عرض مشاركة واحدة
  [ 1 ]
قديم 23 Dec 2008, 09:14 PM
عضو متميز

خيال الشدادين غير متصل

تاريخ التسجيل : Nov 2007
رقم العضوية : 4435
الإقامة : saudi arabia
الهواية : المقناص + الرياضة + الكمبيوتر
المشاركات : 17,270
معدل التقييم : 881
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
قصيدةالصلح بين سبيع وبني الحارث للشاعر ناصر الحارثي



بسم الله الرحمن الرحيم
لفد كان للجاهية التي قام بها المحسنين من اهل الخير و شيوخ القبايل بين بني الحارث وقبايل سبيع ردود فعل طيب في كل من حضر ذلك اليوم المشهود في الخرمه عندما الفوا قبايل بني الحارث ومن رافقهم من القبايل على قبايل سبيع يطلبونهم بالعفو والسمحان عن ابنهم ( دبسان محمد الحارثي ) وستقبلوهم كالعادة بالطيب والترحيب المعروف عن قبايل سبيع والذي عقبه عفو والد المقتول عن قاتل ابنه فرحم الله ابنهم وعوضهم الله الصبر والسلوان
وبيض الله وجيه قبايل سبيع الغلبا على مفعلوه وهذا ليس مستغرب عليهم
يالله يامن لا الهٍ غيرك= ياحي يامعبود ياقيوم
يافالق الاصباح من عقب الدجى=تفني جميع الخلق وانت تدوم
سبحانك اللهم وبحمدك=يامغشي اعبادك نعاس النوم
ياباعثٍ من فالقبور بلحظه= بلحظةٍ يذهل بها المفطوم
وبها تضع كل الحوامل حملها=والخلق كله منذهل مصدوم
ياكاسيٍ دق العظام بلحمها=ابقدرتك ياخالق المعدوم
يامنشيٍ دهم السحاب وغره=متلاقحه برق ورعد وغيوم
ياعالمٍ غيب الصدور وجهرها=يامن نصوم لطاعتك ونقوم
بسمك بدينا وانت خير المبتدا=يافارج الكربة عن المهموم
تدلنا للحق فانت الهادي=وتجعل لنا فالطيبات اقسوم
وتقضي حوايجنا وتصلح شاننا=وتقسم لنا من خيرك المقسوم
وتختم لنا يالله بعلمٍ طيب=لاغرغرت الانفس في الحلقوم
من بعدها والعلم خيرٍ وهدى=العلم خير وياعساه ايدوم
نبدا بعادات القبايل لنا=نمشي على العادات والسلوم
حقٍ علينا نبتدي التسليمه=ونعمها لـ اللابة القروم
ياسبيع يالغلبا سلاما منا=منا عليكم ياخيار القوم
تسليمة كالعود الازرق واطيب=امعطره بالمسك واليشموم
تهدى عليكم ياسبيع الغلبا=ياللابة اللي طيبكم معلوم
يا اهل الكرم والمرجله والطاله=والراية اللي للسحاب اتزوم
انتوا سلاطين الديار وحرزها=وانتوا لها فالمشترى والسوم
ان طالت ارقاب الرجال الى السما=فانتوا عليهم مرقبات انجوم
ون جاز تشبيه الرجال ابثقلهم=عزالله انكم ياسبيع ارجوم
ياسبيع حنا علمنا ينصاكم=والضيف لابده معاه اعلوم
ياسبيع حنا داعية بلحارث=جينا لكم ياسبيع في لزوم
جينا لحاجه والجواري تجري=ياجعل ماتجري عليكم دوم
هذي هي الدنيا وهذا طبعها=ترمي حصاها كل ليل ويوم
ماحد سلم منها كفا الله شرها= ولاحدن من جورها معصوم
جينالكم ورقابنا سداده=راس الجمل في شانكم مخطوم
جينا لكم ورقابنا سداده=اللي تبونه حاضرٍ ملزوم
جينا لكم والعفو عند المقدره=ايفضل الخاصم على المخصوم
والعفو من طبع الرجال امثالكم=تكفون فكوا القيد مالملزوم
والله لاونكم لفيتوا عندنا= في مثل هذا الشان واللزوم
انا نسامحكم ونقبل عذركم=ونا نخلي قدركم محشوم
وختامها يالله لافرقتنا=الا بجمعٍ طيبٍ مرحوم
ويالله ياربي لاتجعل بيننا=رجلٍ شقي حظ ولا محروم
وصلاة ربي والسلام على النبي=صلوا معي على النبي المعصوم
ناصرعلي الحارثي الملقب (هداج)


توقيع : خيال الشدادين

أنت الزائر رقم لمشاركاتي


أذكروني بالخير الله يذكركم بالخير

رد مع اقتباس