المساعد الشخصي الرقمي

مشاهدة النسخة كاملة : مغاسل الملابس ( فضيحة بالصور )


طــارق الشدادي
05 Aug 2010, 04:50 AM
بسم الله الرحمن الرحيم


في البداية أصبح على الجميع بالخير والسعادة



الموضوع


هل تعلم بأن مغاسل الملابس سبب مباشر لكثير من الأمراض الجلديه !!!!


طبعاً

هالكلام صحيح 200 %

وأنا أبصم على هالكلام بأصابعي العشرة

ومن واقع تجربه عايشتها أنا ( طارق الشدادي ) يعني محد قالي



أحصائية تقول أن

نسبة السعوديين زبائن هالمغاسل الدائمون وصلت إلى 98%

وأنا واحد منهم طبعاً

بس بعد ماشاهدته ليلة البارح خلاص بطلت

وياليت أنتو تبطلون هالمغاسل بعد



الزبدة

ليلة البارح حطيت ثوبي عند المغسلة وطلبت من العامل يكويه مستعجل

وبعد فتره رجعت عليه وقلت وين الثوب عشان ألبسه فجابه لي

وقبل كذا كنت أعاير زيت السيارة وتوصخت يدي فطلبت منه الذهاب للحمام

أعزكم الله بأغسل يدي قال : خوش يمين سيده شويا أنت هصل قدام

دخلت وليتني مادخلت شفت الشيء اللي شيب براسي شفت الوصاخه الحقيقيه


وطبعاً لكي أنبه الشعب السعودي قلت خلني أصور عشان يشوفون بعيونهم << ترى مو لقافه هههههه

الوضع المأساوي والجراثيم والأمراض كلها

777
77
7

هذي لوحة المغسلة اللي شفت فيها المصيبة والفاجعة

http://up.shdadeen2.com/upimg/shdadeen12809719501.jpg (http://up.shdadeen2.com/)




طبعاً هذا منظر عام لصفة الغسالات والسطول اللي يغسلون فيها

وحنا ياغافلين لكم الله نشوف في واجهة المحل غسالة كبيرة أتوماتيك

ونقول هذي اللي يغسلون فيها وفي الأخير أكتشفت أنها نشافه مو غساله


http://up.shdadeen2.com/upimg/shdadeen12809719502.jpg (http://up.shdadeen2.com/)



وهالصورة تبين الموية المستخدمة في الغسيل وحاطينها في سطل قمامه

ولاحظوا لون الموية قلب من كثر الأستخدام والجراثيم


http://up.shdadeen2.com/upimg/shdadeen12809719514.jpg (http://up.shdadeen2.com/)



وهالصورة تبين أحد الغسالات اللي تغسل فيها الملابس حقتنا

ودققوا في الوصاخه واللون كيف قالب من الوصخ لا والخرطوم حق الماء بعد


http://up.shdadeen2.com/upimg/shdadeen12809719503.jpg (http://up.shdadeen2.com/)


وهذي الثانية دققوا

http://up.shdadeen2.com/upimg/shdadeen12809719526.jpg (http://up.shdadeen2.com/)



نجي بهالصورة حقت المنضفات والمطهرات حقت الملابس

لاحضوا العلبة اليمين اللي مكتوب عليها ( باتريوت ) يوم قربت منها أكتشفت أنها قاز

وشوفوا الفرش اللي تستخدم لتنظيف الزوالي تستخدم لتنظيف المفارش والبطاطين


أوووووم الوصاخه

http://up.shdadeen2.com/upimg/shdadeen12809719515.jpg (http://up.shdadeen2.com/)



وبعد المنظفات نجي للصابون المستخدم للغسيل

من أغلى أنواع الصابون في السوق غطى على تايد << أيه هين ههههههههه

دققوا في كلمة ( ذو الرغوه الفعاله ) هههههههه


http://up.shdadeen2.com/upimg/shdadeen12809719547.jpg (http://up.shdadeen2.com/)



