عرض مشاركة واحدة
قديم 31 Jan 2007, 01:17 AM [ 5 ]


تاريخ التسجيل : Jan 2006
رقم العضوية : 843
الهواية : تسلق المرتفعات والتنزه في الأدغال
مواضيع : 109
الردود : 3187
مجموع المشاركات : 3,296
معدل التقييم : 25بدوي فاهم is on a distinguished road

بدوي فاهم غير متصل




عادة الرجال رغم المصاعـب مايميـل =السماء كثر السحب مايغطـى نورهـا
والوفي لاجل الوفـا مايذلـه مستحيـل=والثقه بالنفس حصن الرجال وسورهـا
والعنا والياس والناس والدرب الطويـل=وامنياتي والامـل والسنيـن وجورهـا
عشتها عاصرتها كانت الضيف الثقيـل= ابتسمتلهـا لقيـت الوهـم دستورهـا
قلت في نفسي لنفسي لك الصبر الجميل= انتظرت وعانت النفس بعـض امورهـا
احترقت من الغضب طال صمتي مت ويل =حتقرت الكل لمت السنـه وشهورهـا
ان شكيت ايامي السود ماعنـدي دليـل=وان عصيت النفس فالنفس تلعب دورها
قلت برسل الدمعه او شي من هذا القبيل= اقدر اخفف لهيـب الالـم بضهرورهـا
وجيت راجع حافي الرجل معدوم الحصيل=ماجنيت الا حيـاة النكـد وعصورهـا
حسبي الله خانت العهد والحـب الكفيـل=با الحياة اللي يفوح الشـذى بزهورهـا
تحسب اني يوم قابلتهـا عابـر سبيـل=واستمعت لقولها واحترمـت شعورهـا
بالها بايع نفسي لها با الكثير او القليـل= او تنزل من مقامـي بريـح عطورهـا
لا ورب البيت لو تحتضن نجمة سهيـل=بيدهـا وتفجـر اليابسـه وبحـورهـا
مستحيل تخلي شاهين في يدهـا ذليـل =الضعيفـه ماتـذل الوفـي بغـرورهـا
والشموخ وعزة النفس عندي كا لنخيل =لو تموت تموت بشموخهـا وجذورهـا
اقدر اشعل داخل النفس والواقـع فتيـل =واقدر انهي غاية النذل قبـل ظهورهـا
لعنبو من يقبل الذل لـو يبقـى عليـل= الحسد واهل الحسـد كيدهـا بنحورهـا
عادتي مامـد يـدي مـع يـد البخيـل=ولا استمع حكي العواذل ولا اخذ شورها
والوفي يبقى وفي والذليل اصلـه ذليـل=والكرامه عند الاجـواد تلعـب دورهـا


من اختيار الأخ : الوافي

توقيع : بدوي فاهم
الأعلى