خيال الشدادين
02 Sep 2011, 11:20 AM
اخواني الكرام هذة القصيدة قيلت في رجل المواقف رجل الفزعة
مطلق بن مشعل بن فهيد العواضي الشدادي
كان مؤظف كبير في ارامكو وتقدم بطلب التقاعد المبكر
واستلم مدير الأتصالات في البحرين وهو رجل غني عن التعريف
ولكم هالقصيدة :
أشكرك ياشبل من أشبال الشدَّاديـن=مطلق بن مشعـل حبـس الكمينـا
حيث إن مثله من رجـال مسميـن=ضياغم من ساس العـرب منتمينـا
لاذكرتهم بالشين صـاروا براكيـن=للضـد مخزيـن ولـه محرقيـنـا
على الأصايـل يعتلوهـن مجانيـن=يامـا يبيـن الـحـق للعارفيـنـا
ياحلّت القـالات بيـن الخصيميـن=خصيمهـم بعـد القسـاوه يلينـا
أمّـا يليـن بطيـب وألا بثنتـيـن=وألا بـذاك الحـد حـد السنيـنـا
على المراجل مـن قديـم وذلحيـن=ماهـم بسلـم جدودهـم مسرفينـا
أولاد ضيغم من خيـار السلاطيـن=مـن يـعـرب الأول متسلسليـنـا
فرسان بالدنيـا وبالفخـر والديـن=وبالحـق فرسـان حتـى يبيـنـا
عند الشدايـد ينتخـون الشداديـن=لسلـوم ضيغـم جدّهـم مجدّدينـا
علـى فعايلهـم نسـوق البراهيـن=حيـث إننـا نعلـم علـم اليقينـا
إن الضياغم هم أشبـال العرينيـن=عرينهـم يمنـع عـن المعتديـنـا
أربـع قبايـل حاربوهـم معاديـن=حرب على الأشهاد عبـر السنينـا
ضياغـم علـى المعاديـن قاسيـن=قاسيـن وقساوتهـم عيّـت تلينـا
ماينزلـون ألا بـروس الشياهيـن=حــرار دوم بالـعـلا معتليـنـا
فرسان نجد اللي تـدوس المياديـن=حماة الوطن حماة الضعن والضعينا
للجـار حاميـن وبدمّـه مثاريـن=مـن سبعـة الأفخـاذ ثـار ثمينـا
سبعة رجال ثمن جـار الشّدّاديـن=فخارهـم يسمـو علـى الفاخرينـا
لادارت رحى الحرب بين الحريبيـن=حريبهـم حبّـه تحـوّل طحيـنـا
أشبال ضيغم في صدور الدواويـن=بالقـمّـه العلـيـا متمركـزيـنـا
بين القبايـل آل ضيغـم عناويـن=مثـل الجبـال وتزبّـن الخايفينـا
ربع إبن مهرس عند نصب الموازين=ميزانهـم يميـل صـوب اليمينـا
عند الرمايه يضربـون النياشيـن=وبالمرجلـه والعـلـم متفوقيـنـا
ومدحي لهم بعد الفعايل هو الزيـن=والمدح مـن بعـد الفعايـل يزينـا
بالوعد وافيـن وللضيـف مقريـن=مايذبحـون ألا خـيـار السميـنـا
صديقهم يلقى السماحه مـع اللّيـن=باأقوالهـم وأفعالـهـم صادقيـنـا
ومطلق أبو نايف خذا الباع باعيـن=بالمنسـب الشريـف متنومسينـا
أبـو نايـف لاثـار فـك المخليّـن=اللـي بديـار الغـرب متورطينـا
أفعال ليـث مـن جـدود قديميـن=لهم بسبـق المجـد حبـل متينـا
من عصر عابر والجدود القحاطيـن=والطيب بحماهـم ولـه محتمينـا
تاريخ يعـرب والجـدود العريبيـن=بكتـب الأساطيـر القديمـه قرينـا
شمّ الأنوف مترفعين عـن الميـن=شمّـر علـى الشامـات مترفعينـا
عبده حمول الخيل ماهـم خفيّيـن=تاريخهـم بالكـتـب ياجاهليـنـا
بآل عبد الـرب والنسـب ساميـن=سماتهـم تسمـو بدنيـا وديـنـا
وصلّوا على الخاتم خيـار النبييـن=شفيعنـا يـوم الحسـاب المبينـا
