المشاركة الأصلية بواسطة : ابوسلطان اقتباس
	أخي الغااالي :: حاتم الشدادي مبدع مبدع مبدع حقيقةً كان قسم الضيوف واللقات في ضموور وبان الأن لنا وللجميع التميز في هذا القسم .والأبداع وهو لم يرقى والحق يقااال الا بمجهوداتكم ... وهذا أن دل يدل على النظره السليمه في الأختيار من قبلكم انتم المشرفيين وكذلك الأداره ونجاحكم بستضافة شاعرنا الغالي ابو عيـــــد ...من التميز الذي هو عنوان منتدانا الغالي أخي السلطان أرفع لك عقالي ...وأشكرك على مجهوداتك الجباره ...وشهادتي فيك مجروحه والشكر موصول لمشرفنا الغالي حاتم وكذلك شاعرنا الغالي الغربي فلكم مني الف تحيه وتقدير واما من ناحيتي فأسئلتي: س1:ماهي اقرب قصيده لك طبعا من قصايدك؟ وماهو السبب س2:نلاحظ في الاواني الأخيره كثرة القنوات الشعريه فهل براي الغربي انها تخدم الشعر ام لها سلبيات تضر بالشعر؟ س3:ماهو بيت الشعر اللي سمعته من شاعر اخر ودايما يراودك في ذهنك وتحب تردده؟ س4: لقب الغربي هل انت اطلقته على نفسك ؟ وماهو السب تسميتك بهذا الاسم اتمنى اسئلتي كانت خفيفه كل الشكر للشاعرنا الجزل عيد بن عبيد الشدادي على رحابة صدره والشكر لك اخوي حاتم على جهودك لتنسيق المقابله مع شاعرنا الغربي دمتم بوووووود

هلا وغلا يابو سلطان يسعدني تواجدك يالغالي

ومشكور على كلامك الحلو اللي قلته فالسلطان يستاهل كل خير

وحاتم يستاهل ايضاً والجميع ماقصروا

جميع قصائدي قريبه جداً لي فأنا اردد اغلب قصائدي كثيراً

ولا امل منها ربما الكثير يمل من سماع القصيده اكثر من مره

ولكن كل قصيده تذكرني بذكرى لازالت ترتسخ في ذهني

هذي هي اقرب قصيده بالرغم من انها قديمه جداً وهي بعنوان ليه الغياب

طاريك في بالي ولايمكن انسـاك=وفي كل لحظه صورتك في خيالي
يا غايتي جعل البشر من فدايـاك=ما انساك انا لو كان موتي قبالـي
احن لك واشفق لشوفك وطريـاك=عساك تبقى طـول الايـام غالـي
وانا معك في عسر وقتك ودنيـاك=مخلص معك لو فرقتنـا الليالـي
ارتاح لا شفت الفرح في محيـاك=ويروح عنـي كـل هـمٍ طرالـي
صورتك في فكري وباقي حلايـاك=وذكراك لامن غبت دايم في بالـي
ماعاش من بالكون هذا بيجفـاك=مـادام راسـي بالحيـاه متعالـي
ولاعاش من يوصلك ويقرب حماك=لو كان يابنت العرب من خوالـي
هليت دمع العين من بعد فرقـاك=ودمعي على الخدين ماقـد سالـي
إلا بعدماشفت قفـت بـك خطـاك=ومن غيبتك شلت الحمول الثقالـي
ياغايتي لاالحيـن وانـا اتمنـاك=لكن ترى من بعدك انهـد حالـي
جننتي الغربـي بضحكـة ثنايـاك=فيك النعومـة والدلـع والدلالـي
والبسمه اللي ذايبه مـن شفايـاك=والمشيه اللي مثل مشي الغزالـي
ونظرتك لامن شفتها جاني اربـاك=واليـاء تكلمتـي تـزود هبالـي
باموت واحبك واقـدرك واهـواك=واعطيك لو تطلب حلالي ومالـي
واغليك واعزك وادور على ارضاك=ولعيونك ارقى عاليـات الجبالـي
لكن متى رجعتك لـي لاعدمنـاك=كنتي معي في كـل مـرٍ وحالـي
واليوم غبتي يا عسى الله يرعـاك=ويصّبر الغربي وترجع يـا غالـي

منها من يخدم الشعر ومنها من يضره

فيه قنوات تركز على الشعر الحقيقي والجزل

وفيه قنوات يجاملون كثير من الشعراء

واعتقد ان السبب الرئيسي من الفريق المكون بالقناه

ان كان مالك من ذراعك نجده=شربك على يدين الرجال هماج

هذا البيت لا اعرف من قائله

ولكني اردده كثيراً

بصراحه انا لم اسمي به نفسي

ولكن ساذكر لكم من الذي سماني به

قبل ثلاث سنوات تقريبا كنت اقول لسلطان انا ابي اشارك في المنتدى

كان عدد الاعضاء في ذالك الوقت قليل جداً

سالني وش تبيني اسجلك به قلت له اللي يعجبك يابن العم

فسجلني بالغربي

والحقيقه انا الآن افتخر بهذا الاسم كثيراً

حتى صاروا عيال عمي وجماعتي كلهم واصدقائي مايقلون لي الا يالغربي

حياك الله يابو سلطان

ومشكور على تواجدك المميز

وكلامك الجميل

تحياتي