المساعد الشخصي الرقمي

مشاهدة النسخة كاملة : عربسات ..


المستحيلة
16 Aug 2005, 03:54 AM
قصيدة ( لا ضاق صدري رحت أقلـّـب عربسات ) ...



لاضــاق صدري رحـت أقـلّب عـربسات= قـمـت أتـفـكــــر في عـجــايب زمــاني
مـتـنـقـلٍ مــابـيـن ذيـك الـمـحـطـات= بـإبـهــــامـي ألــفّ الأرض في ثـواني
ومـاشــدّ ني مـن بـيـن كــل الـقـنوات= الـلـي بـهـــا نـاظـرت شـيٍ دهــــاني
قـم يانـديـمي فـوق زيـن الـموديـلات= Vxr تــــــــ،،ـوّه صـــادرٍ بـالـمــواني
النوع Toyota من أرقى الموديلات= Japan صـنع الأ فـنــــــــس الكيفراني
يصـبر عـلى قـطـع الـوعـور الصعـيبات= يـطـــوي صحــاصـيح الخــلا مايعــاني
عـلـيه مطـنـوخٍ يحـفــظ الــوصــــيات= عـنـد اللــوازم ذيـب مـاهـــو هـــداني
شــيـّك عـليـه وجـهّــزه لـلــمهــمات =ثـم فـلــّله من (شـيـشـة) المسلـمـــاني
وخــذ الـنـفـود قـطوع صـوب الـقــريات= وعَـدْ الحــدود لــدار صــاف الـثـمــاني
مـتـنـحـرٍ دار الـطــــرب والـونـاســات =عشــايـرٍ مـن قـــوم)طـوني) و (هاني)
الـديـرة الـلي سَــلـم أهـلـها خـذ وهــات= مـاللـحـيا بـطبـوع ربعـــه مـعـاني
لاجـيـتـهـم تلـقـا الـهـنـا والـمســرّات= والـضـيف لـه قـيـمــة وقــدر ومكــاني
يْـقلطـون (الـتـرتـه) ومعــه (كـيـكـات)= ومشــروبهـم .. مشـروبهم شكـل ثاني
حــيـاتـهــم هـــزٍ .. ووزٍ .. ود بـكــات =ويـرددون الــهـابـط مـْـن الأغــــاني
دارٍ بــهـا لـلــزيـن وســمٍ وبـصـمــات بـه= ناعـســات الـطـرف سـيـد الغـواني
لاشـفــت أنـا هــاك الغــنج والـحـركـات= مسـكـت راسـي ثـم قــلـت آه يااااااااني
وأخـص أنا بالـقــول باسـكــال بالـذات =هي شيء .. والـلي غـيرهـا شيْ ثاني
عـلـيـه عـيـونٍ تـقـطـع القـلـب بسكـات =همت .. ضعـت و(جـمدت) بمكـاني
تـبـلـغــه شـــوق وسـلام وتـحـــيـات= وتحـب جـبهـت عـودهـا (مشعـلاني)
صـحيح قـالـوا قـبـل مـن يـخـتـشي مات= والله يسـتـر مـن تـوااااااالي زمـــــاني

وهذا الردّ على القصيدة السابقة



لاضاق صدرك ياقليل المروات =صل الصلاة ولا تجي للاغاني
استخدم ابهامك في طي الصفحات= صفحة كتاب الله باب الاماني
اخير من شوفة وجية الخواجات= اللي غضب ربي عليها يباني
لحمة مخمة فالبلا والملذات= غرتك صبغة وجهها البهلواني
ترسل نديبك في ردي المهمات= اهل الردى فالدرب دايم خواني
"والفكس" لاتطرية بالذات بالذات= ماهو بمركوب النذل والهداني
الفكس مركوب الرجال الثقالات= مقنى عربين النسب والمجاني
باسكال يامسكين راحت ولاجات= مالك ومال الساقطة يافلاني
وجة عليه من التشاكيل صبغات =ابيض مع احمر والشعر برتقاني
لاشافت الطرقي تبدية نظرات= وتميل مثل الداب والعقرباني
بنت لها فالليل صولة وجولات= تضحك على مثلك بطرف العياني
تضحك على لحيتك بنت لها اخوات= ياكيف ترضى يافتى للهواني
تحب جبهة مشعلاني ياذا الشاة= اثرك تدور ريحة الزعفراني
لاواللة الا راس مافية نعرات= اتحب راس ابليس يامودماني
ياونتي ونيتها 10 ونات =الادمي ياناس طلع جناني
خلك بدار اهل الكرم والجمالات= دار حباها الله رفعة وشاني
دار بها ستر البنات العفيفات= هذي بلادي ياطويل الاذاني
اشعب ركابك في جميع النحيات= امن وامان ويش غير الاماني
اخير من دار تحب الريالات =باعوا الكرامة ياللة المستعاني

