شاع الفساد وشعشع النور فالساع=ويمنا الفساد اللي تعبث قطعها
مساحة التطهير من واقع أقناع=من جامع اللي بالشريعه جمعها
محمد اللي دارسا جمع ألأوضاع=من صلب ساسه بالسياسه صنعها
ماللسنع يكون رجال ألأأسناع=اللي فــتل شــوره وحــكم سنعها
الواقع اجمع للفراسه بألأجماع=ومن عز نفسه بالحقايق رفعها
للعدل طول الروس تخضع وتنصاع=واللي تطاول طولها في شنعها
كم واحدا عانى مدى الظلم مرتاع=وعاش المواجع وانكسر في وجعها
غـدت حـقوقه بين فـاسـد وطـمـاع=وازرى فخلق الله وكايد طمعها
ناسا لها بالبيد مجداف وشراع=وقامت تشرعها على من شرعها
وتربعت بين المخاليق مرباع =وسادت تبطر بالبطر من شبعها
كاد الامل فالحق تضييع ماضاع=وكاد الوضيع ايمردغ اللي شلعها
وجاد ابن سلمان المفدى بماذاع=وادرك دوافعها وحجم شنعها
ماعاد لانصاف الحلول اذن سماع=لوتنصدع بالصوت ماحد سمعها
ومال اعتبارات البشرعند الاخضاع=وجه اعتبار ولامدارك تسعها
تساوت الاموال والناس بالقاع =وصاروا سلع ظمن الحياه وسلعها
واللي من اول كان شبعان لاجاع=اقوى مجاعه من ثوابت دفعهــا