أغلى الليالي تراها ليلة الجــــمـــعـــة مذكورةٍ بــــــــأول الدنياوتالــيـــــها
جمّعت الشمل يوم الناس مجتمعــــــة ســــــــبحان ربٍ يبعـدهاويدنــيـــــها

أنا أجتلد وأرسل الدمعة ورى الدمعة متى عيوني تشوف عيونغالــيــــها
ورأس مالي هوالمطلــــوب والطمعة البيض غيره حشــــــا لله مابــيـــــها

والله لولا الحيا والعيب والســــــمعة إني لأخـــاطر وغاليوروحي لاهديها
وأشاهد اللي لغضات الصبا شـــمعة ما يونـس العلة إلا قلبراعــيــهـــــا

والله لو عرضت لي زينة اللـمـعــة ما تلتفت عينياليســــــــرى تراعيها
الغاية أحلى الليالي ليلة الجـمـعـــة من بــد كلالليالي أحب طـاريــهـــــــا

من بادي الوقت وهذا طبع الايامـي ..عذبات الايـام مـا تمـدي لياليهـا
حلو الليالي توارى مثل الاحلامـي .. مخطور عني عجاج الوقت يخفيهـا
أسري مع الهاجس اللي ما بعد نامي .. واصور الماضي لنفسـي واسليهـا
أخالف العمر أراجع سالف أعوامي .. وانوخ ركاب فكري عنـد داعيهـا
تدفا على جال ضوه بارد عظامي .. والماء يسوق بمعاليقـي ويرويهـا
إلى صفالك زمانك عـل ياظامـي.. اشرب قبل لايحوس الطين صافيهـا
الوقت لو زان لك ياصاح ما دامـي.. ياسرع ما تعترض دربـك بلاويهـا
حتى وليفك ولو هيم بـك هيامـي.. سيور الايام تجنـح بـه عواديهـا

بصرآحة قبل أسبوعين كنّــا أنا والوالد رايحين والطريق طويل
فقمنا نسلي عمارنا هو يقول قصيدة وإلا شيلة وأنا بعد ونشوف
من أكثر من يحفظ عآد هو طبعا غلبني .. وأعجبتني هالثلاث قصآيد
يآربي ذوقه طلع خطييير وشكلي ورثته منه
تمنيت أسجلها بس هو رفض عارف أني رآح أفضحه وما أخلي أحد وما أسمعه ...
وعآد في ذآك اليووم طلع مواهبه .. أما أنا تفشلت لا صوت ولا حفظ قلت كم قصيدة
ووقفت حفظا لشعوري من تريقة آبوي علي ..

حفظكـ الله ذخراً لي والدي ..
لو تعلم كم أحبكـ ..
..