عرض مشاركة واحدة
قديم 31 Jan 2007, 01:51 AM [ 21 ]


تاريخ التسجيل : Jan 2006
رقم العضوية : 843
الهواية : تسلق المرتفعات والتنزه في الأدغال
مواضيع : 109
الردود : 3187
مجموع المشاركات : 3,296
معدل التقييم : 25بدوي فاهم is on a distinguished road

بدوي فاهم غير متصل




قلبٍ تعنّا له ,, وقلبٍ عنا لك = والفرق شاسع بين عنوه وعنوه
جيتك وأنا ما ودّي إلا وصالك = وأنت الذي بين المخاليق نقوه
أنا بدونك ما بها شك هــالك = وإلا معك دنياي يا زين حلوه
ودّي أنا اسكن يا حبيبي خيالك = وما ابي أعكّر جو فكرك وصفوه
لو قلت أدوّر يا حياتي بدالك = من هو يسد فــ خانتك ,, وأنت منوه
أنا وقلبي والمشاعر حلالك = ويوم انتخى قلبك ,, لقى فيّ نخوه
واللي خلق زينك وصوّر جمالك = كنت أحسب إن الحب في القلب نزوه
لين افترقنا واصبح الليل حالك = من ظلمته والشـــوق لا شـــك بلوه
تبي الصراحة ما قهرني دلالك =لان الدلال يزيد في القلب نشوه
اللي قهرني زلةٍ في مقالك =وهي زلة لسانك عن ألفين هفوه
يا كيف أبقوى بس ( ربع ) احتمالك = وهقوتك فيني ماهيب أيّ هقوه
أحلف بربي ما قدرت أتمالك = نفسي ,, واشوفك صايرٍ فيك قسوه
يا صاحبي تبغى جواب لسؤالك = دامك معي ماعاد أبي أي ثروه
لو يجحدك عمك وجدك وخالك = لاصير لك دون المخاليق عزوه
خذ الكلام اللي تحطه في بالك =(( ما خاب من هو يعشق إخوان بدوه ))

اختيار الأخت : المنال الصعب

توقيع : بدوي فاهم
الأعلى