السلام عليكم ورحمة الله وبركاته
كل عام والجميع بخير ..
هذه القصيدة تلميح واثبات بان التاريخ هضم حقنا واصبغ اسمنا غيرنا وسرق وتجاهل اثارنا ومعالم ارضنا وايامنا حتى مرابط الخيل وفكك قوانا وسفسط الامور لصالح الاخرين ولعل النسخة الاولى دليل على خزعبلات النسخة الثانية ولكن سيزهق الباطل ان الباطل كان زهوقا..
القصيدة تتحدث عن نفسها وهي على لون العرضة (( الزمل)) ..ودمتم سالمين ..
:
:
قبل مبدا بالحديث ابـدا بهـا .بسـم الله الرحمـن
والصـلاة علـى نبـي الامـة الامـيّ والعدنانـي
اذكروا الله ياقبايل ثـم صلـوا عالنبـي المختـار
بعدهـا منـي سـلام الله عليكـم حيّكـم والفانـي
عد ماهـب الهبـوب وعـد مافـي البـر والبحـر
والتحيـة شاملـه ..ومكملـه ..ومجملة..مبـدانـا
السلام على الجميع وكيف حااال ..الكل ..والجميع?
بعدها ودي نعلمكـم عـن اخبـار الحمـا والحِلـه
نوب عن ربعي وعلمي خير يالاجواد يا اهل الخيـر
العرب في خير والدنيـا بخيـر وكلنـا فـي نعمـا
والسلـوم اموثقـات ومـن تعقّـل ماحُكـم عليـه
والقبايل حولنا في نعمـة المولـى ولاشـي خِلـه
والمذاهب تُستقى والدين شدشـد بعضهـا بعـض
ونحن متعان الى صكة حواجبهـا نجيـب الداعـي
من دعانا لخير يلقانـا وداعـي الشـر يـدان بـه
شيخنا سعد ابن قراش الشجيع العارفـه والفـارس
شيخ شمل وولد شيخ اليا دُعـي يحضـر وينوجـد
وعضيدة بن هليّل شيخ والعـزوة بـه الريحانـي
وسعيد ابن الحصين الشيخ في دعوى بنـي ثويـب
ولنا شيخ(ن)معظم معترف به في حضـر وبـوادي
ذاك سلطان ابن صغوان المقدم عن بنـي صعيـب
والعرايف كثر والاعيان في ربعـي رجـال القالـه
ومذاهبـنـا تشرفـنـا وقالتـنـا لـهـا مــدا
والقبايـل كلهـا ونعـم لهـا تاريـخ مايجهلهـا
كل مجد(ن)عندنـا عنـد القبايـل منـه ..والسمـا
كلنا شعب الوطـن والدين..والقايـد زعيـم الامـه
ابو متعـب ياعسـى الله يحفظـه ويعـز موقفـه
ماتفرقنـا الهُتافـات الرخيصـه والعقـول الدنيـا
كلنـا جيـش الوطـن والرايـة العليـا سعوديـه
وانا في هذي القصيدة ودي آعلم بسلـم ومذهـب
علمنا عن حلية بني عبس جمره ..من بغيض الريث
اي نعم جمرة من الاربع ..ونسل الجمجمه غطفاني
والمعالـم واضحـة والشعـر يوصفنـا وناصفـه
عندنا الحرة ورسم الحرة اللي في الكتب مذكـورة
وجبال أحمار والسـدرة وطـوق آثـال والحصـن
وجبل قيس الشهير وُسد عبلـة والحديـث امطـوّل
والمجازة حينمـا تُجمـع تسمـى هكذا..(المجـاز)
والنباع اللي تفيّا هي ..وحلية في مرابـي جُلجُـل
وعراعر في بني ذبيان غير..الرُمل .!! في الحـزن
والمصانع وسط وادي العـرج ماتنشـال للسرّاقـه
المصانع؟ قلـت مفردهـا علـى لفظـي بمصنعـة
والوقايـع ماذكرناهـا تركنـا علمهـا نحتـاجـه
عندمـا نُطلـب بترقيـم الحـوادث فـي تراثـنـا
ثم وشكّ اللي تجي منه القوافـل يمنهـا والشامـا
والمحطـة موقـف الحُجّـاج بآثـال المعظـمـا !
وبعد يوجد رسوم موشحـات بكـل مامـن شانـه
يثبت انـا ..وبنـي ذبيـان مـن غطفـان صلبنـا
ولنا في الحزن والشفيـان شي(ن)يُذهـل النسّابـه
والشريعـة وميـاه العيـن تُعـرف فـي ربوعنـا
الشرايع عندنا جمع الشريعـة والشواهـد تشهـد
بننـا عبـس القـروم اللـي لنـا تاريـخ يذكـرا
فضلاً عن غار الشهيرالشاعر الفارس ولد شـدادي
الذي موجود فـي جُلجُـل ومـن نشـوان يشربـا
ومعي في العلم معنى ..لكن المعنى بصدر الشاعـر
لست محتاج(ن)عليه الحين لكن بدركـه ..بعديـن
كل ماقلتـه اشـارة للحقيقـه مانبـي منهـا حـد
الحدود اللي مضت في العصرالاول شانهـا عظيـم
هذا قولي المختصر عن ربعنا والا المـوارد واجـد
لـو بنذكرهـا لكـم طالـة مواردهـا وشانـهـا
لكن آبعرُج على وادي اسلبـه واذكّـر الوهمانـي
بـن وادينـا دعـى لـه بالحمايـة سيّـد البشـر
والصاحبيّ الجليل هلال أحد عـزوة بنـي متعانـي
ذاك ماهو بابو سيارة رضي المولى عنه ..وارضاه
ونحن متعـان تعرفنـا القبايـل بننـا عبـس أوّل
عبس غطفان العظـام ورب الابجـر مـن رجالنـا
وزهير أميرنا وابنـه نسمـي كـل نايـف بسمـه
ذاك قيس وحربه اللي من سببها لطـم زوم الخيـل
خيل داحس وايضاً الغبراء لها قصة مـع الذبيانـي
وقبائل عبس مابحصي عددها في قليـل ابيـااات !
