المساعد الشخصي الرقمي

مشاهدة النسخة كاملة : هم عزوتي لاقلت يا لاد شداد


شاعر الحمادين
05 Nov 2005, 12:49 AM
السلام عليكم ورحمة الله وبركاته
وكل عام وانتم بالف خير وعساكم من عواده
واحب اصافحكم بهذه القصيده والتي انشرها لاول مره
بالانترنت اذ اقتصر ذكري لها بالمجالس وهي قديمه
ارجو ان تنال بعض استحسانكم

قامت تصافق باالغصون الهبايب=وتمحي ذعاذيع الهوا كل الانكاد
وهل المطر من مدلهم السحايب=صدوق الحيا ماهو بنشرات الارصاد
نو تحدر من مزونه سكايب=يسقي ديار وجدها للحيا زاد
اخذت لها عامين والسيل غايب=عساسها لوراح باالبشر ماعاد
يجيك بعلوم الحيا اهل الركايب=وتلقى علومه مع صدير ووراد
بشر بمنبوته شباب وشايب=وبشر بغدران المطر كل نشاد
لابد ترجع عقب كانت جدايب=باذن الولي تفرش من العشب سجاد
تمشي به الذيدان مثل الذهايب=تسرح وتضوي مالها شبك وقياد
تدوج في عشب الفياض النجايب=ويرتاح راعيها عقب كان كداد
لي ديرة تسوا الديار الرحايب=دار الكرم والعز من عهد الاجداد
منوة هل البل فاالسنين العشايب=لاناشها الوسمي ببرق ورعاد
ربعي هل البل محتمين السلايب=هم عزوتي لاقلت ياالاد شداد
لطامة العدوان يوم الحرايب=جموع العدا من فعلهم راحت ابداد
من يعترضنا بشره باالغلايب=نشرب فناجيل الشيوخ اهل الامجاد
كم راس شيخ صار حدر النصايب=عزي لعين ترتجي له بمعواد
عقب الفرح لجوا عليه الحبايب=وشقن عليه الثوب غضات الانهاد
حنا بني الحارث رجال النوايب=وافعالنا تشهد قديمات وجداد
فوق المهار ملافخات السبايب=عن دارنا نذود بارواح واجساد
ستر البني منقضات الذوايب=لاجاء نهار فيه قايد ومنقاد
فينا الكرم والطيب ماله حسايب=ذباحة للكوم فايام شداد
بيباننا شراع والبال طايب=للجار والضيفان ومدور الزاد
جف القلم والحبر يااهل الطلايب=كل سبق للفعل بذراع وزناد
الطيب ماينباع مثل الجلايب=سوق المراجل بارز يوم الاضداد
مايشتريها الا عطيب الضرايب=ماينجحد فعله على روس الاشهاد
وقول بليا فعل ماهو بصايب= ولاني بقايل شي ياكود باسناد


وسلامتكم

عبدالله الشدادي
05 Nov 2005, 01:02 AM
وانت سالم وغانم

وبيض الله وجهك ياذيب

على القصيده اللي تنومس

كل شدادي وصح لسانك لاهنت

يالنشمي مشكور

عيد الشدادي
05 Nov 2005, 03:33 AM
صح لسانك ياشاعر الحمادين

قصيدة جزلة ومن شاعر جزل

وبيض الله وجهك

سعد الشدادي
05 Nov 2005, 05:30 AM
جزله من راس ٍ جزل

شاعر الحمادين

حضورك مختلف

ومشرف


صح لسانك

الشامخ
06 Nov 2005, 01:37 AM
بيض الله جعلك سالم وغانم
قصيده جزله وتشكر عليها جزيل الشكر

ماجد الشدادي
06 Nov 2005, 03:45 AM
صح لسانك ومشكور يالغالي على القصيده

لاتحرمنا جديدك والى الامام ...

