هلا مرحبا في منتـدى الاد شـداد=رجال الظفر والعز فـاول وتالـي
واقول لك خلك حذر والحبل منقاد=عسا الدلو مايضرب على كل جالي

يدوم البقا ياسهم والسهم قصـاد=بحلة هل الناموس وأهل المعالي
تقوله وصاحبكم ورد كل ميـراد=ولا يشرب ألا من القراح الزلالي

وألا يالبرينيسـي تـرى بابعـد المـاد=عسـى الله يعينـك فالليـال التـوالـي
وانا بأنشدك ويش أنت من ضمن ألأشهاد=يقولـون ماعنـدك بطـاقـة حـوالـي

وأنا مستعد ولو تبى تروح بغـداد=ومتني يبا يدحم متـون الرجالـي
أنا ياسهم مسلم ومن ضمن الأجواد=وبطاقاتنا في البوك جنب الريالـي

ولكن عليـك اليـوم كثـرن الانشـاد=عليك العرب شالت حمول الجمالـي
يارجـال ماينفعـك كثـر التـلـداد=وش اسمك وش اصلك ياكريم السبالي

يا سهم القصيد أحذر يجي بيننا أحقاد=ولا تستمع في أهل الفتن والظلالـي
أنا في نهار الوعد واقـف بمرصـاد=أنا كعام خصمـي مـورده للهوالـي

انا ماني لبعض السواليف مقـواد=سألتك واحسب انك تجيب السوالي
مادامت كذيا روح ياقـرم الاولاد=مبى منك مر ولا نبى منك حالـي

ياسهم البرينيسي نصحكم ولا فاد=وأنا خامسي أهل الفعول الجزالي
ولامن بغيتوني أجي وقت الأعياد=أنا لغز حله وأوهبك نصف مالي