المساعد الشخصي الرقمي

مشاهدة النسخة كاملة : منوّل طوارينا مع البدو تنشاع .. فايح الذيب


فيصل بن مهرس
26 Dec 2013, 08:43 PM
السلام عليكم ورحمة الله وبركاته ..

قصيدة للشاعر فايح الذيب البديواني الشدادي ، حينما تذكر الماضي وأهله وجماعته وفراقه لهم رحمهم الله جميعاً :


أقنب كما ذيب المسابع ليا جاع = والبدو عنه مبعّدين المراحيل
ذيب الجنوب اللي ورى ديرة سباع = عند السحر يقنب بروس الأقاذيل
على بني عمي تقافوا بالإسراع = ونسوانهم راحوا بعدهم مراميل
وخوالي اللي من تحت خايط القاع = وعمّاني اللي يتعبون الرياجيل
وربع ٍ حموني من قصيرين الأبتاع = نايف وعبدالله ليا سمعوا القيل
عقب الذرا كني على رأس ملواع = من عقب فقد مزيّنين التعاليل
منوّل طوارينا مع البدو تنشاع = نرعى الوسوم مع الأدام المغازيل
وندفع مجاهيم ٍ محالبهن الصاع = ونرعابها عشب ٍ زهوره مكاثيل
واليوم صرنا مثل وجعان الإصباع = اللي عطوه من المشافي تحاليل

نايف : نايف بن شدا بن عايض الشدادي رحمه الله
عبدالله : عبدالله بن باين بن جربان الشدادي رحمه الله

بنت النشامى
26 Dec 2013, 08:51 PM
الله يرحمهم ويسكنهم فسيح جناته
ولاهنت أخوي على الإيراد
كل الشكر والتقدير

نورة
27 Dec 2013, 12:27 AM
الله يرحمهم
ويسكنهم
فسيح جناته
ويغفر لهم

اجمعين
لك شكري وتقديري

أهل الحرقاء
29 Dec 2013, 12:30 AM
رحمهم الله جميعاً

وشكرا لك يابن مهرس على إيراد القصيدة

تقبل مروري
أهل الحرقاء