صورة نهائية لعامل المغسلة مبتسم لتلويثه للشعب السعودي

http://up.shdadeen2.com/upimg/shdadeen12809726171.jpg (http://up.shdadeen2.com/)




ياناس ياعالم

هل هالشيء يرضيكم ؟؟؟


وين هيئة حماية البيئة عن هالمغاسل ؟؟؟


أبي رأيكم بهالموضوع وبكل شفافية




هالموضوع

من كيبوردي وجوالي الخاص

أخوكم

طارق الشدادي

عبدالعزيز مسلط
05 Aug 2010, 05:02 AM
لاحول ولاقوة إلى با الله

وين البلديه جعل ربي يجعل في وجيهم

العله كله يا أبو زايد ماهي من العماله

لا والله منا حنا وكل هذا يقع تحت مسولية البلديه

البلديه نايمه وتأخذ رشووي ولو يحصلون

البلاوي كله تعطيهم 500 ريال

وينتهي الوضع

لكن ما اقول إلى حسبي الله ونعم الوكيل


لاهنت يا ابو زايد وبيض الله وجهك

شوق شداد
05 Aug 2010, 05:04 AM
http://up.shdadeen2.com/upimg/shdadeen12809719547.jpg


ليه ياطارق تستهتر في هالصابون ماتشوف مكتوب عليه ( ذو الرغوة الوفيرة) :D

>> أول مرة تشوف هالصابون وفي أكياس بعد :D


بالنسبة للي شفته شيء مقزّز وأنواع القرف

والدليل الجير المتراكم على جوانب الغسالة وعلى ليّات الموية

والمشكلة الثانية تخيّلوا يجمع ملابس الشخص المريض مع الشخص السليم

في غسّالة وحدة ويغسلها مع بعض

وأنتم ياغافل لكم الله هاك ريال وأغسل ثوبي :(


مافيه أحسن من غسالة البيت عندك زوجتك أو أختك أو أمك

خلّهم يغسلونها لك في البيت عاد الكوي بكيفك إذا تبيهم يكوونها أو تودّيها للكوّاي لامشكلة

> أحد الحلول :)

يعطيك العافية ياطارق أنواع الفضايح

مرة مع لوحة المغسلة ومرة مع هندي المغسلة

:D


..

جواهر
05 Aug 2010, 05:04 AM
المشكلة يا طارق إن الناس تدري وتطنش
أهم شي ما يشوفون اللي خلف الكواليس .. والملابس تجيهم نظيفة تلق ..
وقيس هالشي على المطاعم ..

بس أحلى شي صابون الجوهرة ..
ذو الرغوة الفعالة .. http://www.shdadeen.com/vbq/images/icons/icon10.gif

أول مرة اسمع به .. حسبي الله عليهم حتى الصوابين سموها ؟ http://www.shdadeen.com/vbq/images/icons/icon10.gif

.
.

الله يعطيك العافية .. وعسى هالموضوع يجيب نتيجته ..
ويعتبرون رواد المغاسل ..

طــارق الشدادي
05 Aug 2010, 05:15 AM
أبو مسلط

البلدية نايمة في العسل

ومافيه أمل تقوم منه خاصه أن الدعوى فيه 500


شاكر لك مرورك

طــارق الشدادي
05 Aug 2010, 05:17 AM
ههههههههه

ذو الجراثيم الوفيرة والله بهالصابون


شوق

المشكلة في الغسيل بس الكوي يهون

يعني عادي يكووون عنده بس الغسيل مصيبة


شاكر لك هالمرور

طــارق الشدادي
05 Aug 2010, 05:20 AM
جواهر

هين المطاعم لي جولة فيها إن شاء الله

بأفضحهم هم بعد بس صبر


وبالنسبة للصابون هذا نوعية جيدة وأحسن من تايد هههههههههه

وفيه واحد أسمه صابون ( الحكه ) قريباً في الأسواق


شاكر لمرورك

أماني
05 Aug 2010, 05:26 AM
بصراحه هالشيء ما جاء فبال احد
وماتوقعت المغاسل بتكون بها الوساخه والقذاره
حسبي الله عليهم ماعندهم أمانه
ووين المسؤل عنهم وين صاحب المغسله
معقوله مايدخل جوه ويشوف بنفسه

