ديـــوان الشاعــــر ( محمـد بن راشـد آل مكتــوم )

[بنت زايد]

يا سحابهْ



يا سحابهْ قْدرَها فوقْ السحـاب=لا يصيبك باسْ يا بحر النـدى

تحت غيثك كل أنواع الشـراب=الحيا لاهلك وموت لمن عـدى

عذبه لجارك وللعـادي عـذاب=كم سقيت المعتدي طعم الـرّدى

يا يد فيها الشجاعه ما تهـاب=كل غالي لاجلهـا يعلـه فـدى

تحملين الضرّ عنـا والصعـاب=وتدفعين الضيم لين آخرْ مـدى

في سطور المجد خطّيتي كتـاب=كل حرفٍ فيـه بالعـز ابتـدى

كم مسحتي دمعةٍ تشكي مصاب=وكم رحمتي من له الضرّ اهتدى

من كريمٍ يملك قلـوب ورقـاب=كلّ صوت يصبح لصوته صدى

تختلف لاراء على أمر الصواب=بس عنكم تتفق حتـى العـدى

إنت زايد إنت الأول والمجـاب=وانته الحامي إذا خـوفٍ بـدى

الشعر يرفع لذي مالـهْ جنـاب=والشعر يخفض عزيـزٍ سيّـدا

بس مع زايد تغيرّ في الحساب=لأن باسمه الشعر عزّ ولهْ شدا

لك تغني لى يزينهـا الخضـاب=ويعلك السالم ْعلى طول المدى

[بنت زايد]

اشقر على أشقر




اشقر على أشقر مثل ما الحر لاشقر= يجمع معاني الزين كامـل معانيـه

متميز بالوصـف مخبـر ومنظـر= اجمل وصوف الحسن متجمعه فيـه

افرح بشوفه لـى جمالـه مصـور= والقى منى عمري إذا امـا ألاقيـه

وإذا اشوفه كـن جسمـي مخـدر= ويدق قلبي كـل مـا مـر طاريـه

يا عـود ميـاس بحسنـه تخطـر= هزه هوانا ثـم تثنـى مـن التيـه

ان قلت هانت زاد في قلبـي اكثـر= صاح الصويب ولا سمع من يلبيـه

الله واكبر كيـف العيـون تسحـر= وكيف الهداب اتصوب اللي توديـه

لو هو جرحني في الـوداد وتعـذر= صويب سهم مالقـا مـن يداويـه

[المستحيلة]

هاتي المزيد ... فلم يزدنا شعره الاعطشا لما بقي ..

[بنت زايد]

الأم




مهمـا اللّيالـي تـدور = حبّك ترى في الصّـدور

إنتِ يـا بـدر البـدور = لك كلّ حُـبّ وشُعـور

يا أمّنـا يـا الحبيبـه = يا الغاليه يـا القريبـه

إسمِك بقلبـي وجيبـه = في غيبتك والحضـور

أنْتِ يـا نَبـع الحنـان = بيـت الدّفـا والأمـان

لو بـارْ بـيّ الزّمـان = ما ظـن حبِّـك يبـور

دايـم بطيفِـك أهَلّـي = عايش معي مثل ظلّـي

لى شوفته مـا يملّـي = إن مَرّ طِيفِـك يـزور

أحسّ بك فـي فـؤادي = في صحوتي وفي رقادي

حبك ما هو شيّ عادي = دايم ومـا لـه فُتـور

[بنت زايد]

مرحبا بج يالمستحيلة ,, وفالج طيّب غاليتي ..

[بنت زايد]

في عيونك




في عيونك ودّ وصدود ورضـى = وفي اللواحظ شفت نظرات العِتَاب
شفت سهم الموت فيهن واختفى = في ضميري يوم ضيعت الصواب
لاتعاتبني علـى شـيء مضـى = تِسْمَح الزّلات تِجْـزى بالثّـواب
بك أنـا آمنـت وبحكـم القضـا = كل شي يكون توجد لـه اسبـاب
يـا حبيبـي بيننـا ود ّاوجـفـا = فـي محبتنـا تبادلنـا الـعـذاب
مـن يعالـج لا طبيـب ولا دوا = ولاخبير اختص في طبّ الاعشاب
كم أحاول ثم أحـاول فـي اللقـا = وأحاول ثم أحاول فـي اقتـراب
الصَّدى عنّي ولا عنكـم صـدى = من يردّ الصوت وحضوري غياب
آه واعـزاه مـن جفـنٍ جـفـا = جَرّ سهد النوم عن عيني وغاب

[بنت زايد]

