عرض مشاركة واحدة
  [ 1 ]
قديم 21 Oct 2007, 02:30 PM
شاعر

عيد الشدادي غير متصل

تاريخ التسجيل : Nov 2005
رقم العضوية : 627
الإقامة : saudi arabia
الهواية : [].. اقتناص الافكار..[]
المشاركات : 21,172
معدل التقييم : 478
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
مرثيه في سفر بن حمد الشدادي



اخواني الاعزاء اسعد الله اوقاتكم بكل خير ....اما بعد

اطرح بين ايديكم هذه القصيده وهي مرثيه وقلتها عندما قتل

خالي سفر بن حمد بن عويد الشدادي

اسال الله ان يرحمه رحمه واسعه ويسكنه فسيح جناته



البارحه دمعي على الخد همال=وجروح قلبي زايداتٍ عليه
دمعٍ بعد فرقا الشجيعين سيال=وهموم قلبٍ كل ابوها قويه
ابكي شجيعٍ راح بيدين الانذال=راح بيدين اهل الدنس والرديه
راح الذي لاقال يثبت بالافعال=ودايم علومه كل ابوها طريه
رجال لايمكن يبدل برجال=ولاشفت بين الناس رجلٍ حليه
خالي سفر نسل الصناديدالابطال=راع الشجاعه والكرم والحميه
رجلٍ شجيع ولا يحسب لا الاهوال=ودايم يدوس اهل الردى والخطيه
ياخالي انت اللي للاثقال شيال=وانت الذي دايم تقود السريه
وانت الذي يحمي كلامه ليا قال=وانت الذي بعدك حياتي شقيه
وانت الذي لامن وقت العنا مال=نارك على الطالات ياخال حيه
ياخال لو الموت ينرد بالمال=لارجعه قدام يوم المنيه
لكن قدر ربي على العبد نزال=يجيه وهوه ماكتب له وصيه
ينزل على المخلوق لو الزمن طال=وياخذ حياته والسنين الهنيه
ياخال بعدك خاطري صابه هبال=مغير اسج الرجل صبح وعشيه
امشي مع الاجواد وهمومي ثقال=والحال تعبت والليالي مديه
والحزن في قلبي له اقفاي واقبال=والصدر ضاق ودمعه العين هيه
همٍي على قلبي رسى كنه جبال=رسى كما ترسي الجبال الرسيه
والنار في قلبي بدت تشعل اشعال=تشعل من اسباب السنين العصيه
نمشي بها الدنيا على كل موال=ونبكي على الغالين واهل الوفيه
دنيا مصايبها من الجال لاالجال=وهمومها دايم تجيب البليه
ياخال هذا الوقت ظالم ومحتال=ياخذ رجال الطيب والمقدريه
بعدك قلبي جاه ياسٍ وغربال=واصبحت اسير في الديار السنيه
لو المنيه تنبدل بين الاجيال=لاعطيك روحي يالسنافي فديه
وافداك ياراعي الوفاء والتجمال=ماهي حسافه يازبون الونيه
لكن ياخالي اخذ علم رجال=حرام دمك مايروح هديه
مافيه لا ملفى ولا فيه معدال=الا الرصاص اللي تقادح شظيه
والسيف ابوحدين للروس شيال=وهو الذي بيرد علم القضيه
وصلاه ربي عد ماخيل خيال=على نبيٍ مامشى بالخطيه

اخوكم الغربي


توقيع : عيد الشدادي
بيتي مشيد في قيا للمناعير=وانا على بابه وارحب واهلي..
افخر بمقدوم الوجيه المسافير=مادام قدري فالزمان امتعلي..
.
.
.
.
.
.
الفقد ..ماهو فقد من غاب يومين=الفقد والله فقد شخصٍ توفى
فارق وخلى من يحبه من سنين=ياموت هد شوي طالبك تكفى
.
.
عيد الشدادي

التعديل الأخير تم بواسطة عيد الشدادي ; 21 Oct 2007 الساعة 06:19 PM

رد مع اقتباس