عرض مشاركة واحدة
  [ 1 ]
قديم 05 Jan 2010, 06:56 PM
عضو جديد

محمد الحارثي ترج غير متصل

تاريخ التسجيل : Jan 2010
رقم العضوية : 23009
الإقامة : saudi arabia
الهواية :
المشاركات : 16
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
الشاعر الحارثي من ترج



قصيده الخالدي ترج بيشه

بسم الله الواحد أجلي بها وجــه الضبــاب = بســم الله أبــدا بها كلنــا نبــدابها


بسم الله الواحـــد الحي فكّـــاك النشاب = فالكتــاب ومن قـــرأ ســورةٍ سمّا بها


بسم الله الخــالق البـــاري اللي ماينــاب = مَــدَخل الجنــة مفاتيحهــا وضبابـها


بسم الله رب الـمخـاليق من كُـل إكِتــراب = المصلــي بعد تكبــيرته صــــلا بها


بسم الله من كُل هــمٍ وغـــمٍ واكتئــاب = الشقـا يفــني بها والمــرض يشـفى بها


بسم الله من قبلٍ يصــــير بعدٍ واقتـــراب = الخـضر في كنــز الأيتــــام فاجأنا بها


بسم الله عنـــد الرضا والخصومــة والعتاب = الجــاني ويجـني بها والــذاري يـذرا بها


بسم الله اللي مايغلـــبه في شأنه غـــلاب = الشياطــين المــرَدَ كُلّهــا تخــزا بها