ليلى




ليلـى عـن الـود مختـاره تجافينـا = يا وقت ليلى سقا الله عهـد غيّاتـك
الريـم عقبـك يريّحـنـا ويغليـنـا = وعند اكحل العين عوّضنا خساراتـك
يا من لحسنهْ زمـانْ الوصـل لبّينـا = يوم الهوى كان من فنّـك وخدعاتـك
كان الصبا فيك فتنـه والعشـق فينـا = مثل المحامي يدافـع عـن خطياتـك
زاهي جمالك سبانـا وكـان يشجينـا = بالسحر من حسن طرفك وابتساماتـك
قلبي الذي كم خدعته في الهوى اسنينا = ما عاد يقبـل دموعـك واعتذاراتـك
من بعد ما خنتني وارخصت ماضينـا = حاولت لو بالعفـو سمحـان زلاتـك
كفايـةٍ واعتـرافٍ مـنـك يكفيـنـا = عن لا تحاولْ تعيد الوقت لـى فاتـك
دع الايّـام تحكـم بـيـن لاثنيـنـا = ومسير الوقـت يتحكـم علـى ذاتـك
سعينـا بالوفـا لكـنّ مــا ريـنـا = علـى صـادق هوانـا باتجاهـاتـك
فـلا نوفـي لمـن لا كـان يوفينـا = ولا نمشـي علـى طبعـك وعاداتـك
اليـوم جينـا بعـدلٍ نطلـب الدّنيـا = سدّد حساب الشقا من دفتـر آهاتـك
ولّـى زمانـك وعـن حبّـك تخلّينـا = وخَرَّت على الأرض بعد العزّ راياتـك
ما عاد تفجّـر فـي قلبـي البراكينـا = حمرة خـدودك ولا مقـرون حيّاتـك
لو كنت أنت الطبيب اللـى بيشفينـا = لنفضّل العوق عن نحتـاج وصفاتـك
هيهات نسمح لعذرٍ لـى بـه اتجيينـا = من عقب ما خنت خسرانه قضيّاتـك
لا تحاول اترد ماضـي لـه تناسينـا = يكفيك أنّـا سكتنـا عـن مجازاتـك
على هامـاتْ سحـب المجـد علّينـا = بعيدين المـدى عـن حـدّ نظراتـك
تصافينـا ولـكـن مــا تصافيـنـا = وعيد احساب نفسك فـي كشوفاتـك
وداوي جـروح روحـك لا تداوينـا = أظنّ أكبـر عـن امّابـي إصاباتـك

[ناصر مرزوق]

في عيونك ودّ وصدود ورضـى
وفي اللواحظ شفت نظرات العِتَاب

الولة
يعطيكي العافية ويسعدك ربي
لقد استمتعنا بما كتبتية من شعر
الشاعر
محمدآل مكتوم

[البرنس]

قصائد تطرب الاسماع من
شاعر الخليج الشيخ / محمد بن راشد آل مكتوم
لونا نرجو طرح المزيد من هذه القصائد الرائعه
وأشكرك كل الشكر على هذه الفكره

[الشامخ]

قصائد لها قوة في المعنى
جزالة في الابيات
نظمها بدون تكلف
تشكرين لونا على نقل لنا مثل هذه القصائد
ونطابك بجلب المزيد من تلك القصائد الرائعة

[عبدالعزيز عايض]

الله يعطيك العافيه

يالونا من اجمل القصايد

[بنت زايد]

ناصر مرزوق
البرنس
الشامخ
ابو عزة


شكــــــرا لتواجدكم .. وفالكم طيب بالمزيد من روائع بو حمدان ..

[بنت زايد]

شــبــكـنـي




شبكني عين مجلود الخصر نجدي = وروحي منه كن الموت يغزيهـا

وبحر الشوق فيه الجزر والمدي = وتيار الهوى والمـوج يطويهـا

وجودي في المحبة كل ماعنـدي = ترى الأيام تفعـل ماتشـا فيهـا

غصون الورد تتعانق من الوجدي = وتتفـارق إذا جفـت سواقيهـا

أنا لي حد متعـدي علـى حـدي = حدود الغير مانطمـع بأراضيهـا

ولو شفت الورود الحمر بالخدي = حنين الشوق من لمسي يغذيهـا

آلا يامفردٍ بالزيـن هـل يجـدي = إذا غذيـت روحٍ انـت واليهـا

كلام العـذل لاياخـذ ولا يـوّدي = ولا يخلف المودة عـن مباديهـا

إذا داريت روح الحـب يامـودي = ملازيم الوعـود الصادقـة فيهـا

تحول أحوال في الترحال والشدي = ودنيا الناس ترسى في مراسيهـا

ضجيج الشوق خلى البلبلي يشدي = يجر الصـوت بالحـان يغنيهـا

[بنت زايد]