الخريطه هايله وحدودهـا وارسومهـا موسوعـه
من عصوراً ماضيه ونحن بشرع الله عيـال اليـوم
لكن لا.لا مايضيـع الحـق مادمنـا لـه الطلابـة
والثوابت عندنـا واللـي جهلنـا وشلنـا منـه !
انشدوا عنا بني زهران من صوب اليمن والساحـل
اهل قلوه واللي في الحجـرة وشغبانـي ومقبلـي
وانشدوا عنا بجيلة في السراة وفي صدور اتهامه !
ياعسى الجاهل بنا ينشـد ويزبـن فـي حصونهـا
وانشدوا عنا هل الساحل من الاشراف طول وعرضا
ومن الاشراف احددهـا مـع دعـوى ذوي حسـن
وبني هلال العظام اللي لهم فـي كـل قالـه مبـدا
أهـل الشيمـات والطـولات والعلـم المنصـبـا
وانشدوا عنا هوازن في السراة وفي القريب الوالي
في بني سعد القروم وفي رُبيع وفـي عـزا ثبيـت
وانشدوا عنا بني الحارث واحـدد ناصـرة وآكّـد
وبني أوس النشاما وانشـدوا عنـا عـزا ثقيـف
وانشدوا عنا هذيل مع فهم والعـارف (المعطانـي)
وانشـدوا عنـا بجالـه وبنـي سهـم الهوايلـي
وانشدوا عنا رجال ابني يزيد اهل العلـوم الغنمـى
وانشدوا عنا عمر قـوم الشـداد الشمّـخ القـروم
وانشدوا عنا بني ذبيان من حـول الربـا والمربـا
ربعنـا واشراكنـا فـي كـل قالـه يعتـزا بهـا
وانشدوا عن عزوتي جمع القبايل حجزها والنجـدي
انشدوهم عن مواطن عبس وين آخـر رعينهـا ؟!
وانشدوا صالح ولد شاطر يعلمكم بعلـم(ن) وافـي
ذاك شيخ وذاك شاعـر مـن مناصيـب المعاليـة
وان نشدتم عيضه ابن طويرشاعر من رجال بجيله !
فضلاً عما يعرف محمد ولد حوقـان مـن نحـن ؟!
وانا ما ادوّر لكسب الجـاه والميـلان والا الديـرة
نحمد الله عزنا بالشـرع واولاة امرنـا آل سعـود
لا ولا .لا للتعنصـر والجهالـة دام حنـا واحــد
شعـب متلاحـم ونتمسـك بدولتـنـا وشرعـنـا
لكن الطّعن الذميم ..ايفكّكّ البنيـان ويهُـدّ اعمُـر
ولهـذا همنـي حليـة عزائـي واحنـا اسودهـا
واسم عبس اسم الاسد يوم العرب يصحابنا يسمونه
عبس معناه الشجيع القاسـي الضرغـام والملـك
خلوا خالد بن سنان اللي علومه واضحه معروفـه
يوم طفّى النار مالحرة وعقبه ..قصـة الكتـب ...
وحذيفه ابن اليمان اللي حمل سر الرسول الهـادي
والصحابه كُثر وارموز القبيلـه عُـدّ وش تعُـدّ !!
والحقيقة يمكن اهملت الوصوف الوافيات ..بجهلـي
عن مرابي عبس ربعي والديـار انسـا رسومهـا
لكن هذا رمز يحمل رمز والا..انا بدربي سايـر ..
والمطابع دوم تزهمني تقـل عجّـل ..بنا..وحـل !
والله اني قلتها صادق ويصدقنـي الزمـان القـادم
والمكاتب بيننـا واقليـم يعـرُب ترجـم (ن)لهـا
والذي ماهـو مصدقنـي ووده بالحقيقـه حيّـه..!
مرحبا به له تحيـة وانـا اريـه ارضـي وجُلّهـا
لايروح الظن به في جهل ويتـوّه بـه الشيطانـي
الحقائـق مـن يبيهـا عندنـا ونحـن رجالـهـا
والختام اختم بذكر الله واختمهـا بذكـر ارسولـه
وانت يامن تسمـع وتقـرا تهلـل صـل عاالنبـي
***
وجّـبــت والـمـاجـوب مـــن سلـمـنـا
انـعُـدّهـا واتُـكــال مــــن سـلـمـنـا
قــد جـاكـم التوضـيـح فـــي علـمـنـا
وامُـــدّ كـــفّ ام الـشـحـم لـلـدســم
هــات اليمـيـن ومُـدّهـا وانـــت ســـم
والـلـي مـعـه فــي العـلـم نقـصـاً وزود
فـالـه قـصــاه ..ومـرهـفـات الـحــدود
وان زادنــا بالـجـهـل زدنـــاه حـجــه
وبنـلـحـق الاخـــرى مـــع الاولــــه