واللي يبي النظافه يدورها من عند نااس يبغالهم نظافه اصلا
الحل غسلواملابسكم فبيوتكم واشترولكم مكوى البخار اللي يستعملونها
اعتقد هذا افضل حل

لاهنت يابو زايد ويعطيك العافيه

غـــــــــــلا
05 Aug 2010, 05:26 AM
حسبي الله عليهم هالعمال يلعبون ع كيفهم لاحسيب ولا رقيب

والبلاديه في سبات عميق
مدري متى تصحى؟؟

يغسل بالملابس ع كيفه كله جميع وهذا اللي خلى الامراض تنتشر

وبعض الناس يدرون ومطنشين اهم شي ملابسه نظيفه
بأخي صحتك اهم

وش فيها غسالت البيت
ولا غسل ع يدك يامال العافيه وخل الكسل

فديت خالو مافي نفسه يغسل ملابسه* بنفسه ومايعتمد ع المغاسل نادر وجوده!!

طــارق الشدادي
05 Aug 2010, 05:30 AM
أماني

صاحب المغسلة يدري عن هالوصاخة

بس ماله دخل لو تكلم فقع وجهه العامل البنقالي

صاحب المغسلة ماله ألا كل نهاية شهر يجي يأخذ

المقسوم ويتكل على الله ولا يفتح فمه عشان ماتروح فلوسه



شاكر لك مرورك

طــارق الشدادي
05 Aug 2010, 05:32 AM
غلا

البلدية مابتصحى أبد << نومة اهل الكهف ههههه


ينطيك العافية على مرورك

وفديت خالك اللي يغسل بنفسه

تولين
05 Aug 2010, 05:33 AM
العامل هذا كيف عطاك وجهه وخلاك تطلع فضايحة :lol:

أما بالنسبة للمغاسل أنا غالسة إيدي منها من زمان من كثر ماسمعت
لكن فيه شباب محتدين عليها ومالهم غيرها


لكن الصابون ذو الرغوه الوفيره مدري كيف جاي تقول كيس سكر اول مره اشوف مثلة

تصدق مفروض يغير اسمة لذو الوساخة الوفيره

طــارق الشدادي
05 Aug 2010, 05:46 AM
تولين

الدهاء والحنكه هي اللي خلتني أصور غصب عن العامل << أيه هين هههههه


العامل مادرى أني صورة المصايب اللي جوا بس لما جيت

بصور وجهه قال : لا تارق مافيه كدا مافيه صور

قلت له : أنا سوي نزل في أنترنت خق وحس أنه بيصير مشهور هو وخشته

وألا اللي جوا مادرى عنها


وبالنسبة للمحتدين مافيه أحد محتد هالأيام

وإذا قصدك على العزابية ألحين الغسالة الصغيرة رخيصة

والعزابية يتجمعون بشقة 5 أو 6 أشخاص يتقاطون ويأخذون وحده


وألا وش فيه الطشت والفرك باليدين ولا أحلى منه


تولين

شكراً على مرورك

@@سداح@@
05 Aug 2010, 06:19 AM
يعطيك العافية اخوي طارق

صراحة خبطة صحفية >> زي ما يقولون الجرايد

الصور بينت شيء ما ينسكت عليه

بس ما نقدر نثبت الشيء هذا على المغاسل كلها

المفروض غسيل الملابس يكون في البيت والكوي في المغسلة
ومو كل الملابس بعد


لأن في المغسلة يغسلون ملابس الزباين سوا وهذا شيء خطأ


لاهنت يا طارق



تقريرك الجاي من بتنكب فيه ؟!
:l00ol::l00ol::l00ol:
ههههههه

المترفة
05 Aug 2010, 09:02 AM
سبق إعلامي خطير ياطارق والأحلا دهائك يوم صوّرت وجهه هههههههههه