الشاعر
عبدالله بن صالح بن فهد القفيعي الشمري
مطلق بن مشعل بن فهيد العواضي الشدادي
كان مؤظف كبير في ارامكو وتقدم بطلب التقاعد المبكر
واستلم مدير الأتصالات في البحرين وهو رجل غني عن التعريف
ولكم هالقصيدة :
أشكرك ياشبل من أشبال الشدَّاديـن=مطلق بن مشعـل حبـس الكمينـا
حيث إن مثله من رجـال مسميـن=ضياغم من ساس العـرب منتمينـا
لاذكرتهم بالشين صـاروا براكيـن=للضـد مخزيـن ولـه محرقيـنـا
على الأصايـل يعتلوهـن مجانيـن=يامـا يبيـن الـحـق للعارفيـنـا
ياحلّت القـالات بيـن الخصيميـن=خصيمهـم بعـد القسـاوه يلينـا
أمّـا يليـن بطيـب وألا بثنتـيـن=وألا بـذاك الحـد حـد السنيـنـا
على المراجل مـن قديـم وذلحيـن=ماهـم بسلـم جدودهـم مسرفينـا
أولاد ضيغم من خيـار السلاطيـن=مـن يـعـرب الأول متسلسليـنـا
فرسان بالدنيـا وبالفخـر والديـن=وبالحـق فرسـان حتـى يبيـنـا
عند الشدايـد ينتخـون الشداديـن=لسلـوم ضيغـم جدّهـم مجدّدينـا
علـى فعايلهـم نسـوق البراهيـن=حيـث إننـا نعلـم علـم اليقينـا
إن الضياغم هم أشبـال العرينيـن=عرينهـم يمنـع عـن المعتديـنـا
أربـع قبايـل حاربوهـم معاديـن=حرب على الأشهاد عبـر السنينـا
ضياغـم علـى المعاديـن قاسيـن=قاسيـن وقساوتهـم عيّـت تلينـا
ماينزلـون ألا بـروس الشياهيـن=حــرار دوم بالـعـلا معتليـنـا
فرسان نجد اللي تـدوس المياديـن=حماة الوطن حماة الضعن والضعينا
للجـار حاميـن وبدمّـه مثاريـن=مـن سبعـة الأفخـاذ ثـار ثمينـا
سبعة رجال ثمن جـار الشّدّاديـن=فخارهـم يسمـو علـى الفاخرينـا
لادارت رحى الحرب بين الحريبيـن=حريبهـم حبّـه تحـوّل طحيـنـا
أشبال ضيغم في صدور الدواويـن=بالقـمّـه العلـيـا متمركـزيـنـا
بين القبايـل آل ضيغـم عناويـن=مثـل الجبـال وتزبّـن الخايفينـا
ربع إبن مهرس عند نصب الموازين=ميزانهـم يميـل صـوب اليمينـا
عند الرمايه يضربـون النياشيـن=وبالمرجلـه والعـلـم متفوقيـنـا
ومدحي لهم بعد الفعايل هو الزيـن=والمدح مـن بعـد الفعايـل يزينـا
بالوعد وافيـن وللضيـف مقريـن=مايذبحـون ألا خـيـار السميـنـا
صديقهم يلقى السماحه مـع اللّيـن=باأقوالهـم وأفعالـهـم صادقيـنـا
ومطلق أبو نايف خذا الباع باعيـن=بالمنسـب الشريـف متنومسينـا
أبـو نايـف لاثـار فـك المخليّـن=اللـي بديـار الغـرب متورطينـا
أفعال ليـث مـن جـدود قديميـن=لهم بسبـق المجـد حبـل متينـا
من عصر عابر والجدود القحاطيـن=والطيب بحماهـم ولـه محتمينـا
تاريخ يعـرب والجـدود العريبيـن=بكتـب الأساطيـر القديمـه قرينـا
شمّ الأنوف مترفعين عـن الميـن=شمّـر علـى الشامـات مترفعينـا
عبده حمول الخيل ماهـم خفيّيـن=تاريخهـم بالكـتـب ياجاهليـنـا
بآل عبد الـرب والنسـب ساميـن=سماتهـم تسمـو بدنيـا وديـنـا
وصلّوا على الخاتم خيـار النبييـن=شفيعنـا يـوم الحسـاب المبينـا
الشاعر
عبدالله بن صالح بن فهد القفيعي الشمري