مـــــدارات




يبتسـم لـي كلـمـا دار الفـلـك=بدر لي وحـدي إذا أسـري ينيـر

ساطيٍ حبّـه علـى قلبـي شبـك=لـه أنـا الأول وباتـم الأخـيـر

يسعده شوفـي ولـو ذاق الضنـك=حافظٍ عهدي وبي وحـدي جديـر

ولي صديقٍ للظبي ناصـب شـرك=يحسب أن الظبي في أمـره غتيـر

البـراري يـا صديقـي تجهـلـك=والبراري منهج الشخـص الخبيـر

روح نـام وفـي خبـاك ومدهلـك=واكمل الراحات في غبـط السريـر

يوم جن الليل والداجي حلك = ويوم بعض الناس ضيّع في المسير

فـي مـدارات الكواكـب والفلـك=والنجـوم الساريـات لهـا نظيـر

لا تحاول فـي لحـم ماهـو إلـك=ولا تمد ايديك شـروات الضريـر

والمعانـي بالتـجـارب تنمـلـك=وحد منهـا مغتنـي وحـدٍّ فقيـر

من خبـر غابـه ولا فيهـا ملـك=والأسـود تسـود والسايـد كبيـر

إسـأل العـرّاف اللـى يجهـلـك=قبل توقع في وسـط هيـمٍ غزيـر

كيـف تفكيـرك لهـذا وصّـلـك=والـذي ماحـس ماعنـده ضميـر

وان جهلت وقـل عرفـك ضلّلـك=ليس عيب في العرب أن تستشيـر

لا تدوس بدرب مـا عمـره سلـك=ميّز وخلّك علـى المعنـى حذيـر

وارفع شراعـك إذا حيـدك بـرك=هوب من كل اشمعه يشبـع بعيـر

لا تسيـر بليـل فـي درب الهلـك=ولاتظن الزين يفرش لـك حريـر

مـا تميّـز مـن بنانـك مفصلـك=وعن ذراعك الايسر الأيمن قصيـر

يـا الليالـي العاتيـه مـا تمهلـك=والجفـا مابـه شفيـع ولانـذيـر

هوب كل الخيـل نقـوات الرّمـك=وهوب كل اللى لـه جنـاح يطيـر

وكل طيـرٍ قوّتـه إن هـو مسـك=حسب حجمه حر أو وكري صغيـر

شوف .. والدمّي ترى يصيد السمك=وشيفته جارح لمـن ماهـو خبيـر

ويقنص البـذوار ويصيـد الحلـك=والثعالـب تقنـص الديـك الكبيـر

والحيـاه حظـوظ هيـه توصّلـك=وكم يردّي الحظ من شخصٍ خطيـر

صادك الفخ الـذي مـا لـه فكـك=شبكة الحر الـذي بصيـده بصيـر

والذي حاين وعوقه فـي امحـرك=يخبره بقرب الأسد صوت الزئيـر

[بنت زايد]

أمــنـيــاتــي



أمنياتـي يـا مجيـب الأمنياتـي=أن توحّدنا على الراي الخطـوب

نحن كنا أمّـة ٍصـارتْ شتاتـي=وحقنا من ضعفنا اليوم امغصوب

نحن شعبٍ واحدٍ رغـم العداتـي=كيف اصبحنا من الفرقهْ شعـوب

صار ماضينا المشرّف ذكرياتـي=عن بطولات وزعامات وحـروب

كيف حلّـت بالعروبـهْ النايباتـي=وكيف تتفرّق بنا اليوم الـدروب

آه يا مجد العصـور الزاهياتـي=صرت حسره في قلوبٍ لك تذوب

لا تقولواعزّنـا والمجـدْ فاتـي=وان شمس العز مالـت للغـروب

في توحّدنـا تكـون المعجزاتـي=يوم عن خلفٍ وعن فرقهْ نتـوب

التسامحْ والعفـو فينـا صفاتـي=في هدى القرآن م الدين امحسوب

يا أخونا في الكويت وفي الفراتِ=يا عربنا في الشمال وفي الجنوب

كان زايدْ لى دعانـا فـي ثباتـي=دعوة ٍمن عزمها تحيـا القلـوب

اسمعوا زايـدْ وخلّـوه السّباتـي=هو دعانا عـن تفرقنـا نثـوب

من تبعْ زايدْ فيبشـر بالنجاتـي=تبعْ زايد واجـبٍ كـلّ الوجـوب

[بنت زايد]