مو كافي فضيحة المحل جبت وجهه اثبات < ميته ضحك

بصراحه شي معروف إن المغاسل تغسل ثيابك مع ثياب غيرك

والمصيبه مو بس الثياب يعني كل الملابس يخلطونها مع بعض

حتى ثياب الميتين ع قولة ماما ههههه < نفسها تعرف ليه أمها لابغت تكرّه أحد بشي

قالت بسم الله علينا حتى ملابس الميتين يغسلونها معهم هههههه

والله عندنا محد متدلع كثر اخواني بس عاد لاتزوجوا أشوفهم عند المغاسل والجملة

اللي فوق ماما تقولها لهم يعني خلوا حريمكم يغسلونها لكم قبل لاتجيكم أمراض من كل الجنسيات

ومالها علاج هههههه

غسالة أتوماتيك + نشّاف حراري + ماء ساخن + تايد + كلوركس + فانيش

وإن بغيت قاز ياطارق حطه ههههه بتصير ملابسك تلق والنظافه مضمونه والريحه زكيه بعد

المنعّم وكلها بضغطة زر وتوقيت الغسالة يعني لاتعب ولاشي الكرف على الغسالة

والكوي فيه مكواة بخار للمنازل صغيره يعني تفي بالغرض بلاهم بلا يمسكونها البنقاليه

وتتعرض لقذارتهم وتلامس جسمك وتسبب لك بلاوي بجد مقرفين الله يقطعهم :(

خزامى نجد
05 Aug 2010, 11:28 AM
والله ياخ طارق
جلدن مهوب جلدك جره على الشوك
ش عليهم منكم تمرضون ولا ما تمرضون في حريقه ماهميتوهم..
الظاهر للناس نظيف والباطن وصخخخخخخخخ
ولا راح احد يستغني عن المغاسل

الجــازي
05 Aug 2010, 11:38 AM
حسبي الله عليهم

الحمدلله مانودي ملابس اخواني وابوي للغسال

اوقات كوي بس غسل لا والله

بشروني عسى الكوي مو بهالقذارة بس

الله يسعدك يابو زايد فتحت عيوننا على هالشئ

جزاك الله خير

وياليت الكل يتعظ

شموخ شدادية
05 Aug 2010, 12:31 PM
بجد قرف

بس والله إنهم يغنون عن بعض الإزعاج :D

مشكور طارق .

فيصل الشدادي
05 Aug 2010, 01:02 PM
انا اغسل الثياب + الشمغ فقط عندهم <
7
7
7
7
7


ملابس داخليه + منشفه + بدل رياضيه الخ....... تغسل وتكوي وتنشر وتعلق وتطبق في البيت




بعدين الي اغسل انا عنده يماني كذووب شكله كل شي عنده ماعليك لاتشيل هم



اقول له اغسل ثيابي لحالها ومويه نظيفه يقول ماعليك ياعم فيصل




ابي اشوف اخر ماعليك هذي وشهي قررت اقتحم اليوم













بس الي معجبني فيه انه من الساعه 5 الصبح يفتح
لذلك لن اقاطعه حتي لو كان مثل هنديك الي في الصورة



















شكراً طارق

ميمو الأمورة
05 Aug 2010, 01:24 PM
مشكووووووووووووووووووووووووور الله يعطيك العافية

