ردي على رحال
اللي يعرف الخبر يبديه= فقدت رحال مع تركـي
أهل الكرم والوفاء تعطيه= وفي غيابهم كلنا نشكـي
( ولا يهونون الحاضرين ... بس الغائب يكون غالي خصوصاً يوم يكون طيب )
رد رحال على البيتين أعلاه :
مافيه شـيٍ نبـا نخفيـه=عذري معي وأنشدو تركي
خرب الجهاز وبلشنا فيـه= وقال المهندس من السلكي
شبكت الأسلاك قلت أوكيه=قال أعتقد مأنت مشتركي
قلت أنته رويسك أدربيـه=رح هز راسك مع السركي
خل أشتراكي مأحد يلغيـه=وأنا أدفع المال من بنكـي
ومايطلبه واعـي ألبيـه=عني وعن صاحبي تركي
أخي واعي سألت وسؤالك يدل على طيبك وطيب أصلك يا الغالي
والمعذره منك ومن جميع من يحب عزيز الشدادي وتركي أنا خرب الجهاز له سبوع
ومن مهندس في مهندس وليا أزرى فيه المهندس قال رح للهاتف ولي أسبوع
وأنا أحرفهم لين سووه ودخلت المنتدى وتشرفت بسؤالك وتركي أعرف أضروفه
وأعتذر نيابتأ عنه وإن شاء الله يشرفنا بحضوره قريبأ
ومشكور على سؤالك يا الغالي
ردي على الرحال :
عذر النشاما بديت أوحيه = وأنا أحمد الله وأشكركي
( رحال) ومعربه جانيه = لأ سلوبه القاف يندكي
وضح جوابٍ على باغيه = وارتاح (وأعي) من الشكي
عطل الجهاز وبدا يسويه = وكثر به الربط والفكي
وصار يتردد على مسويه = ومهندس السلك مرتبكي
وأرسل رسالة لنا تنبيه = وجانا كما الذيب محتركي
والحي فالمنتدى يحيية = لا صار فالشعر معتركي
حييت ياصاحبي يابيه = وصل سلامي على تركي
التعديل الأخير تم بواسطة البرنس ; 26 Feb 2009 الساعة 03:39 PM
|