المساعد الشخصي الرقمي

مشاهدة النسخة كاملة : هاذي القصيده للشاعر بسيس ابن حديد موجها لجاره سفر ابن معيض


فواز بسيس
02 Jun 2009, 10:37 PM
الله يامحلاك يافرحة العيد=ياحلوها بين الاهل والقرابه
محلا تهاني العيد بين الاجاويد=وكلن يواجه ماعمل في كتابه
يامرحبا ياجار مليون ويزيد=جار ورفيق وبابنا عند بابه
الجار له حقين سنه وتاكيد=وصى على الجار النبي والصحابه
قلبي يهددني على الشعر تهديد=تقول ديان يدور حسابه
ديان حق وناخذه بالمواعيد=واليا زعل ماجابت الورق جابه
الناس تبني بيوتها بالتقاصيد=ومبنى يجي طيب ومبنى خرابه
وولد يسمى من خيار الاواليد=ماخيب الله والده يوم جابه
وولد يبا صيده ولاجاب له صيد=وولد تحده عن عشاه الذيابه
وولد يجي مثل السمانا الملابيد=وولد حفظ مستقبله في شبابه
والشعر جاله في ضميري تراديد=لولا ضروفي كان ماقلت جابه
وعلى النبي مني صلاة وتشاهيد=عداد ماهل المطر من سحابه

تركي الشدادي
03 Jun 2009, 06:16 AM
بيض الله وجهك اخوي الغالي وهذه القصايد وأنا أخوك

كان نزلتها في منتديات أعلام ومشاهيرالقبيله أفضل لها

من وضعها في قسم الشعر الشعبي

رعد الجبوب
03 Jun 2009, 01:41 PM
بيض الله وجهك

وصح للسان بسيس

الله يرحمة

السلطان
04 Jun 2009, 07:04 PM
الله يا الدنيا
والله إنك فقيدة يا أبو فواز الله يرحمك ويغفر لك
وصح لسانك يا شاعرنا ولا هنت يا الذيب
وننتظر منك المزيد