الخافق اللي على جاله ذبحت الحسوف
بعد التحيه والسلام ،،،
شرّعت بيبان صدري لك تعال وتشوف=أسراب الأشواق من حوله سواة النحل
وإليا تمثنيتها عان المشاعر صفوف=تعدّ والصدر قدرك وأنت راعي محل
يا نسمة الليل عدّي فوق جمر الظروف=وألقي عظيم السلام لعمري المرتحل
الخافق اللي على جاله ذبحت الحسوف=طاحت به الخطوة العميا بقفرٍ محل
ولا عاد لـ الحلم ما يغري ونفسي عيوف=فاض التعب من عيوني لين حالي نحل
يا رهبة البوح لو صفّق لك الفـيلسوف=لا..لا يغرّك ظلال الحرف نصفه وحل
ضيعت الأعوام أدوّر عن جمال الحروف=حتى إضمحّل الطموح بشوفي المضمحّل
لين إقتنعت وعرفت إن القدر ما يروف=وإن الليالي عشاير ، والصـباح الفحل
وإن الظروف إن تقاست مثل ضرب السيوف=وإني بلياك .. شخصٍ واقعه منتحل
فهد سفر
توقيع : فهد سفر | ياللي عيونك سواة الغاسق اليا وقب
احتار فيها السواد وضاع في لونها
الحاضر الملتهب .. والمقبل المرتقب
خلا العشاشيق فيك تلدّ بعيونها |
التعديل الأخير تم بواسطة ! سارة الغيد ! ; 31 Oct 2015 الساعة 01:17 AM
|