البارحة مانمت ليلي ساهره = جلست اخيل البارق اللى ناضلي
برق(ن)يشوق كل عين(ن) شافته = واقول جعله للبلاد الممحلي
وقمت اتبعه بشوف واقع ماطره = ولقيت لى جلسه ونار(ن) تسطلي
ودلال رسلان (ن) يفوح قنادها = وسوالف ومجلس رجال(ن)طابلي
ونشدت منهو صاحب المجلس هذا=ثم قام رجال(ن) رزين وقالي
اقلط هلابك ياولد يامراحبا= قلت الله يسلمك انا مستعجلي
ثم بتها بهاك اليمين الصارمه= ماتمشي الا بعد ماتاكل طلي
وتممتله ثم جيت جنبه فالمكان= ومن كيف هاك البن الاشقر صبلي
ودارت سواليف النشاما بينا=مر(ن) عليه السالفه مر(ن)علي
ثم قالي قصيدة(ن)جارابها=شاعر من عصور الزمان الجاهلي
جارا ابو تمام فى قصيدتة = مالحب الا للحبيب الاولي
قصيدة(ن)من سمعها ماملها =من سمعها يطرب ولو قلبه خلي
وشلون عاد اللى معذبه الغرام=فى حب مزيون النواعس مبتلي
اضمالها وارد مواريد الحيام= حتي لو انى من سلاحي اعزلي
واشرب ولا اروى من منابعها ابد=وشلون اباروا من ثمان(ن) ذبلي
ياجعل تفداها الهنوف الفاتنه= اللى تعاقب فوق طيتها الدلي
وصح الله لسان الرهاوي يوم قال=مالحب الا للحبيب الاولي