يا من قضاك بكل الاحوال محمود=ولوجهك وطاعتك .. نحرت بُدني
آلهمني لرشدي وزدني تقى زود=ومن خوفك وخشيتك يا رب زدني
وش قيمة الدنيا إذا العمر محدود=تسابق الايام .. والموت يدني
يا اللي خذيت من التجارب لك عقود=إليا عرفت اللي ورى الغيب فدني
اترك حداة العيس .. وملاعب النود=وأكرمني بظنك .. ولا تعتقدني
كم واحدٍ يعطيني أعذار ووعود=وهو ليا منه بغاني .. وجدني
ماني على مطاول هل النقص محدود=واللي وراي .. اليا هرج ما عمدني
ولا ألدّ للتلميح لو كان مقصود=انا اعرف اللي لا قصدني .. قصدني
هذي ملامح حيرتي ما لها حدود=وهذي مراجع سيرتي وأنت جِدني
أصدق من اللي في حشا الروح معقود=أنا وطن .. وسلوم الاجواد مدني
وأبعد من المقصود والنقص والزود=اللي تنقّد معي .. لا ينتقدني
من لا عرف قدري ليا صرت موجود=ما آبيه يعرف قيمتي لا فقدني