هامتي فوق
09 Nov 2005, 08:34 PM
السلام عليكم ورحمة الله وبركاته
ابيات اعجبتني للشاعر عبدالعزيز بن محمد .مناسبتها باختصار ...
الراوي محمد الشرهان كان يدور على احد يبيه في مسجد بجنوب الرياض ..يوم مالقاه طلع من المسجد ولقى شايب يحتري حدا العيال الصغار وهو قليل بصر مره "ويحفظ القران"والثاني اخوه بجنبه لاطلع يبي مويه يقوله رح شوف اخوك لايصير له شي
جلس الراوي وساله عن حاله قال هذولي عيال بنتي زوجها مات في حادث ..والبنت عقب فتره تزوجت لاننا قليلين حال ..لكن زوجها مايبيهم له بنت وتمصع باذان الصغير الاعمى وتوذيه فقلت اخذهم انا واحسن تربيتهم
سال الراوي وراك ماعليك نعول "وانتو بكرامه "قال ماواديهن والجو برد وعبايته خفيفه وشماغه الله العالم به
المهم تلاقى الراوي مع شاعر اسمه عبدلعزيز بن محمد عند مسجد في يوم العيد شمال الرياض وقال له وساله وش موديك لذاك المسجد اكا اليوم الشايب ينشد عنك وسولف له ثم قال له ..شفت هالشباب الكاشخين ؟؟
خبرك بكم ثيابهم ؟؟وقعد يوصف له حال هالضعوف ويقارن ..قال الشاعر "والاماره متاصله فيهم"...قال له بس بس يامحمد تراك كسرت قلبي كني اشوفهم الحين ثم تلاقو عقبها بكم يوم وانشد هالابيات
يااهل الثياب الفاخرات النمونة = الغاليات اسعارها مالها حد
من كل خياط تلقف زبونه = ياخذ له المقياس ضبط على القد
الى لبس ثوبه وزرر زبونه = ماعاد يجي بردها صد
تذكروا ربع يبون المعونة = في حاله يعلم بها الواحد الفرد
الله من عود تقارش سنونه =حاله نحيل والزمن هارده هرد
يمضي الدجى ماهيب تمرح عيونه = من الوجع والجوع والخوف والبرد
يكف دمعه عن صغار يرونه = بحل بهم من قل ماتملك اليد
وكم جادل عريبة اصلن مصونة = تعبيرها دمع تهله على الخد
وكم من يتامى في ذرى ام حنونة = مابيحت لاقرب قريب لها سد
ماودي اشرح خاطر تفهمونه = وانتم اهل العادات جد بلثر جد
الخير ياهل الخير يالي تبونه = تكفون فزعتكم تغيثون ملتد
والله يعوض كل ماتبذلونه = ترا الثوب بشية الله بلا عد
وسلامتكم....
ابيات اعجبتني للشاعر عبدالعزيز بن محمد .مناسبتها باختصار ...
الراوي محمد الشرهان كان يدور على احد يبيه في مسجد بجنوب الرياض ..يوم مالقاه طلع من المسجد ولقى شايب يحتري حدا العيال الصغار وهو قليل بصر مره "ويحفظ القران"والثاني اخوه بجنبه لاطلع يبي مويه يقوله رح شوف اخوك لايصير له شي
جلس الراوي وساله عن حاله قال هذولي عيال بنتي زوجها مات في حادث ..والبنت عقب فتره تزوجت لاننا قليلين حال ..لكن زوجها مايبيهم له بنت وتمصع باذان الصغير الاعمى وتوذيه فقلت اخذهم انا واحسن تربيتهم
سال الراوي وراك ماعليك نعول "وانتو بكرامه "قال ماواديهن والجو برد وعبايته خفيفه وشماغه الله العالم به
المهم تلاقى الراوي مع شاعر اسمه عبدلعزيز بن محمد عند مسجد في يوم العيد شمال الرياض وقال له وساله وش موديك لذاك المسجد اكا اليوم الشايب ينشد عنك وسولف له ثم قال له ..شفت هالشباب الكاشخين ؟؟
خبرك بكم ثيابهم ؟؟وقعد يوصف له حال هالضعوف ويقارن ..قال الشاعر "والاماره متاصله فيهم"...قال له بس بس يامحمد تراك كسرت قلبي كني اشوفهم الحين ثم تلاقو عقبها بكم يوم وانشد هالابيات
يااهل الثياب الفاخرات النمونة = الغاليات اسعارها مالها حد
من كل خياط تلقف زبونه = ياخذ له المقياس ضبط على القد
الى لبس ثوبه وزرر زبونه = ماعاد يجي بردها صد
تذكروا ربع يبون المعونة = في حاله يعلم بها الواحد الفرد
الله من عود تقارش سنونه =حاله نحيل والزمن هارده هرد
يمضي الدجى ماهيب تمرح عيونه = من الوجع والجوع والخوف والبرد
يكف دمعه عن صغار يرونه = بحل بهم من قل ماتملك اليد
وكم جادل عريبة اصلن مصونة = تعبيرها دمع تهله على الخد
وكم من يتامى في ذرى ام حنونة = مابيحت لاقرب قريب لها سد
ماودي اشرح خاطر تفهمونه = وانتم اهل العادات جد بلثر جد
الخير ياهل الخير يالي تبونه = تكفون فزعتكم تغيثون ملتد
والله يعوض كل ماتبذلونه = ترا الثوب بشية الله بلا عد
وسلامتكم....