قصيدة إلى تركي الشدادي والرد عليها
بسم اله الرحمن الرحيم
هذه القصيده ارسلتها لشاعر تركي بن سفر وردعليها
يابوسفر قلبي همومه ملايين=والقلب في دنياه زايد عذابه
اجر في الالحان واكتب دواوين= وتعبت يديني من كثير الكتابه
كله سبب دنيا بها القاسي يلين=والوقت يجري ماحسبنا حسابه
اشوف في العربان ناس مجانين=مافرقوا بين الخطا من صوابه
واليوم انا محتار يابن السلاطين=والراس شاب وعاف حتى شبابه
وهموم قلبي ميلت بالموازين=والعين حتى النوم صارت تهابه
والمشكله جتني من الناس الادنين=واكثر مشاكل نفسي امن القرابه
قدرتهم واسكنتهم داخل العين=ومن يفعل المعروف ماينجزابه
ياتركي الدنيا تراهاام وجهين=والسيف ابوحدين طايح نصابه
وانته شجيع ومن رجال شجيعين=ميقافكم معروف وقت الحرابه
وممدح انا غير الرجال العزيزين=والرجل رجل والزلابه زلابه
والله يثبتنا على الحق والدين=والله يكافينا دروب الخرابه
وختامهامشكور يابن السلاطين=ويابو سفر عجل برد الاجابه
الرد من الشاعر تركي بن سفر الشدادي
يامرحبا يابن الرجل الكريمين=يامرحباوالردواضح كتابه
يابن عبيد اسمع كلامي وذلحين=مالك ومال الخبل لادق بابه
احفظ كلامي يافتى ياحمر العين=الذيب ذيب للعلا حد نابه
كب الرخوم وكب ناس ضعيفين=اترك رجال المهزله والذنابه
الخبل خبل مايعرف القوانين=دايم وعلم الخير ماقد مشابه
اوصيك لاتتبع هروج المقفين=كلن على قده يفصل ثيابه
بعض العرب مايعرف الزين والشين=هذاك واحذر لاتقرب جنابه
لاتتبع الاكل ناس شجيعين=يفزع ليامن الدخيل اللتوابه
انصح بها كل الرجال الفهيمين=اهل الكرم والطيب واهل المهابه
وانته اصيل ومن رجال نادين= وصلاه ربي عدوبل السحابه
وسلامتكم
توقيع : عيد الشدادي |
بيتي مشيد في قيا للمناعير=وانا على بابه وارحب واهلي..
افخر بمقدوم الوجيه المسافير=مادام قدري فالزمان امتعلي..
.
.
. . .
.
الفقد ..ماهو فقد من غاب يومين=الفقد والله فقد شخصٍ توفى
فارق وخلى من يحبه من سنين=ياموت هد شوي طالبك تكفى
.
.
عيد الشدادي
|
التعديل الأخير تم بواسطة عيد الشدادي ; 30 Nov 2007 الساعة 09:30 PM
|