المساعد الشخصي الرقمي

مشاهدة النسخة كاملة : زايد بن سعود وقصيدة في اجتماع الشدادين في الزرب


مجدي الشدادي
06 Jun 2011, 02:21 PM
السلام عليكم ورحمة الله وبركاته


قصيدة الشاااعر ::زايد بن سعود الشدادي


في


اجتمااع الشدادين في الزرب عند غازي بن معيض الشدادي


الاوله سلام زين على زين=عدالنجوم وعد وبل السحابه
من شاعر سجل بيوت ودواوين=الشعر جاله وازين القاف جابه
لوكان يكتب له من الشعر بيتين=له ميزتن بالشعر يحسب حسابه
والثانيه يامرحبا ميلون واهلين=من عند أبومنصور قلته نيابه
غازي وغازي لاغدا العلم علمين=انصه ويعطيك اللبيب الاجابه
رجلن كريم ومن رجالن كريمين=للضيف والجيران ماصك بابه
من قوم ابن مهرس كعام المعادين=شجيعهم يوم الوعد ينتخابه
ياميرنا ياشيخناياالسيف ابوحدين=وش يفرق السيف الحدب من نصابه
انته ذرانا درعنا يااحمر العين=وانته ولد مهرس عبيدالركابه
من لابة تعرف بخوض الميادين=يسعدها لابه وياحي لابه
لاحانت الوقفه وقامو شدادين=عدوهم وسط الحرايب يجابه
حنا بني شداد ربعن مسمين=ماجاتنا شحذه ولا نهابه
حنا وحنا فاالمواقف سلاطين=نارد على الموت الحمر مانهابه
ياطامعن فاالدر رايح على وين=الدار حاميها سباع الذيابه
ابك انت ماتعرف صعوط المجانيين=تدوس عفريت الخلا في ترابه
ماهمنا لوصار وحده وثنتين=ولا همنا فاالوقت ضرسه ونابه
ولا همنا وان جاتنا الترك والصين=ندك ضلع طويق وياهضايه
واليا عطونا كاش ماردها دين=في وقتها تلقا زعيم المهابه
خصيمنا فلحرب ذاق الامرين=كم شيخ قومن تعبنه ركابه
ومن عقبها نسقيه سم الثعابين=حتي من الغبنه يفراثيابه
حنا على درب الشجاعه مضرين=شجاعتن تعرف بشيب وشبابه
وهذي فعول رجال ماضي وذلحين=والي مكذبني يراجع حسابه
واقول انا عندي عليها براهين=من عصرنا هذا لوقت الصحابه
وختامها ياالي مدور عناوين=حنا وطير الحر فينا تشابه

وسلامتكم
مشرفين الله لايهينكم نسقوها
تحياتي

منصور بن غازي
06 Jun 2011, 02:25 PM
قصيدة رائعة من شاعر كبير نتمنى له التوفيق والشدادين يستالون القصيد الجزل

الجيعان
06 Jun 2011, 05:08 PM
والله وسبعه انعام بالمادح والممدوحين
وكفووووو يالاد شـــداااد
وصــح لســان الشاعـــر
ولاهنـــت يالناقــل

السلطان
06 Jun 2011, 07:13 PM
عز الله ما قصر أبو سعود
من أجمل وأروع القصائد التي ألقيت تلك الليلة
ويستاهلون الشدادين كل خير
وصح لسان شاعرنا زايد
ولا هنت يا أبو معيض على نقلها لنا

خيال الشدادين
07 Jun 2011, 05:37 AM
قصيده جزله من شاعرها وألقاءها
ويستاهلون الشدادين والشعراء كلهم مبدعين
وكانت مناسبه سعيده نريد المزيد من الأجتماعات
الطيبة وفقكم الله يالابتي .
مجدي تشكر على الجهود الطيبة من شخصكم الكريم

زايد سعود الشدادي
07 Jun 2011, 11:38 AM
السلام عليكم ورحمة الله وبركاته
لي الفخر ان القصيده مسجله بهذا المنتدى وهذا قليل في حق الرياجيل
وصح بدن من قال صح لسانك ولاهنتؤ
وتشكر يامجدي انت ومنصور على ماقمتوبه


ودم ان جالي مجال معكم بلمنتدى اقول انا ماقفي مع ربعي ولا اذخر عليهم مايحتاجونه في هذا المجال
وانا ماكنت اشارك معكم من غير قاصر فيكم ولا قصور مني
يشهد الله اني كنت اتبعكم في الاخبار والشعر بلمنتدى وبدون ما اسجل فيه من سنوات ماضيه
وانا لي اسبوعين مسجل بسمي لاان فيه من حثني على الدخول معكم وهذا بلاشك مجلس عيال عمي مجلسي
ودي اشارك معكم بالشعر او موضوع اوسولف اوغيرها وارد على ما تطرحونه بس ماتسح الضروف!!!!


ان شاء الله اكون معكم
واطلب منكم العذر والسموحه اذا ماواصلت بشكل المطلوب

وبدون ما اجمل معكم اشكر من ساهم وشارك في هذا المنتدى الذي جمع اكثر من الممتاز وهذا جهد تشكرون عليه
وانا والله ما افرق بين احد وكلكم الكم قدر عندي
واقول صح الله لسان الشعار والشعر اله بصمه ما ماتمحى



واعذونا على القصور
وتقبلوا تحيات راعي المغاتير
وشكرآ لكم

كساب الطيب
07 Jun 2011, 04:33 PM
صح لسانك يازايد قصيدة رررائعة وجزلة

يستاهل أبو منصور المدح والقبيلة تستاهل أكثر

أحمد عيد
07 Jun 2011, 07:12 PM
كفو والله يا ابو سعود وصح الله لسانك وبيض الله وجهك والى الامام

بندر النايف
07 Jun 2011, 07:39 PM
صح الله إلسانك يا زايد ومرحبا تراحيب الأمطار بك
والساعة المباركة التي جعلت مجدي ينزل قصيدتك ونسعد بتواجد
ولا تقاطع

وشكراً يا مجدي

ونعم في أبو منصور وكل الشدادين ,.

دمتم بود .

الذيـــــب
01 Jul 2011, 03:04 AM
صح لسانك يازايد وموفق خير

تحياتي لك

شدادي الخرج
01 Jul 2011, 09:06 PM
قصيدة جزله من راس جزل يابو سعود


لاهنت مجدي