سلام رديــة وفـا مالها حــد = ممزوجة بالفل والياسميني

معطره من كل عطر مصمد = لوكان في طياتهـا مايـبيـني

تعطى لبو ثامر من اليد فاليد = الطيب اللي ترثته طـيبينـي

رجل سما بالطايلات وتوجد = وصاحب رجال المملكة من سنيني

وحطوه في منصب رفيع ممجد = يانعم والله بمن يبونه عويني

يقظي على أهل الخبث مع كل مارد = يسدل ستار الموت للمجرميني

أنا يـابـوثامــر من الوقـت منحــد = ابوي وامي للكبر مقبليني

واخواني اللي مالهم غيري أحد = صغار على الدنيا وبي ملتويني

كثرة ديوني ذايق الهم والصـــــد = وفزعتك الي هي غايتي من سنيني

وقــت عـلـيـــــة يـارفـيـقــي تمـرد = والحـمــد لله يـوم عـنـدي عــوينـي

ارفــع يــمينــك مـدهـا يمنا مــــد = وأصــدر قـــرار واضـحـن بتعـيينـي

ماينفع ألأ طـيــب الأبـــو والجـــد = وافـي ومعــروفــك عـليَــــــه ثـمينــي