شبكة الشدادين - عرض مشاركة واحدة

توقيع : عســــــــــولة

اليوم هو اليوم الثاني من شهر رمضان الخميس 2\9\1431هـ
اليوم بدأت يومياتي
طبعاً على الساعه 3 ونصف حطينا سحور الرجال وكأن كبسه
واحنا يالبنات سخنا باقي الفطور (( شوربه- ايدام- مكرونه بالباشميل- ..الخ
مدينا سفرتنا وجلسنا وبلعنا ههههههه
عني انا أكلت حبتين ورق عنب وسلطه وشربت توت>>>عشقها التوت
طبعاً راح الوالد وأخواني يصلون بالمسجد...والوالده نامت وانا بغرفتي وباقي الشله عند التلفزيون...شكل سهرتهم صباحي>>من جد مزعجات هههه

راح اكمل يومياتي بعد المغرب ...تعرفون الطبخ والنفخ مايسمحلي بفرصه قبل ها الموعد

----------------------------------------------------

مساء الخير

"راح أكمل يومياتي
طبعاً بعد صلاة الفجر نمت وصحيت الظهر وصليت ورجعت أكمل النومه الين 3ونصف قمت وصليت العصر وعلى طول على

1-طبعاً أول شي شغلته التكييف والفرن الكهربائي:MsgPlus_Img0446:
2- جهزت مقادير الحلى والمالح على جنب...كان المالح صينية التوست بالدجاج...واااااااااو تجنن والحلى تشيز كيك وبسبوسه بالقشطه

أختي بدأت تسوي لحم السنبوسه..عجنت الفطائر..الوالده الله يطول بعمرها عليها الشوربه والأيدام
---------------------------
الحلى

وأحنا نشتغل دخل أخوي الله يسلمه الكبير ومن يوم دخل يضحك...ويقول لأمي أطلعي من المطبخ قالت شنو عندك قال لا بس خليهم يشتغلوا قالت لا بناتي ضعيفات بساعدهم>>>فديتها والله:embarrased_smile:
قلنا ترى من أوليه نبي نطلعها رفضت يالله طلعها أحنا بنخلص ..قامت طلعت ويااااااااااااااااااليته ماطلعت :MsgPlus_Img0358:...أثاري أخوي جايب ضب وعارف ان موتنا اذا شفنا ضب>>>دخله وسكر المطبخ أنا لا شعورياً على طول نطيت على طاوله الأكل وأختى على الدولاب :MsgPlus_Img0469: جلست أضحك من أشكالنا وأختي تقولي بالله طلعيه>>>قلت لاياشيخه بايعه عمري هههه...>>>ظل يكلمنا من ورى الباب ويضحك قلت الله يريحك ياشيخ تعبنا وبنرتاح وضبك مرتز أسفل وأحنا اللي فوق الدولاب واللي على الطاوله >>>المهم جات أمي وقالت طلعه وطلعه >>>جايبه من عند خويه كان كبييييييييير حييييل
المهم الوالده الله يسلمها خلصت الشوربة وأيدامي المحاشي والخطاريف(( خبوز المجرفه))..واختي سوت الفطائر والسلطات والسنبوسه..وانا خلصت بعد ..قمت سويت العصيرات توت --برتقال-- ليمون-- الا واخوي الثاني جايب فول من القرموشي وتميس ...سوبيا يالله لك الحمد ريحتها تصدع.... خلصنا بالزبط مع تحضير السفره على الأذان...
(( كان ودي اصورلكم سفرتنا بس كان الوالد جالس واستحيت اصور قدامه بيظن أني مجنونه ههههه))
أممممممم أكلت حبه سنبوسه+سلطه+ كوب توت فقط...مالي نفس شوي باكل هههههه

وقبل شوي راح الوالد مع أخواني للمسجد وقمنا أحنا صلينا وغيرنا سفرتنا ومدينا سفره الحلى بغرفت المسرح المنزلي..
والحين هم جالسين يتابعون التلفزيون وانا أكتب لكم يومياتي ...ياهلا والله أختي وعيالها جو توهم (( يامرحبا ))
بعد كذا بيروحون اللي عندي رجال وحريم للمسجد يصلون التراويح وانا أكيد بقعد مع بنات أختي
وعلى الساعه 11 بنمد سفره ثانيه
أتمني أستمتعتوا وياي
---------------------------