الشدادي ، يرثى بها الأمير عجير بن مهرس :


ياونتي بين الضلوع المغاليق=ونة كسير ٍ سار ٍ العظم يشعاه
عليك ياشيخ تسد الأروايق=وليا بدى ريع علينا زبناه
يأبو عذاء ياللي ليا يبست الريق=يفرح به المضهود لاعمست أرياه
ليته ورى سبعة بحور ٍ غواريق=حي ٍ على البيداء وعيني ترجاه
طالوا به المطران يوم الملاحيق=بأقصى نفي والحيد لا طال مرعاه
راحت حياة الناس عقبه توافيق=البدو واللي ساكن ٍ في قراياه
يا ذيب ياللي في طويل الشوآهيق=وادعتك زبن الجواد المخلاه



الشاعر / شارع بن مطلق الشدادي

[بندر النايف]

صح إلسان الشاعر

ورحم الله الأمير

وشكرا لك يا أخي الكريم

[تركي الشدادي]

العفو يايندر وصح بدنك وعسى الله يحم ابو عذاء

[ابن مهرس2008]

اخوي تركي الشدادي

صح لسان الشاعر وبيض الله وجهك على النقل يا الذيب ورحم الله الامير عجير بن مهرس رحمة واسعه وجميع موتنا وموتى المسلمين ولاهنت

[السلطان]

الله يرحم الأمير عجير بن مهرس ويدخله فسيح جناته

يستاهل المدح ويستاهل الذكر ما بقيت الحياة

وصح لسان الشاعر / شارع الشدادي

ولا هنت يا أبو عبدالله على نقل القصيدة

[عبدالله الشدادي]

شكراً اخي الفاضل على نقل القصيدة

ورحمة الله على اموات المسلمين اجمعين

كل الود

[البرنس]

الأمير عجير بن مهرس لو سطرت فيه أبيات وكتبت عن مجلدات

فلن تفيه بعض من سيرة العطرة التي ستبقى إلى أبد الأبدين

رحم الله الأمير عجير وجميع أموات المسلمين ورحم الله قائل القصيدة

والله يعطيك العافيه أخوي تركي على هذا النقل

[تركي بن عبيد]

رحمة الله عليهم وأسكنهم فسيح جنآته ،

يعطيك العافيه ياعم على هالنقل ..

لآهنت

[غالية]

قصيدة رائع ماشاء الله صح لسان من كتبه
رحم الله موتى المسلمين اجمعين


شكرا على النقل الرائع


يعطيك الف عافية

[خوي الذيــــب]

رحم الله الأمير / عجير , وجميع الشدادين إنه على ذلك قدير , وأسكنهم فسيح جناته .

وصح الله لسان الشاعر / شارع بن مطلق الشدادي , ولسان كاتبها الأخ تركي .

[تركي الشدادي]

اخوي تركي الشدادي

صح لسان الشاعر وبيض الله وجهك على النقل يا الذيب ورحم الله الامير عجير بن مهرس رحمة واسعه وجميع موتنا وموتى المسلمين ولاهنت


ياهلا وغلا أخوي إبن مهرس

نور الصفحه بمرورك العطر

لاهنت