المساعد الشخصي الرقمي

مشاهدة النسخة كاملة : قصيده في ملتقى الشدادين الثاني


مجدي الشدادي
15 Feb 2014, 07:01 PM
قصيده في ملتقى الشدادين الثاني تحت ضيافة الشيخ / صايل بن شرار المهرسي الشدادي .
للشاعر : زايد بن سعود بن لواح البصيصي الشدادي .

بسم الله المعبود في مبتدانا
ابدا بذكره قبل قول الثماثيل
لصار في بدع المثايل سرانا
نبي نعدل الميل ونوفي الكيل
نسعى لوقفتنا ما تقصر خطانا
وصعب الامور نحلها بالتساهيل
عن اذنكم ي شيوخنا وأومرانا
ي لاد مهرس ي القروم المشاكيل
وعن اذنكم ي درعنا ي ذرانا
ي الاد شداد الرجال الحلاحيل
تكفون لا تضحك علينا عدانا
ونروح علكه في حلوق المهابيل
تاكتفوا والله يحقق منانا
ونظارتنا دايم على الجدي وسهيل
حنا ليا منا نوانا نوانا
ما همنا قولت هل القال والقيل
والا همنا منهو طعن في قفانا
هرج القفى ما هو سلوم الرياجيل
قامت تخاطفنا يدين احددانا
وحنا ما فينا واحدً بارد الحيل
حنا عن الزلات تكرم لحانا
حقوقنا من دونها نسهر الليل
نمشي على وضح النقاء في هوانا
ونحسب حسابً لليال المقابيل
ونارد ونأخذ من مكاسب يدانا
ولا نتبع المقفى والا نرجي بخيل
نمشي قدم والي ورانا ورانا
نظراتنا تسبق عيون الدرابيل
واليا تفخرنا بهاك الزمانا
يوم الرجال تجول بم المفاتيل
راع البويضا يوم فيه انتخانا
ذبح عشيق أم الرموش المظاليل
واليا دعينا بسمنا واعتزانا
نرد عبسات النياق المشاميل
دخلينا يأمن ﻷجاء في ذرانا
وعدونا نرسل عليه الغرابيل
حنا ترى بفعولنا ما غوانا
هذا كلام الصدق مافيه تمثيل
نزرع ونجني زرعنا لابغانا
والا خير من يزرع بليا محاصيل
هذاه ورث جدودنا سلم ابانا
هجانت الحرشاء وعسافت الخيل
وأن كان ماجاء الصدق في محتوانا
تعقبني الدله وصاف الفناجيل
وما دام هقوتنا على مستوانا
ما همنا الوادي ولو جاء معه سيل
بفعولنا وأقولنا ما أنتهانا
ولا يحصئ التاريخ كتب ومساجيل
ويالله نطلب رحمتك وتهدانا
وتغفر لنا يوم الحشر والتهاويل

السلطان
15 Feb 2014, 07:11 PM
ونعم والله بزايد وبكل ربعه الشدادين
صراحة القصيدة من أجمل وأروع القصائد الحماسية
وله الحق أن يفخر بربعه الشدادين
والله يبيض وجهه ووجهك يا أبو معيض

بندر النايف
15 Feb 2014, 08:28 PM
قصيدة فخر ومجد وحث على الترابط بين ابناء القبيلة في كل مايخدم
الدين ثم الوطن والقبيلة ...

قصيدة جزلة من شاعر جزل صح السانه ..
في قبيلة عريقة ادآمها الله عزيزة بدين الله ثم بهمم ابنائها في كل مجال صالح ..


شكراً مجدي

بنت النشامى
15 Feb 2014, 08:57 PM
لاهنت أخوي
على الإيراد الجزل
كل الشكر والتقدير لك