محاوره الغربي ومن رؤس بنيوس

من رؤس بنيوس

سلام ردية جديـد مـن جديـد=ردية مثل العسـل نبـدى بهـا
ياعيد انا في المنتدى مثل الوحيد=بين الرجال اللي ترف اشنابهـا

يامرحبا والله يدبـر مايريـد=عد الفروض وعد من صلابها
جدك قريب لجدنا منته بعيـد=وكلمت لاجتنا نحسب حسابها

من شاعر المليون بطلت القصيـد=الارض تلعب دائم مع اصحابهـا
ان جات للتصويت ماعندي رصيد=وان جات للفات مانرضـى بهـا

العارفه يمشـي بدربـه مايحيـد=ماهمه المليـون واللـي جابهـا
خلك على الممشى وقلبك من حديد=لو تحترق بعض العرب واعصابها

لعب الهلال وفاز بالكأس العميد=ويقولوا التحكيم كـان اسبابهـا
الوقت خلص والحكم عود يزيد=الحاجة في النفس وهو ادرى بها

ترى الشبك دايم يصيد اللي يصيد=وانته تعرف نمورهـا وذيابهـا
من طاح فالميدان قلنا له شهيـد=مانـي بقاريـهـا ولا كتابـهـا

السمن يابن العم فرق عن الجميد=واللي معـه قرشيـن يتعشابهـا
والموت يابن العم في حبل الوريد=والناس تلقى في القبورحسابهـا

البحر موجه يامحمـد مايهيـد=واللي معه قرشين هو اولا بهـا
اسمع كلام الصدق والعلم الوكيد=بعض البضايع خسرت جلابهـا

قلبي يحبك معك يازيـن النشيـد=يابن الرجال اللي تحث ركابهـا
يم العلا تمشي على راي سديـد=ويوم اللقاء يعجبك ضرب حرابها

قلبي يحب البيت لاشافـه مفيـد=وين البحور ووين هـو شرابهـا
ياشاعر الحرث عسى عمرك مديد=هات الحطب والنار من شبابهـا

احزى العواقب ماندفع يابوعبيد=والنار يابوعبيد لاتاطـى بهـا
منته بلا شرطي ولاساعي بريد=والناس حذرى لاتشق ثيابهـا

الصبح قرب والمعانـي ماتبيـد=بنرجع الكلمـه علـى طلابهـا
لو خصمنا يجي بسيف ابن الوليد=ترى اهل مكه يعرفون شعابهـا

التمر يوجد في النخيل ام الجريد=والحنظلة يبست وجف ترابهـا
والبيت بانينه على الساس الجويد=والحيّة ام جنيـب نقلـع نابهـا