خشوف الشدادي
05 Aug 2010, 01:43 PM
العمال مالقو شغل وسترزقو من ورى الناس الي كل يوم عند المغسله
والا ماتكثر المغاسل ونشوفها في كل شارع خمسه سته
شوف انت بس البلد حق العمله كيف
وكيف عايشين في بلدهم
وساخه وقرف
يعني هنا مسوي البنقالي ازين وانظف ماعنده
بس الغلط مو منه الغلط منكم انتم الشعب السعودي المتكاسل
والي تنازل عن كثير من ادواره واعطاها لهم
ليه تودي ملابسك للمغسله ؟؟؟
سؤال لازم تجاوب عليه قبل ماتطرح هالتساؤلات ؟
هل فكرت قبل ماتغسل ملابس من الي بيغسلها لك وبيغسلها مع ملابس مين ؟؟
هل فكرت في العامل الي بيغسل ملابسك وما يحمل من امراض ؟؟
استاذي الفاضل طارق
المشكله فينا نحن الشعب السعودي
!!!!
ومو بس مشكله المغاسل مشاكل الشعب السعودي في كثير وكثير من الامور
عندك مثلا المطاعم !!
...................
واتوقع برنامج 99
وبرنامج نوافذ
وبرنامج دوائر
وغيرها من البرامج التي لا تحضرني الان
ماخلى شئ من الفضائح !!
ياشيخ المطعم يقفلوه فيه تسمم وبكره اذا فتح تلقى العالم طوابير عنده
ليه ؟؟
والله لو الشعب السعودي وقف ومنع نفسه اولا من القرف والامراض
وترك المحلات هذي
من مطاعم ومغاسل وغيرها
كان قفلو المحل

؟؟؟؟؟؟؟؟؟؟؟؟؟؟
بس اذا الزباين راضيه هم ايش تفرق معهم؟
................................................

الغريق الشدادي
05 Aug 2010, 04:22 PM
حاتم أنت داخل تغسل وش لقفك على التصوير هههه

والله لو كفشك البنقالي كان ماطلعت بجوالك ههههههه

المهم أنا من الناس اللي والله ماعمري غسلت عندهم
إلا ليلة العيد أكوي شماغي بس أما غسيل لا بيتنا فيه كل شيئ
وش يحدني على وساختهم
عاد ليلة العيد البيت عندنا فيه مية شغله ومحد فاضي لي

أروح أكوي شماغي والثوب أحياناً أما غسيل لا وألف لا

طــارق الشدادي
05 Aug 2010, 05:20 PM
سداح

الخبطه الصحفية في مرورك الرائع

والمغاسل هي هي كلها زي بعض ألا مارحم ربي


والتقرير الجاي بنكب مكان بيكون مفاجأة

طــارق الشدادي
05 Aug 2010, 05:22 PM
ترف

كلام ماما صحيح والميتين ثيابهم نظيفه بعد

أنضف من وصاخة هالهنود والبنقالة هههههههههه


أحسن حل اللي قلتيه ولاتنسي فانش << متأثرة بالدعاية ياترف هههههههه


شاكر لك مرورك

طــارق الشدادي
05 Aug 2010, 05:24 PM
خزامى نجد

يعتبر ردك وجهة نظرك للموضوع

ولو كل الشعب السعودي صار مثلك وأتفقوا على هالرأي


كان تلقين الشعب بكل زاوية يحتكووووووون



شاكر لك مرورك

أمير الحمادين
05 Aug 2010, 05:25 PM
اخي طارق ابحكي لك تجربتي في هذا المجال
بحكم انه كان لدي مغسلتين ملابس في السابق
اولا اكثر مغاسل الرياض مستاجرينها العمال ومشغلينها لحسابهم الخاص
والسعودي ماله الا الاسم ونتفه اخر الشهر
ثانيا يقوم العامل بتخفيض تكاليف تشغيل المغسله باقل التكاليف
فيقوم بشراء صابون ردئ وايضا يقوم بغسل الملابس دفعه واحدة
ويكرر الغسيل بماء واحد لايغيره بل يضيف عليه القليل من الصابون ويكمل
الغسل .
وايضاالمغاسل تستخدم الصوداء الحارقة في تنظيف الملابس
الصوداء هذه مكعبات بيضاء لايستطيع العامل ملامستها بدون قفاز
وهذه مع تكرار الاستخدام تجعل الملابس تبلى .
العامل لايهمه الا الفلوس ولايهتم بتقديم الخدمه الجيدة .

