ما كل فكرة تمرك صالحة للنشر
..
أنا أدري إني حريص ولا يـوصّى حريص=المشكلة (غلطة الـشـاطـر تعـدّ بـعـشـر) !!
في راسي المزدحم ما هي بزحمة خـريـص=أفـكـار ما كـل أبـوهـا صــالـحـة لـلـنـشـر
بعض الكلام المزكّى لو بخـصـته رخـيـص=ما هـو كـلام الالـٰه .. أقـصـد كـلام الـبـشـر
العبرة بصــبر يـوسـف خلّ عنك القميص=من تسعة أعـشار خـلـق الله يـسـدّك عـشـر
وشلون أعيف الأمل يوم إن ما له بصيص=وأنـا بصـيص الأمـل في داخلي مـنـتـشـر
من عيّشوه البطولة في مسلسل غـلـيـص=ما يدري إنّ أوهـن الأعـواد عـود الـعِــشــر
محدٍ بخـيـصٍ بـأحـد كلٍ بنفسه بخـيـص=ولـكل نـفـسٍ جـزاهـا في نهار الحـشــر
فهد سفر
توقيع : فهد سفر | ياللي عيونك سواة الغاسق اليا وقب
احتار فيها السواد وضاع في لونها
الحاضر الملتهب .. والمقبل المرتقب
خلا العشاشيق فيك تلدّ بعيونها |
التعديل الأخير تم بواسطة السلطان ; 19 Nov 2021 الساعة 02:14 PM
|