الولهان
06 Nov 2005, 04:46 AM
صــ لسانك ــح قصيده جزله
ورائعه بيض الله وجهك
ولا تحرمنا من قصايدك

السلطان
06 Nov 2005, 02:28 PM
بيض الله وجهك يا شاعر الحمادين

وصح لسانك على قولك ونظمك وحسن لفظك

ربعك ويستاهلون كل خير وكل مدح وكل فخر

وأنت ما قصرت قلت وأجزلت ومدحت وفاخرت وربعك يشكرونك على قصيدتك

تنقل لقسم ما قيل في الشدادين مع التحية

شاعر الحمادين
06 Nov 2005, 07:25 PM
اخوي الغالي/عبدالله
لاهنت ومرورك اسعدني كثيرا
والشدادين مااوفيتهم حقهم من المدح
لو اكتب فيهم معلقه

البرنس
06 Nov 2005, 08:03 PM
سالم وغانم وصح لسانك
قصيدة رائعه الله يعطيك العافيه
اخوي شاعر الحمادين أتحفنا باالمزيد

شاعر الحمادين
06 Nov 2005, 09:27 PM
الغالي الغربي
لاهنت على المرور
والله يعطيك العافيه

شاعر الحمادين
06 Nov 2005, 09:31 PM
اخوي الغالي ابوعبدالمحسن
ماسطرته يعتبر وساما اعتز به كثيرا
تقبل صادق الود والاحترام
لاهنت

شــدآآدي كــوٍوٍلٍ
07 Nov 2005, 07:07 AM
وانت سالم وغانم

وبيض الله وجهك ياذيب

على القصيده اللي تنومس

كل شدادي وصح لسانك لاهنت

يالنشمي مشكور

عذب الكلام
07 Nov 2005, 07:16 AM
وأنت سالم وغانم

وصح لسانك يا شاعر الحمادين

قصيده جميله الله يعطيك العافيه وماقصرت

وننتظر المزيد من قصايدك يا الغالي


ولك خالص الود

شاعر الحمادين
08 Nov 2005, 10:21 PM
اخي الغالي الشامخ

الله لايهينك اسعدني مرورك وتشريفك

تقبل تحياتي

شاعر الحمادين
08 Nov 2005, 10:26 PM
الغالي ماجد الشدادي

صح بدنك ويعطيك العافيه وانا اخوك

والقادم احلى ان شاء الله

شاعر الحمادين
08 Nov 2005, 10:30 PM
الغالي الولهان

لاهنت على المرور ويعطيك الف عافيه

تقبل تحياتي

شاعر الحمادين
08 Nov 2005, 10:33 PM
الاخ العزيز سعادة المدير

شاكر لك مرورك وعيال عمي مثل ماتفضلت يستاهلون اكثر من كذا

والله يعيننا على ايفاءهم لو بعضا من حقوقهم علينا لو باالقول

ومشكور على النقل

تقبل كل الود

شاعر الحمادين
08 Nov 2005, 10:35 PM
الاخ الغالي البرنس

يشرفني مرورك يابرنسنا

وان شاءالله نكون عند حسن الظن

شاعر الحمادين
08 Nov 2005, 10:36 PM
اخوي الغالي شدادي كووول

الله لايهينك وافعالكم هي اللي تنومس

تقبل تحياتي

شاعر الحمادين
08 Nov 2005, 10:38 PM
اخي الغالي عذب الكلام

لاهنت والله يعطيك العافيه

اسعدني مرورك


تقبل تحياتي

الذيب
09 Nov 2005, 12:42 AM
الله يعطيك العافيه علي هذه القصيدة الجزله وبني عمك يستاهلون هذا المدح ياولدالعم

المستحيلة
10 Nov 2005, 07:42 PM
وقــول بلـيـا فـعـل مـاهــو بـصـايـب=ولانـي بقـايـل شــي يـاكـود باسـنـاد

شاعر الحمادين .. حظور قوي ..
وقصيدة لها .... مكان في عقول البدو ..

قاسي
11 Nov 2005, 10:41 PM
سالم وغانم قصيده جزله من شاعر جزل

الناصر
15 Nov 2005, 11:29 PM
الله يبيض وجهك بصراحه قصيده ترفع الراس لشدادين ولبن الحارث عموم وننتظر منك المزيد

شاعر الحمادين
24 Nov 2005, 09:51 PM
الاخوه الاعزاء

الذيب

المستحيله

قاسي

الناصر

الف شكر على المرور والمشاركه ولا هان الجميع

عبدالعزيز عايض
30 Nov 2005, 07:45 PM
صح لسانك ياشاعر الحمادين وبيض الله وجهك

الأمــــــــير
15 May 2007, 01:02 AM
قصيدة جميلة .

ابو ثامر
30 May 2007, 12:59 AM
صح لسانك ياشاعر الحمادين

وقصيدة جزلة وبيض الله وجهك

بدر الشدادي
02 Jun 2012, 03:43 AM
صح السانك مليون وبيض الله وجهك
تحيتي لك