انصح الجميع في التعامل مع المغاسل
اولا حاول قدر المستطاع لاتذهب للمغسله الا للكوي فقط
ثانيا اذا اردت الغسيل لديها فيجب ان تشترط غسلها لوحدها
وبماء جديدة وحاول انك ماتغسل ماستعجل مرة بل العادي افضل .

ثالثا لايغرك جمال الديكورات للمغاسل فأهم شئ فيها هو النظافه وانك تستلم ملابسك ذات رائحة معطرة وجيدة
القليل من المغاسل التي تهتم بتقديم الخدمة الجيدة تقوم باستخدام معطرات للملابس مع الغسل .
رابعا ابتعد عن المغاسل اللي عليها ضغط كبير فاكيد راح يضطرون الى غسل الملابس
كلها دفعه واحدة لضيق الوقت لديهم .


أشكرك اخي طارق لااتاحة الفرصة لي
بمشاركتي اياكم في هذا الموضوع
ورمضان مبارك مقدما

طــارق الشدادي
05 Aug 2010, 05:26 PM
الجازي

أحسن لكم غسيل البيت

والكوي ماعليه أخلاف بس والله هم وصخين

يمكن يحطون بدال البخاخ حق الكوي اللي يسلك مع المكوى

يمكن يحطون ( سعااابيييييييييل ) هههههه


شكراً على مرورك

طــارق الشدادي
05 Aug 2010, 05:27 PM
شموخ

يغنون عن التعب مشكلة والله

التعب أهون عند الأمراض الجلدية والمصايب



ينطيك العافية

طــارق الشدادي
05 Aug 2010, 05:30 PM
قرقوش

أنصب خليقة الله اليمانيه غطوا على المصارية

تلقاه يغسل ثيابك مع الوزار حقتهم وعععععععععععععععع


وسالفة أنه يفتح الساعة 5 صباحاً

هذا شكله كان فاتح محل فوال ومتعود على قومة الصبح



ينطيك العافية

طــارق الشدادي
05 Aug 2010, 05:30 PM
ميمو الأمورة

شاكر لمرورك وياليت نشوف رأيك بالموضوع

السلطان
05 Aug 2010, 05:31 PM
حسبي الله ونعم الوكيل
أنا والله عارف إن كل المحلات اللي فيها
عمالة وخاصة البنغالية فاسدة وقذرة
وعارف إن ما همهم غير الربح فقط لا غير
وما همهم أرواح ولا صحة الناس
والرقابة أذن من طين واذن من عجين
:(

الحمد لله أنا ما أجيهم إلا قليل جداً
وفقط من أجل الكوي ولا يمكن أغسل عندهم

ألف شكر لك يا أبو زايد على موضوعك الراقي
الذي يستحق التقييم والتنبيه والنشر أيضاً عبر المجموعة البريدية
وفقك الله

طــارق الشدادي
05 Aug 2010, 05:32 PM
خشوف

كلامك في محله ومفكرين في اللي بيغسل وكيف بيغسل

بس المشكلة عند الشعب السعودي ( الثقة الزايدة ) + ( الكسل )


