ياليل سلم لي على الوالد البار =قله ترى الدنيا بدونه خرابه
قله ترى الايام تاخذ وتختار = راعي الكرم والا الردي وش تبابه
يابوي يالغالي ترى صار ماصار =والهم في قلبه تجدد شبابه
ابو مناحي مكرم الضيف والجار=ماصك من دون المسايير بابه
قلبه كبير وكان داره لهم دار=والناس عنده كل ابوهم جماعه
في مجلسه تليموا كل الاخيار = والذيب مايلفيه غير الذيابه
عساك للجنات يانسل الاحرار = يابن الكرام اللي غزيز جنابه
ليت الشعر يوفيك ونغني اشعار =واملى دواوين الورق بالكتابه
حزني عظيم وكن بالكبد مسمار=والدمع جرح خدي اللي جرابه
كني سجين الحبس وعياله صغار= سجنه طويل وقاطعوه القرابه
ليت الزمان يعود وتبدل اعمار= واعطيك عمري صحته مع شبابه
يابوي لو كل العرب عندهم جار=مثلك ابد مايدخل الضيم بابه
جعل السحاب اللي تليم بالامطار=تمطر على قبرك وتسقي ترابه
ليلي طويل وفجرناماله انوار=والصبح مر وراح محدن درابه
يالله ابونا جاك ضيف وجاء جار=ارحمه يالرحمن واجزل ثوابه
يالله يالمعبود ياخالق النار= تحميه منها يوم يلقى حسابه