يا هاجوس المشاعر ترجم احساسي منين ووين=وانا لي وجهة بالحيل شايفها وعارفها
جناح الطير ما حده مسافه لو حدود الصين=ولكن كيف ابنسى الشام الأقرب دام شايفها
عزمت اقطع حدود الشام لو برجولي الثنتين=لنصرة من حداه الويل وأودت به مصايبها
بذلت الجهد عشر اعوام يا عل الظروف تزين=ولا زال الأمل يكبر عسى تحمد عواقبها
ولولا قيد من شرع ومبادي كان رحت الحين=ما تثنيني جيوش الأرض لين ابلغ مشارفها
جهاد في سبيل الله على منهاج شرع الدين=ولا سطوة أساطيل تكالب مع تحالفها
يا كبر الحلم لكن سهل تحقيق المراد الزين=على الله اتكالي والمنى ربي يحققها
طرحت لموقفي روس عنيده والرزايا دين=مخاليق تخندق مع عدوي كنت احاربها
على بشار لعنه كيف صفو دونه معادين=وانا كنت انتخيهم حسن ظن في مناسبها
وخبري بالرجال أهل المواقف بالنقا بادين=وخاب الظن والموقف مسجل في صحايفها
إذا الكلمه جهاد وشوهو معناه مجتمعين=وبقو طابور خامس للعدا والذل عايقها
وكل شافني واصدر مقاييسه بزين وشين=وانا فكري يهندس خطة الحرب وطرايقها
وإذا كان الزمان اقفى بشجعان وبقى مقفين=ابثبت دون ميقافي لحالي عن مواربها
فدى راس النزيه وما لطابور اللئام معين=وحسن الظن يظهر معدن الناس وحقايقها
‎يمر الوقت وتدور الليالي والملا سالين=وانا متمسك بوعود ساقتني واسابقها
‎تمني يا هجوسي لين تصدق همة الموفين=واترجم بالمشاعر مفردات براس فايقها
تمنينا وامانينا تحاذينا بعسر ولين=ومليت انتظاري لكن آمالي تناظرها
وهذي قصة اللي حاربوه القوم عشر سنين=ولا طفو سراجي والمثايل في منابرها
وعود تسوقنا والصدق قايد ملة الوافين=طريق اللارجوع بطرقة مجبور عابرها
تعمدت الوضوح بوقت ينعق به غراب البين=بتقليب المعاني شوهو بنيان عامرها