عبدالله الشدادي
16 Aug 2005, 04:15 PM
من الشعار يالمستحيله

ارجو ذكر اسماء الشعار

والقصايد اكثر من راااائعه

المستحيلة
16 Aug 2005, 05:26 PM
الحقيقة لا اعلم .. ولو علمت لاحقا . ساوردها ..

عبدالعزيز عايض
17 Aug 2005, 03:20 AM
يعطيك العافية القصيدة رهيبة لاهنتي يالمستحيلة

مع تحيات أبو عزة

المستحيلة
17 Aug 2005, 02:47 PM
ما تهون ابو عزة ... انتظر مشاركاتك .. بفارغ الصبر

السلطان
17 Aug 2005, 04:55 PM
والله الرد مسكت يالمستحيلة

الأول يظن سعة الصدر في تقليب المحطات والجلوس أمام الشاشة

والنظر إلى الراقصات واستماع الأغاني

والآخر أسكته بأن السعادة لا تكون إلا في طريق الدين والخير وقراءة القرآن

والبعد عن المعاصي والخطايا

دائماً ما تختارين الأفضل لتشاركينا به

تسلم يدينك يالمستحيلة

المستحيلة
01 Sep 2005, 01:08 PM
الله يسلمك ...

الغرب وصلوا للقمر وصعدوا به = وحنا نبشر نفسنا في عربسات !!

الولهان
01 Sep 2005, 06:08 PM
الغرب يصنع صواريخ وطائرات ...... وحنا بماضينا نعيد النقاشي

المستحيله القصيده والرد رائعه
رووووعه يا المستحيله ما تأتين به

المستحيلة
01 Sep 2005, 08:35 PM
الولهان ... اذا فيه روعه ..
هي وجودك ...

غشام
02 Sep 2005, 12:49 AM
الحقيقه كل قصيــدة أروع من الأخـرى
تسلم يمينك يالمستحيلة

المستحيلة
02 Sep 2005, 03:06 AM
وانت سالم .. ياغشام
الله يسلمك ..

المستحيلة
18 Sep 2005, 11:26 AM
وهذا اخر .... يقول رايه ..
ياناشد عنا ترانا عربسات = عشرين اذا عة مالها اية لزومي
بس انتنافس في جمال المذيعات = اللي مفاتنهن تزيل الهمومي
من قوم شوبدك..وبالزاف خبرات =كل تقاسم من خيار القسومس
قصيدتي هي فالاصل اربع ابيات= وان زدتها بيت فلا احد يلومي

المستحيلة
18 Sep 2005, 11:44 AM
وهذا اكتفى بقناة الجزيرة ...


لي صاحب يشبة قناة الجزيرة =يهوى معاملتي كما الند للند
احفظ وداده واحشمة واستشيرة = وازيد مع طول الليالي معه ود
لكن يطولها وهيه قصيرة= ويعلني في السحب والجذب والمد
ابغى له العزة ويهوى الكسيرة = الظاهر انه له عرق في دولة الضد !!

المستحيلة
06 Apr 2006, 03:23 PM
الى الاعلى

عمر الشدادي
10 Jul 2006, 04:23 PM
خلك بدار اهل الكرم والجمـالات ......دار حباهـا الله رفعـة وشـانـي

دار بها ستـر البنـات العفيفـات.......هذي بـلادي ياطويـل الاذانـي

شعب رقابك في جميع النحيـات ......امن وامان ويـش غيـر الامانـي

اخير مـن دار تحـب الريـالات ....... باعوا الكرامـة ياللـة المستعانـي

الله يعطيك العافية اختي المستحيلة على هذا التميز

المستحيلة
13 Jul 2006, 07:47 PM
اللجميع الشكر مع


http://mzayan.com/alsubaie/ebarat47.gif