إعداد المشرف / إحساس واثق
تنسيق وتصميم وتقديم / السلطان

عندما يذكر الكبار في أي زمان وبأي مكان
تتوق الآذان لسماع اسمه فقد عودها أن يكون منهم بأفعاله الخالدة التي قد رسّخت اسمه
من بينهم فهو بلا شك منهم إن لم يكن أميزهم
رجل ٌ سطع نجمه لجوار نجوم الثريا في سماء هذا الوطن
رجل جسّد جميع إمكانياته وطاقاته في خدمة دينه ووطنه وقبيلته
عندما نشاهد الخارجين من منزله دائما ً ترتفع أياديهم إلى السماء تطلب من رب كل شيء
أن يغفر له ولأهله ولوالديه بعد أن أسدى إليهم خدمة أزاحت عن عواتقهم حملا ً ثقيلاً
كاد يوقع بهم ندرك أنه كالأخ الكبير للناس
ولأنه من الكبار تمنيت أن أجيد السباحة في بحور الشعر كي أغوص نحو الأعماق وأجلب منها
أغلى اللؤلؤ كي أهديها له .

هات القلم واجلس على ركبة وكوع = واكتب على بيض الورق ماطرالك
خل المشاعر والعواطف تجي طوع =ترسم صداء واحساس بالي وبالك
نبي نقول ونثبت القول بوقوع = ونعد ماشفنا بوقت مضالك
في الرجل الأوفى وافي المد والصوع =حلال صعبات النشائب كذلك
وان قيل من هو قلت ما مثله يذوع = سلطان بن عايض ليا احدا حكالك
سلام ياسلطان والراس مرفوع = راسك رفع راسي ليا جاء مجالك
أعتز في حضرتك يا طايل البوع = وأفدام بالنفس العزيزة فدا لك
يا فزعة اللي من جفا الوقت مفزوع = كثرة عليه المشكلات وعنالك
يرجو مساعدة على حل موضوع = واليا قصر حبله توصل حبالك
ياما طرق بابك من جموع و جموع = جمعا يبي والجمع الاخر فذالك
ويا طرق بابك من الناس مقطوع = وياما عطت يمناك وأخفت شمالك
كم واحدا جالك من الناس مهزوع = نصر الضعيف وفرحته من كمالك
هذي صفاتك يوم كلا له طبوع = عساك ياسلطان يبطي زوالك
ويمد في عمرك على العز والطوع= نحو الأمام وكل خير دنالك
أبديت لك علما عن الناس ممنوع = نخفيه عن غيرك وحتما بدالك
وأنهيت موضوعي قبل يمضي أسبوع = مع سيدي سلمان يوم اتصالك
لك كلمة تسمع ولك رأي مسموع = ولك منزلة عليا تحقق آمالك
بددت هما بين الاضلاع مجموع وأثلجت صدر من عناه أشتكالك
ماجت لي الدنيا بساتين وزروع = نركض وراها ركض تايه وهالك
نوبا تذوقنا من العد قرطوع = ونوبا توردنا عدود المهالك
حاولت قبل اجيك يا طيب النوع = لكن كلا قال مالي ومالك
وقمت اتذكر واكثر العالم هجوع = يعرج بي الهاجوس شتى المسالك
وأعد في روؤس الرياجيل وأفوع = ذكرت ربي ثم ذكرت ارتجالك
ثم جيت ناصيكم لي اهداف وطموع = ولا خاب ظني فيك دامت ليالك
معروفكم تاج على الراس موضوع =ندين به لاخر ولد من عيالك
يقولها اللي كل ما جاك مردوع = نهضت له وأحسنت له في قبالك
وسعيت له في حق واضح ومشروع = ماهيب دعوى بين شلة صعالك
الطيب أساس وله من العالم فروع =وانته على عرشه تربع لحالك
وان كان به غيرك مع الناس باتوع = ما أظن يا سلطان يفعل فعالك
لا والذي تركع له العالم ركوع = ماشافت عيوني بطيب مثالك
بنيت لك مجدا على عز مصنوع =تفخر به اقرابك وعمك وخالك
اقولها ماهمني رأس وتبوع = عندي على قولي شهود بذالك

ابا العوض من عند ذخر الشدادين = ما به من سور المجاعه يجيني
من عند ابن عايض نحاز المعادين = رجل معه عرف وميز ويقيني
سلطان ريف اللي من البعد عانين =رجل الوفاء المعروف ذرب اليميني
صميدع معروف فالعسر واللين = ليا ستصعب الموضوع ذكره يبيني
ينعد من ضمن العشرة المسمين = الى من النخبة هم الاوليني
دنيا ودين ومن رجال القوانين = يا قل جنسه فختلاف السنيني
شهم شجاع من رجال عريبين = وحنا لتاريخ العرب خابريني
الاد شداد العصاه الضريرين = أهل الفعول مدلهين الحزيني
لباسه الجوخ الحمر في الميادين = وتخلي القاسي لك الله يليني
أهل السلوم اللي تثبت على الزين = يشهد بها التاريخ في كل حيني
يشهد بها التاريخ حينن بعد حين =لكن وين اهل الكلام الثميني
وأما انت والله يا زبون المخلين =راع الجمايل جعل ربي يعيني
فوق الصحون تحط حيل وخرافين = ماتذبح الا كل كبش سميني
طيب على وضح النقاء يأحمر العين = وجنبك على صكات بقعاء متيني
أنتم على كسب النواميس ضارين = مثل النمور ليا ازهمت فالعريني
وخدمت في حكم الملوك السلاطين = وكسبتها منصب ودنيا وديني

سلام ياللي منزلك في العلالي =يالحارثي رمز الشرف والشكاله
ياصاحب المعروف فأول و تالي = ياراعي النخوة وراع الأصالة
اصلك وفي وبك الوفاء لايزالي = واللي بعيد عن الوفاء كيف حاله
سلطان يا مورد قصير الحبالي = اللي عن الماء قاصراتن حباله
ملجن يا ابو ثامر لروس الرجالي =حيدن يظلل من لجا في ظلاله
كم واحدٍ جارت عليه الليالي = ومن حدته سود الليالي لجاله
وقف معه في موقفه ما يبالي = موقف شرف في جانب اللي عناله
سلطان بن عايض بعيد المنالي =أبمدحه واثني ليا جاء مجاله
وأقول نعم ليا سمعت المجالي = هذا اللواء سلطان مابه بداله
ماشفت مثله والحقيقه تقالي = في بدونا اللي فالمناصب مثاله
حلحيل ماينحال في كل حالي = يرسي كما ترسي رواسي جباله
يرسي كما ترسي رواس الجبالي = والطيب اله ساسن قديم انتماله
ما يشتري طيبه بخشم الريالي =سوات من يشريه تالي لياليه
ولقاه مر الطيب مهوب حالي = ويقول صعب الطيب مالي وماله
ولا لاه مر الطيب صار انتحالي =كلن شرا له طيب من حر ماله
الطيب دربه صعب يا هملال= عنه الردي يقصر ويجلس لحاله
هو يحسب ان الطيب جرفن هيالي = الليا بغاه الخبل جاله وشاله
خله لبو ثامر زبون الثقالي =اللي ليا جار الزمان ارتكاله
بحزم وعزم عن الشقاء مايسالي = امكرسن جهده وماله وحاله
حتى تعلا واعتلى كل عالي= عدا بصرح المجد لين استواله
هذا كلام الصدق والصدق غالي= قلته براع المعرفة والجمالة
رجل الوفاء والطيب رجلن مثالي =سلطان سلطان الوفاء والشكاله