المساعد الشخصي الرقمي

مشاهدة النسخة كاملة : السبيعي وصايل بن سلطان بن شرار


السلطان
31 Oct 2005, 09:38 PM
بسم الله الرحمن الرحيم

هذه القصيدة موجهه إلى / صايل بن سلطان بن شرار الشدادي

قام صايل بن سلطان كعادته وكعادة ربعه الشدادين بالوقوف مع رجل من السبعان
واسمه عايد بن هندي المشعبي السبيعي حين طلب منه السبيعي مساعدته
في أمر لا يقوم به سوى أبو سلطان الذي قال له أبشر وتمم للسبيعي ما يريد ....
ثم غاب عنه فترة من الزمن وألتقى هو وذلك الرجل فحلف على
أبو سلطان بالعشاء وزيارته في بيته ... وذبح له قعوداً وأربعة طليان
وبعد العشاء قام السبيعي أمام أبو سلطان وألقى هذه القصيدة
مدحاً فيه وفي ربعه الشدادين




سلام صافي كنه الجوهر الماس= وألذ وأحلى من حليب المغاتير
ياصل لأبو سلطان شيخ على ساس= رجل كريم من رجال مناعير
إن جيت تلقى فعل وعلوم قرناس= وإن رحت تلقى سمعته في المشاهير
في مجلسه تلقى هل الطيب جلاّس= والعود الأزرق والدلال المباهير
" صايل " أبو سلطان حر على ساس= تشهد له عتيبه مع سبيع ومطير
هو فزعة المضيوم في ساعة البأس= يجيه عاني من بعيد المشاوير
ربعه قروم وفعلهم يرفع الرأس= ذبّاحة الحايل بيوم المخاسير
فعولهم في صفحة المجد نوماس= ويستاهلون المدح مع كل تقدير
الطيب للطيّب وتفخر به النّاس= وترفع له البيضاء وجزل التعابير
وصلاة ربي عدّ ماهب نسناس= على النّبي اللي رضا بالمقادير
من / عايد بن هندي المشعبي السبيعي

عبدالله الشدادي
31 Oct 2005, 09:43 PM
مشكور اخي السلطان وبيض الله وجهك

على طرح القصه والقصيده الراااائعه

تحيتي لك

سعد الشدادي
31 Oct 2005, 10:04 PM
" صايل " أبو سلطان حر على ساس= تشهد له عتيبه مع سبيع ومطير
.
.
.
.
.
.
.
.
.
.
الطيب للطيّب وتفخر به النّاس= وترفع له البيضاء وجزل التعابير



ماخلده التاريخ في مجالس الرجال يضهر ولا يموت

تسلم يابو نوره

لاعدمتك يا ابيض الوجه

المستحيلة
01 Nov 2005, 12:09 AM
والنعم .. العمل الطيب .. يخلد راعيه ..

نــــــدى
01 Nov 2005, 06:11 AM
بالفعل الرجوله فعل بيض الله وجيهم وبيض الله وجهك يالسلطان

ونعم والله

السلطان
01 Nov 2005, 06:12 AM
يستاهل أبو سلطان كل علم غانم

شكراً لكل من تواصل معنا

الضيغمي
01 Nov 2005, 06:17 PM
صدق من قال ( أعمــــل والرجـــــال تكفيــــك )

الشامخ
01 Nov 2005, 07:47 PM
الطيب مايضيع بين الرجالي وبيض الله وجه صايل والسبيعي والي نقل الموضوع
مشكور ابو نورة

صخر
12 Dec 2005, 09:38 PM
صح لسان شاعرها وابو سلطان كفو يستاهل مواقف وافعال اهل الطيب ماتحصى وانا اخوك يالسلطان
بس لو ذكرت موقف القصيده وقصتها عموما ماقصرت انا اعجبتني القصيده رائعه واكيد وقفت ابوسلطان اروع

السلطان
13 Dec 2005, 07:47 PM
شكراً لتواجدكم أخواني الأعزاء

وكل التقدير لحضوركم وإلتفاتتكم

أبو سلطان من نسل الرجال وفعله ما هو غريب أبداً

بل هو من طبعه وأخلاقه

عبدالعزيز عايض
13 Dec 2005, 09:23 PM
صح لسان شاعرها

ومشكور يالسلطان على القصه