29 Dec 2010, 04:19 PM
|
|
لقاء الوفاء مع رجل الكرم والعطاء ( مطلق بن عالي الشدادي )
إعداد / مجموعة من مشرفي المنتدى
تقديم / السلطان
يا هاجسي جملني بزين الابيات=ياهاجسي جمل بيوت القصيده
ياهاجسي هات القوافي جزيلات=في مدح رجلٍ له مواقف عديده
رجلٍ يدوس المخطيه والصعيبات=يرقى على الطالات ويلوح بيده
مطلق ولد عالي زبون المهمات=مواقفه مع كل ربعه حميده
جمايله مع كل الاحياء والاموات=ماتنمحي طول السنين الشديده
ياقف مع الطيب في كل الاوقات=وحب القبيله جاريٍ في وريده
وان عودت قاله ونخوه وفزعات=ياحظ منهو كان مطلق عضيده
ابو بدر راع الوفاء والجمالات=رجلٍ من اهل الخير والله يزيده
يابو بدر جعلك بخير وسلامات=وعسى حياتك كل ابوها سعيده
ياجعل يفدونك هل الاتهمات=اهل القلوب الحاقده والبليده
والله يعزك في السنين الطويلات=ويوفقك في كل شيٍ تريده
ويحميك ويطول بعمرك سنوات=لانك يابو بدر المسمى وليده
اقولها واعيدها عشر مرات=انت الشجيع اللي فعولك مجيده
وانت الذي تركي لكل الثقيلات=وانت الذي متجودٍ بالعقيده
وانت الذي لك مع هل الطيب رايات=وانت الذي دايم علومك مفيده
ماقلتها لجل اكتسب شي بالذات=ولا قلتها لجل اشتهر بالجريده
هذا كلام الصدق ياهل المروات=وهذي علومٍ كل ابوها وكيده
وصلاة ربي عد وبل المخيلات=ربٍ كريم وكل ابونا عبيده
على نبيٍ بلغ اغلى الرسالات=عبادة الله والتزام العقيده
قاف بنيته من هجوس وهنـــاديب =من مصدرآ معروف ماهوب خافي
قاف مع أهل العرف جاله تجاريب =يفخــر به الشاعر على كل قـافي
ناصي به الي يكسب المجد والطيب=واخص مطلق ريف من جاه لافي
مطلق ولد عالي عريب المجاذيب =ياريف من ينصــاه جافيه جـافي
أبو بدر راع الفخــر والمواجيب =رجلآ على كسب النواميس وافي
صنديد جبارآ عطيــب المضاريب =شهم شجاع في اللوازم سنافي
يفتــل لواليب وينقــض لواليــب =واليا ضرب دروب الخطر مايخافي
زوده على الي يفتلون الأشانيب =نجم على كل الكواكــب يشـــافي
نوره غطى نور النجوم المراقيب =يا اصيل ياللي ماغــطاك اللفافي
يابن الرجال اللي ترون المغاليب=مروين علط الرمــــاح الرهافي
بعلط الرما اطوعون الأصاعيب =ليا خف ميزان القلوب الخفافي
وأن لقموا قحص المهار الكلاليب =وحـل الطـراد ويبسـن الأشافي
يردون حوض الموت لو كان قدهيب=حوض المنـايـا لين كلآ يعــافي
يـاما رموا بالشلف للطير والذيب =من فارس في المعركة مايخافي
آلاد شـــــداد الرمــــاه المعاطيــب =مركــاضهم تشبع عليه الهجـافي
أهل المكارم في السنين الشلاهيب =ليا ركبت غبر السنين العجافي
|
توقيع : السلطان | |
|