يبون الشيء بسرعة


وبالنسبة للمطاعم والدوائر الحكومية جاي دورها لاتستعجلين


شكراً لمرورك

طــارق الشدادي
05 Aug 2010, 05:34 PM
الغريق

وش تحس به ؟؟؟؟؟؟؟؟؟

ترى أنا طارق

مو حاتم الله يصلح قلبك شكلك مواااااصل ههههههههه


المهم البنقالي تصور وطلعت الفضايح معاد يهمني


وكويس أنك ماتغسل برى البيت

لأن أنت ألحين تفوت وتكتب حاتم بدال طارق

كيف لاغسلت وجتك الأمراض بتكتب بدال طارق لورنس هههههههههه


شاكر لمرورك

طــارق الشدادي
05 Aug 2010, 05:37 PM
أمير الحمادين

أنا اللي أشكر لك مشاركتي رأيك في متصفحي

وعلى فكرة من يوم سجلت بالمنتدى هذا أول رد ترده على أحد مواضيعي


وشكراً على نقلك لنا لتجربتك الخاصة

وأيضاح بعض الخفايا والمستجدات


ينطيك العافية

طــارق الشدادي
05 Aug 2010, 05:38 PM
أبو عبدالله

يعطيك العافية على مرورك

وشاكر لك نشره عبر المجموعة البريدية

لأستيعاب أكثر الشعب لخطورة الوضع المأساوي

الغريق الشدادي
05 Aug 2010, 05:51 PM
الغريق

وش تحس به ؟؟؟؟؟؟؟؟؟

ترى أنا طارق

مو حاتم الله يصلح قلبك شكلك مواااااصل ههههههههه


المهم البنقالي تصور وطلعت الفضايح معاد يهمني


وكويس أنك ماتغسل برى البيت

لأن أنت ألحين تفوت وتكتب حاتم بدال طارق

كيف لاغسلت وجتك الأمراض بتكتب بدال طارق لورنس هههههههههه


شاكر لمرورك


مواصل ومافيني نوم بعد

بس والله توني شفت حاتم وبعدين عادي كل المراقبين أخضر

بكره بقولك يالبرنس ههههه

أعذب إحساس
05 Aug 2010, 06:13 PM
حسبي الله ونعم الوكيل هؤلاء العمالة لهم تاريخ أسود في ارتكاب المنكرات والتسلط علي رقاب الناس، فما بالكم بجلود الناس، وذلك مظهر من مظاهر غياب النظافة عن عقولهم ، والله يعينك طارق على الحكات وغريبة ليش ماتغسلون في البيت؟؟ .
لك كل الشكرررر

شدادة الوزير
05 Aug 2010, 06:42 PM
,’

اممم

المفروض كل واحد يغسل ملابسو ف بيتو

و بس وقت الضرورة يروح المغاسل

و إذا الشي ما ينغسل في البيت يعني شي كبير مثلا او فيلو تطريز وحركات

يروح مغسلة ثقة و اكيد زي مافي الطالح في الصالح

و الله يحفظكم و يبعدكم عن الامراض والناس اللي ماعندها ضمير

وتشكرات طارق انتا وجوالك


,’

غــــــالي
06 Aug 2010, 01:56 AM
يعطيك العافيه اخوي طارق

وبكل صراحه عشان نكون واقعيين الحق على صاحب المغسله وعلى البلديه

لأن العامل همه جمع المال بأي طريقه ولا هو رايح يخسر نفسه عشان يجيب للسعوديين تايد وآريال

وياليتها على المغاسل وبس
لكن المشكله المطاعم والبوفيات
وأذكر موضوع في المنتدى قبل فتره عن احد البوفيهات
والله مغسلتك هاذي انظف منها

وأحياناً مانقدر نستغني عن هالمغاسل وتضطر انك تغسل عندهم
ولنفرض انك مسافر الى خارج مدينتك
هنا السؤال
وين تغسل ملابسك؟
لكن مانقول إلا حسبنا الله ونعم الوكيل

تقوى ودمعة
06 Aug 2010, 08:40 AM
مشكور أخوي طارق على هالموضوع
إللي كله نصح وخوف على الغير

بصرااااحه شي مقرف إللي شفته بالصور
والحمدلله إني مااغسل شي بهالمغاسل كله شغل البيت
اللهم الكوي انت عارف الشباب
الثوب يحبونه ولاعفسه وكوي البيت لابد يصير فيه حركات
لكن اتمنى الناس يغسلون في بيوتهم افضل من الامراض
والله يعين العزابيه
هم اللي بياكلونها

سوار الروح
06 Aug 2010, 04:40 PM
السبب مو من المغاسل السبب من اهمال الحريم ولا ليش متزوج ماتغسل وتكوي

