الله من قلبٍ عوى عويـت الذيـب

[الشاهين]

جمال السبك وايقاع الكلمات وجزاله المعنى

نجدها

هنا

وهي للشاعر المرحوم بأذن الله / محمد بن سالم بن جروان القحطاني .






الله من قلبٍ عوى عويـت الذيـب =ذيب عوى لجـت ضلوعـه ولجـي

عليك ياراعـي العيـون المهاديـب= سـودٍ مضاليـلٍ وسـاع ٍ وبـجـي

سودٍ تشذب بسرة القلـب تشذيـب=طحت بخطرهـن يالله انـك تنجـي

سهومهن تسطي على القلب وتصيب =تخـج صنـدوق المعاليـق خـجـي

ياصاحبي حبـك لقلبـي عواقيـب=ارفق علـي شـوي قبـل استلجـي

يا اللي عليك عيون الامه مراقيـب= تقـول بيـن شـفـاك درٍ يمـجـي

والخد براق المـزون المهاضيـب =اللي رعوده رجـت القـاع رجـي

يامنوتـي مافيـه شـك ولاريـب= منساك كود انسى صيامـي وحجـي

يابو نهـودٍ شلعـن مقـدم الجيـب= كمشمشٍ عرقه مـن المـاء ينجـي

من فوقهن شقرٍ تغذى على الطيـب= ريح الشمطري في طرفهـن يعجـي

ذيل اشقرٍ ينسف خلاف العراقيـب= تطلـب عيالـه بالمهـر والترجـي

هزت وزرفـات السبايـا جناديـب= لوما شليل الصبـر والمـال هجـي

ذبحتنـي ياسيـد كـل الرعابيـب=فجيت قلبـي يأريـش العيـن فجـي

فجن مثل مظراب شلفاء تراحيـب=شلفاءاً تخل الـدم الاحمـر يكجـي

لا وردة من كف مـرو المغاليـب= والخيـل كاسيهـا ضبـابٍ وعجـي

ياعاذل المشتـاق مابالهـوى عيـب=ماذقت لذاتـه عسـى امـك تدجـي

لو ذقت من حلوه ومـره تجاريـب= مالمـت طـراد البنـي الغنـجـي

نجل العيون مزعلات الخطاطيـب =شعـوٍ عـذاب مقطعيـن الفرجـي

يم الحبيب اللي هروجـه تعاجيـب= ياعيـن لديلـه ويـارجـل سـجـي




تحياااااتي للجميع

[المستحيلة]

ياعاذل المشتاق مابالهـوى عيـب=ماذقت لذاته عسـى امـك تدجـي
ما اكثر العذال .... وما ابشع اساليبهم ..
الشكر لناقل القصيدة .. وعرفنا اكثر بالشاعر في نفس الموضوع

[الشاهين]

المستحيله

العذال في كل زمان هم المعول الذي يهدم كل حب جميل

تحياتي ويشرفني مرورك كاول قارىء لهذا الموضوع

[عبدالله الشدادي]

صح لسان الشاعر ومشكور

اخوي على القصيده الرااائعه

[عبدالعزيز عايض]

صح السان الشاعر ومشكور يالشاهين

[السلطان]

ممتاز جداً أخوي الشاهين

معاني لا يصفها إلا كبار الشعراء

ومن كان في روعة شاعرنا القحطاني

وبعد تصويره لا يستغرب عليه مثل هذه الأبيات

نقل موفق وياليت يالشاهين لو تتحفنا بقصائدك أنت

مشتاقين لها وأنت بخيل علينا ما أدري ليش ؟!!!

[ساري]

رهييييييييييييييييييييييييب
هذي القصايد والا فلا