ماكل من يركب على الخيل خيال!!!!!
ماكل من يركب على الخيل خيال=ولا كل فرس تعجبك أصيله
ولا كل من يعجبك هرجه برجال=بعض العرب ملسون وايده بخيله
الكل يلبس ثوب وشماغ وعقال=وعند اللزوم افعالهم هي قليـله
الرجل تثبت له أقاويل بافعال=لاقال شئ ونفذه هو دلـيله
والرجل لاشفته مع القيل والقـــال=ابعد عنه هذا صفاته عليــله
والكذب خله عنك مافاد لو طال=قول الصدق ياصاح غنم وجميـله
وخلك شجاع وذي صفات للابطال=اللي كما سيوف تبارق سليـله
واللي شراك اشريه لو كان بالمال=خلك معه وان مــــــال دور بديله
واصبر ترى الدنيا تبدل بها أحوال=وما كل شئ صافي تشـــــوفه تجيله
وبعد الكدر تشرب صفا عذب وزلال=هذا الزمن فيه استــــقامه وميله
وصاحب خليل لو جفـا الوقت مامال=ترى الرجل يعرف بقيمة خليـله
واقفل على سرك بكتمان واقفال=بعض العرب يسمع و ينوي بحيله
وخلك أمين إذا توليت الأعمال=من خان في يوم الحشر يا حليله
خل التواضع فيك واضح بالافعال=ترى الكبر يردي بيوم وليـله
ولا تحسد اللي عنده اموال وعيال=وش ينفعك لو كان حـــسدك يزيله
ولا تــزور تقلب الزين بطــــال=الله عليــم بالنوايــا الدخـيلـــه
وخلك رزين تـرى المخفه للاطفال=واصفح عن المخـطي ولو زاد قيله
واحمل همومك لو تزن وزن آلآثقال=بكـــره تـروح وتنجلي لـو ثقـيلــه
وصل الفروض ولا تنسيك آلآشغال=محدن في الدنيــا درى وش بقي له
وزور آلآقارب للرحم كون وصـــــال=وخلك عظيــم الشان وسط القـبيله
وصــلاة ربــي عـــــد ماهـــل هلال=علــى النبي اللي صفـــــاته جليله
منقوووووووووول
توقيع : أبن جبري | الخيل ورث النشاما من قديم الزمان=ياعاشق الخيل حذرى تفلت الجامها
قحص المهار الاصيله في غلاها مدان=واجدادنا بالبيارق رزة اعلامها
لكن يابو علي جود لجام الحصان=مثل المطيه ليا قبضت فخطامها
صح لسانك يالغربي
الايمي بالخيل بالهون بالهون // لا يالسنافي كب عنك العذايل
للخيل حبٍ داخل القلب مكنـون // احبهـا من حبهـا لتخايــل
رمز الشجاعه والفخر كان تدرون // اقسم بها الرحمن منشي المخايل
الخيل فيها الخير ثابت ومسنون // وصى بها محمد وديع الرسايل
ومن عرض ما جاء في المثايل يقولون // الخيل عزن للرجال وشكايل
منها كسبنا معرفة كل دندون // اعيال الرجال اللي تشيل الثقايل |
التعديل الأخير تم بواسطة رعد الجبوب ; 05 Sep 2010 الساعة 06:18 AM
|