سرب المعاني



سرب المعاني تعلّت في السما طيـوره=وحلّت على ديرةٍ فيها الحيـا (زايـد)

ويوم الليالي تسائل عن سنـا نـوره=أشرق عليهن بوجهه المصلح الرايـد

الجود يهـوي كفوفـه طايـعٍ شـوره=يعطي ومن عقب يعطى للعطـى عايـد

أنهار عشرٍ جـرت بالخيـر مذكـوره=ودارٍ بها انهار عشـرٍ خيرهـا وايـد

شعبه هم أهله وماله في العرب جـوره=حامي حمى المجد عز الدولـة القايـد

ما حس بالفقر شعبه مكرم أحضـوره=وياما شعـوبٍ تلاهـث حيلهـا بايـد

يا كم تمنّـت عـداة تكـون ماسـوره=عنده وتحظى بعفـوه لـى لهـا فايـد

هل هو بشر أو بحر له م البشر صوره=يا ذا الملك هو ملك في طيبـه الزايـد

الشمس والبـدر والأفـلاك معـذوره=أنهـا تمنّـى مكانـه حالهـا كـايـد

في يوم عيده جميع النـاس مسـروره=وكـلٍّ لزايـد بيـوم الفرحـه ايعايـد

[بنت زايد]

ياحلاة اللي نظرته




ياحلاة اللـي نظرتـه ياحلـى=من جماله يبهر الكون العظيـم

جل من صور وسبحانه عطـى=الجمال اللي بـه العالـم حليـم

قلبي بحبه وعن غيـره ابـى=موهبه من عندي ليلاه الكريـم

إن تكلـم بالهـداوه مهـذبـا=يبتسم كن الخلـود بهـا نعيـم

لا ولا خبر لفانـي مـن سبـا=يحمله عاجنح الطيـر الحكيـم

م اليوازي مثل مفـرود الظبـا=بالجمال وعازل الصوت الرخيم

كم جنيت ونلت من صبري هبا=حيلتـي لله مـن لـي يانديـم

وكم مشيت وذقت ملموس الحفا=قارص الرمضا وحفيان الحميم

ثاير العسجد على غصن الصبا=والعساجد في سوالـي ياهميـم

إن عطيت الجيم مني لك نبـا=وان عطيت الكاف كافي يافهيم

[بنت زايد]

ياغيث ياليث




أطلقت سبق الكلام وإنت تدري..بـي=أنّي إذا حانْ الكلام أنـوّع ..أنغامِـي
حلواتْ معنى ولا فيهـن ..عذاريبـي=يصوغهـن باقتـدارٍ صايغ..إلهامـي
سرى عليهـن بليلـهْ سرية..الذيبـي=صيّاد ما خـاب دايـم مخلبهْ..دامـي
لـو لبّسوهـن عقـودٍ ..للغراشيبـي=تاهن على الغيدْ في ملبوسها..السامي
ومن يقدر ايجيب وصفك م الأعاجيبي=وصف السما والمطر والموج..لطّامـي
ملكتْ كـلّ المعانـي وحدك..تصيبـي=إذا المعانـي تجلّـت كنـت قـدّامـي
يا أوّل الناسْ فـي عالي..المراتيبـي=ومن دونك الناسْ حاكم فوق..حكّامـي
يا غيث يا ليثْ يا خـوف ويا..طيبـي=يا ماء يا شمس يا متلف ويا..حامـي
كذاك فعـل الضـواري يا..معازيبـي=كلّ الجوارحْ علـى مفروسه..العامـي
يا زايد وإسـم زايـد وحده..ايثيبـي=يكفي عن الجيش بالرايه..والاعلامـي
لـولا احتمالـك وتذليل..المصاعيبـي=دولة الإمارات كانت بعض الاحلامـي
إنته لنـا العيـد فرحات..وتراحيبـي=وايّامنا بـك أعيـاد طـول الايّامـي
وعيد الجلوس الذي طيبه على..الطّيبي=كان البدايه لمجـد وعـز ..وانعامـي

[المستحيلة]

وهذه قصيده موجهه للشاعر خلف بن هذال
بيحت له سدي ولي باح سده = وسالت عن معنى له بعرف دونت
عن صاحب بوجهين ضد وضده = فيه الشرا والبيع ان هان بك هنت
امسود وجهه ولكن توده =على سواد الوجه لي فيه ماشنت
معنى بعثته للذي نستعده =الى خلف ماللي لعرفه تطمنت
نهدي لابن هذال معنى يرده =ياما لمعنانا بفهمه تعاونت
لي ماتحله انت مايحل عقده=وعلى الذي تدعيه ياكم امنت

