يا كبدي اللي حاربت جمة الزير = وامسى على كبدي كما السم ساير
على بني عمي وجيه ٍ مسافير = سم ٍ ذحاح وللعشاير دماير
حنا كما نو ٍ يدم المسابير = إليا اكتبر سيله يجيب الحشاير
واهم كما ضلع ٍ تديره بياطير = ما ينقلع لو جوه سبع الجزاير

يا نـاس مــن عـيـن قـعـود بــن رفــاع = شــراه ابــو منـجـي بعشـريـن شـاتـي
لا والله إللى ضاع مع عرض ما ضاع= مـــا ينتـسـيـه سـحـيــم دب الـحـيـاتـي
نــبـــا نــدور لـــه مــطــيــه وفــزاع= ركـابـهـا إللي يــرذي المـوجـفـاتـي
يــاطــا الـعـشـاريـة ويـــــذب الارواع = وينـشـد بـنـي شــداد عـقـب الصـلاتـي
آلاد شـــداد بـعــيــديــن الانــواع = اهـل بنـدق فـي الضيـق ضربـه ثباتـي

قالوا: شرار وقلت وا نكبة الدار = عليك يا تالي الشيوخ القرومي
علّيت ياللي ما تغثي على الجار = ومن هيبتك جارك يعيش امحشومي
عليت يمين ٍ في اللقاء تاخذ الثار = وسواعد ٍ تثني عنان العزومي
ان شبت الهيجاء وعج الرمك ثار = وغطاهم البارود مثل الغيومي
وتراشفوا ما بينهم كاس الامرار = وتواجهوا فوق السبايا الخصومي
وصاحوا بأخذ الثار أهل قحص الامهار = وتبادلوا من فوقهن السهومي
يذكر لأخو فاحا مع القوم محضار = يرجح بميزان الكمي الظلومي
الحق أقوله في بعيدين الاذكار = ما قلت شعري في بنات الرخومي
هذاك له فن ٍ ودن ٍ على الطار = وبيارق ٍ تمشي بعكس السلومي
يالله يالخلاّق يالنافع الضار = سهّل حسابه وارحمه يا رحومي

نعوذ بالله من جميع الشياطين = تصفي القلوب ويصبح الجو هادي
يالله ياللي تطلع الماء من الطين = عليك يامنشي السحاب اعتمادي
نعالج الدنيا على العسر واللين = وياكم حداني من زماني حوادي
وناخذ من التجار دين ٍ على دين = والراس شّيب والليالي جدادي
والعرف له عند العوارف قوانين = نوع ٍ رخيص ونوع مسكن وكادي
نويت بالمسيار مدري على وين = يابو ذياب اليوم وين انت غادي
وانا امتني في كل ديرة شدادين = اقولها واعلن بها في الروادي
حتى اليا جينا من البعد لافين = نلقى لهم فرقان في كل وادي

الاد شداد الفهود المغذات = حماية المضيوم يوم الدبيله
وفيما مضى كسبي لقاح ٍ وخلفات = شهودها شرار وعايض تسيله

سلام ياقصـر ٍ علـى جـال وادي=قصر ٍ عسى باني كيانه ما ينعـاق
ابوسعد زبـن الضيـوف العـوادي=شمط اللحى ماهم درابيـل الارواق
والكيف بـن وهيـل والجوهـادي=والكبش له مطبخ ومصلخ ومعلاق
ذبح القعود وذبحة الكبـش عـادي=السوق حامي يامـدورة الاسـواق
وسوالف ٍ ماهـي سوالـف دوادي=فيها حكم فيها من الهـرج مـالاق
في قصر بن هلال نـادى المنـادي=ياضيف خمس امهيلات ٍ على ساق
مزعفرن فنجالهـا اشقـر يشـادي=دم الغـزال اللـي يباريـه تفـاق
تلقـى حليـب مقرقعـات التـوادي=وتمر الحساء دهمن يفكن الاريـاق
والمده الجزله ليـا جـاك حـادي=لا جاك ديانك وقـال انـت بـواق
يابـادي المرقـاب لرجـم بـادي=و يا بادعين القاف للشعر عشـاق
وبأسمي وبأسم مطوعين الاعـادي=قوم ٍ ليا ردوا على جـرد الاعنـاق
لا حولـوا بمنقـشـات الهـنـادي=يامن بهم قلب ٍ من الخوف خفـاق
الاد شـداد الحـضـر والـبـوادي=اهل الشهامه والمكارم والاخـلاق