بسم الله رازق جميع الخـــلائق والــدواب =الكــريم المكتفـــل بالوحــوش بغابها


بسم الله فرقـت مابين الإعـــدا والصحـاب =واغتنم الأيـــام بسهولهــا وصعابهــا


بسم الله أقوم بين الأباعـــد والقُــــراب =واتمثـّــل بالمقــاريع وأتحلــى بهـا


بسم الله بسم الله أقـــوم وأحــث الركـاب =وأطلـق عنــــان النجيبـة وأنا ركابها


مُهرةٍ من خيرة الخيــل طفّــاحة جنــاب =لصبحــت صم الرمــك للوغا يعدا بها


بندقي بيدي ولا اخطـي بها الرمش الهـــداب =ماعليهــا إلا القبــس والقفد وأخشابها


أعتنى فيها ولو صــار بالوقـــت إنقـلاب =استـــرد بـها السواليـب من سـلاّبها


والشعر ماهـو بسلــبٍ ونهبٍ واغتصـــابٍ =هو مشاعــر شاعــرٍ عــاش وتربى بها


وأنا شاعر وأحكـــم الشعر شعرٍ مايعـــاب =شعر شاعـــر من سمع كلمتــه غالابها


والــذي زيّـن يدين العذارى بالخضــــاب =ماتخالفـني القصائـــد وأنا كتـّابــها


تستخيــل وكل ما أبدعـت تاجيــني هيـاب =تستميل أفكــاري الشُــم لين أرضى بها


والشــوارد ماتفــوّت وتاجــيني تعــاب =وأتخيّر وأخــــذ إسمانــها وانقـى بها


تعتــرض قدّام عيني كما المهُــر النجـــاب =كنها عــذراً تزينّن لاجـــل خطّــابها


من دلعها تســدل الشعـر وتشّــل النقـاب =علّها ما ينكشــف ستــرها وحجــابها


شاعرٍ يفخــر بي الشعـر من وانا شبـــاب =أبني الحكمــة بكيفــي واهــد اعتابها


يامقهوي قنـّد الــروس من هيـــلٍ يجـاب =قهــوةٍ بالكيـــف مايرتـــوي شَرّابها


والدلال الصفــر منحــورةٍ بين المِشـــاب= صُبهـــا وارو المطـــاريش ياصبّــابها


كُلّنا نضـــرم عليهــا ونكسبهـا إكتساب =ويعنـى فيهــا المقهـــــوي ويتوصابها

خلنــا نـسعـد ونطرب على صـوت الرباب =نستمـع ونريّـــح قلـــوبـنا مما بهـا




والرجــال اللي حضـر شاف واللي غاب غاب =والجميلــة للمواقــف نبي نــرقى بهـا

وأنت ياعايض ورب البــشر عجبُ العِجــاب =اللهـم لاحســد كلــمــةٍ يُبنى بـها




أنت سيف العــدل والمــدح لك حد ونصاب =ليّنٍ للـــين والقاسيـــة تقســى بها


والســيوف الحدب تذبح طبيعتــها حـداب =تقتل الطــاغين والمــوت بين حـــدابها


شيخ علم وشيخ شيخة وشيخ بلنتخاب بالإنتخاب =والجُنينـة ينجــنى مــــوزها وأعنــابها


أشهد أنــك ذيب ياذيب وســلالة ذيــاب =ميــزةٍ مــن بين لبطـــال تتجـلى بها


شامخٍ كالنـــايف الــراسي الصعب القطاب =والجبــال الشُــم تــذري ويتـذرى بها


فاللوازم جـــرِّد السيــف وإحذف بالجراب =والرجـــال تغمّــد سيوفهــا بجـرابها


أنت عنتــر يابطــل وأنت بوزيـد وذيـاب =من النجــوم اللي في الليــل يتِقدا بهــا


طاب شعرك يابيـض الوجــه والمضمون طـاب =طبت يادكتــــور للمعـــرفة تزها بها


دام بالحــارث وبالقــرن قــــومٍ ماتهاب =تضرب عيـــون الشياطـــين لين تهابها


حنّا وانتو يوم يحدث مواقـــف وانتــشاب =مايعيـش الـذّل في ديــرةٍ عشـــنا بها


مانهــبّي فالمــواقف وحن قــومٍ حــزاب =قــوم قالــه من ولدهــــا إلى شيّابها


أنتعــاون في جميـع المواقــف وانِتحــاب =لابتينٍ ترفــع الـــرأس يتعـــزوا بها


كُلّ من يعرف سلـوم العـرب ودّا وجـــاب =قلـــــت هيّا واشعـــل النار ياشبابها


أستغل الوقـــت واغير من قبل النحاب الموت =وأتحاســب قبل تُعطى الرجـــال حسابها


ذود يـورد بالمــوارد ولاذودٍ غبـــــاب =والله إن أورّد أبلـــيِ قبل مارعـــى بها


والصقـــور أشكال وأانواع شيهان وعقـاب =تختفــي منها طيــور السمـــا وأسرابها


من سُئـل بين الخــلائق وهو فاهم وأجــاب =مايفكّــر فالمــواقــــف ولا يرتابهـا


الذكي من حنكتـه يسلـب عقــولٍ لبـاب =والغـبي تختفّ رجلـــه قبل ياطــــابها


كم رجـــل حقّق مكاسب وكم رجّال خاب =من مشى درب المطاليـــب ماجــا إلابها


كلٍ يغامــر وكلٍ على فعلــه يُثــــاب =والعمرِ واحد والأعمـــــال ماتشابهــا


بسّ لولا لـــذةّ الشهد ماســـال اللعاب =والغـلــط خلّى الخـــلائق تثـور أعصابها


ماهقيت إن كُل من يرمي الأهـــداف صـاب =واحدٍ ما صـــاب مرّة ولاخــــر صابها


يتعــب الإنســان بين المتالف والمطـــاب =ومن وصــل مكـــة وهو محـرمٍ لبــابها


والمصيبـــة لو نعــارض وسعين اللغــاب =الله يمّــنا من العــاقبــة وأعقابهــــا
يالله يا رحمـــن تجعل دُعانا مُستجـــــاب =اليمــين بدعـــوة الله واليســـرى بها


الشاعر / هادي بن سليّم الحارثي


التعديل الأخير تم بواسطة حاتم الشدادي ; 05 Jan 2010 الساعة 07:14 PM سبب آخر: تنسيق القصيدة

رد مع اقتباس