[المستحيلة]

وهذه في الشيخ زايد رحمه الله


عيبك تحرض بين هذا وهذاك =بالخير ..والله في المساعي مشيبك
وعيبك شحيح ما تفرط بمن ياك = لا لا ذ بحماك وفي الوغى يعتزي بك
وعيبك صريح صادق من عرفناك = اسناد للي شح الزمن نحتمي بك
وعيبك تحب اتخدم غيرك بيمناك = وتنبي شبابك والمعالي طليبك
وعيبك لك التاريخ يشهد وسماك = زايد .. وزودك للوطن يغتني بك

[عبدالله الشدادي]

رووووووووووعه الله يعطيك العافيه

لونا الشاعر محمد ال مكتوم من ابرز شعراء

الخليج الف شكر على القصايد الراااائعه

[عـــلاوي]

ما شاء الله تبارك الله
قصائد ولا ارووع من الشاعر الشيخ : محمد بن راشد أل مكتوم
يعطيكي العافيه اختي لونا
ونحنو بانتظار المزيد
يعطيكي العافيه .

[خالد الحارثي]

لونا

تشكرين على هذا الجهد الطيب والمميز طبعاً

قصايد فيها السهل الممتنع

والشيخ / الشاعر محمد بن مكتوم

معروف بالعشر الجزل

تحياتي

[بنت زايد]

المستحيلة
شكراً لإضافاتك عزيزتي

[بنت زايد]

عبدالله الشدادي
عطوووور
خالد الحارثي


الشكــــــــــــــر موصول لكم على تواجدكم الجميل
والروعة تكتمل بحضوركم أخواني

[بنت زايد]

قدر القمم الشاهقة أن تتقاسم الشموخ في عليائها ...
فلا شك أن صاحب السمو الشيخ محمد بن راشد قد عرف فقيد الوطن أكثر ..
فأحبه أكثر ..
لذلك كان الأكثر حزناً عليه ..
ولذلك جاءت قصيدته في رثاء الشيخ مكتوم بن راشد أغزر مزناً , وأمهر وزناً وأطهر حزناً ..
هنا شامخ يحدث شامخاً , حيث لا حاجة للصخب أو المبالغة بل ليس ثمة داعٍ حتى للجهر ليتصل الحديث أو ليصل ..
هنا شقيق يرثي شقيقاً وحاكم يفتقد حاكماً وحكيم يتوجّد على فقد حكيم
هنا وجد ومجد ..
هنا شعر ومشاعر ..
هنا قصيدة من القلب لا وجهة لها إلا القلب ..



بيت السمـــــــا



شعر :

صاحب السمو الشيخ
محمد بن راشد آل مكتوم



السّما مَطْوَايةٍ في ثوبْ خامْ = والتراب أمسى وهو بيت السما

من قبلنا غسل بحور بغمام = ومن يكفّن سبع متخضب دما

ومن مثلنا يدفن الشمس وينام = وما يخاف الكون لحظة يظلما؟!

يا غلا (مكتوم) ساطي في العظام = فوق حد الوصف واغلى واعظما

من عليه بشوقنا نرد السلام = وهوه من كنّا عليه نسلما

إن بكى مثلي ع مثله ما يلام = سيّد بلادي ومن يحمي الحمى

النهار اللي نعده للظلام = ما تشوفه عين وتشوف العمى

إبتسامة به تشرّف الابتسام = وعادته وقت الخطر يتبسما

والمهابة والقدر والاحترام = دوم في صوته إذا يتكلما

يا حزامٍ به يشدون الحزام = ويا حسامٍ للعظايم يحسما

ويا إمام ودام مسيره أمام = منهجه جـِدّام ع المتجدما

والحصن لي به يكون الاعتصام = بالعدل حكمه على من يحكما

كنت أحس اليوم من فرقاك عام = واتصل بك كل يوم مسلما

وكنت إذا تضوي المواعيد الجسام = إنته حلال العقد والملهما

ويوم تخلف من عطاياها الكرام = انته ما تخلف إمعطاك مكرما

بعد مجد وعز وافي ع التمام = منه أهل المرجلة تتعلما

السما مطوايةٍ في ثوب خام = والتراب أمسى وهو بيت السما



صــــــــــــــــــح لسانه بوحمدان ...
ورحم الله فقيـــــد الوطن الغالي أبونا مكتوم ...



"القصيدة نشرت في مجلة جواهر الشعرية"