وش عندها

المفروض المتزوج مايروح للمغاسل
عنده مريته

الله لايهينها

والبلدية ماهي فاضية تتابع المطاعم ولا المغاسل ولا أيش زأيش ارحموهااا ياعالم

حسبنا الله عليهم وعلى القرف اللي عايشين فيه

حلم عابر
06 Aug 2010, 05:54 PM
حسبي الله ونعم الوكيل فيهم واللي يتستر عليهم ,,,
بعض موظفي البلديه يسكتون على مثل هالاشكال مقابل مبالغ ماديه ومايدرون انهم يضرون بلدهم ,,,,
مشكور اخوي طارق على هذه الصور التي كشفت لنا بعض حقايقهم ,,,
ولك خالص تحياتي ,,,

عســــــــــولة
07 Aug 2010, 01:35 PM
من جد شي مقرف حييييييييييل أخواني مستحيل يودونها للمغاسل
أبو زايد أشكرك على الموضوع المهم

أم الفزعات
04 Sep 2010, 01:28 PM
http://up.shdadeen2.com/upimg/shdadeen12809726171.jpg


ههههههههههههههههههههههاااااااااااااااااي
يقطع خشمك ياطارق
يا اني فطست ع هالصوره
منتب صاحي ابد


اول شي
اقول الحمد اني منب رجال والبس اللي يغسلونه
اول مره اعرف ان للمرأه نعمه كبيره
وهي عدم لبس الثياب
<<تلايطي بس

بس اني اودي عباياتي لهم انا وماما :blushin00g:
وش نسوي اذا غسلناها بالبيت تخرب :D


وثاني شي
الحمد الله ان عندنا أم تخاف ع زوجها واولاده
دايم تمصع اذاني اللي يودي ثيابه للمغسله
طبعا اول كانت عادي
بس فجأه انقلبت وصار شي ممنوع نودي الثياب للمغسله

خوفا من الامراض والجراثيم ^_^


يمكن نودي الثياب عشان يكوونها
بس يغسلونها لأ


طارق
يعطيك العافيه ع الصور
الخطيييييييييييييييييييييييرهـ

الأمير العربي
08 Apr 2011, 12:44 AM
ايه والله انك صادز















بس ياليت تشوف لنا بعد عن جشع التجار وغلا الأسعار المتفاوت والزايد عن حده بعد مع كل زيادات من ابو متعب

رامي عايض
08 Apr 2011, 02:59 AM
نو كومنت
ام الوصاااااخة
تقبل مروري

ريــانـة الـعـود
08 Apr 2011, 11:00 AM
حسبي الله عليهم الله
ياخذ البلديه اهم شيء
عندهم الفلوس اما صحت الناس
طزززززززززززز
الله يهديهم والواحد
يجي عند اخته ويقول غسلي الثوب
قالت بكم قالهااااا مافي ولا رياااال
راح عند المغسله وعطاه فلوس
وهما اعفن الناس
+_^

عيوووووووووووون
09 Apr 2011, 05:05 PM
هذي عادة البنقالي ماهمه الا الفلوس ... في نظرهم السعودي فلوسه كثير
ماهمه شيء ميت ..مريض أهم شيء الفلوووووووووووووس
ملاحظة***
غسل ملابس في البيت
الريال و5ريال الي تعطيها البنقالي اشترى فيها صابون...........

مزيج الحياة
09 Apr 2011, 05:58 PM
حسسسسسسسسسسسسسبيي الله عليييييهم

>>يعني ترا موب كل المحلات تسذآآآآ

بسس جد تقررفت حسيبهم الله

مشكور

هياتشي
13 Jun 2011, 02:12 AM
تشفون عيوب الناس وما تشفون عيوبكم
اتحدى كل واحد يصور الغساله الي عنده اذا ماهي مو اخس من الي بالمغاسل
ولا هو فتحت موضوع تبون مشاركه
الله يخسكم فضحتونا